பீஸ்ட், கேஜிஎஃப் - 2 படங்களுக்கு இருக்கும் ஒற்றுமை இதுதான்! - வெளியானது லேட்டஸ்ட் அப்டேட்!

ஏப்ரல் 14-ம் தேதி பீஸ்ட் படம் வெளியாக உள்ளது. அடுத்த நாள் கேஜிஎஃப்-2 வெளியாவதால், படத்தின் மீதான எதிர்ப்பார்ப்பு இன்னும் அதிகரித்திருக்கிறது. 

கேஜிஎஃப் 2

கன்னட நடிகர் யஷ் நடிப்பில் கடந்த 2018ம் ஆண்டு வெளியான திரைப்படம் கேஜிஎப். பிரசாந்த் நீல் இயக்கிய இந்த படம் தமிழ், இந்தி, தெலுங்கு, மலையாளம் என வெளியாகிய அனைத்து மொழிகளிலும் மாபெரும் வெற்றி பெற்றது. இந்த படத்தின் அடுத்த பாகம் எப்போது வெளியாகும் என்று இந்தியா முழுவதும் உள்ள சினிமா ரசிகர்கள் மிகவும் ஆவலாக காத்திருந்தனர். 

ரசிகர்கள் காத்திருப்புக்கு பதில் கிடைக்கும் விதமாக இந்த திரைப்படம் தமிழ் புத்தாண்டு தினமான வருகிற ஏப்ரல் மாதம் 14 ம் தேதி தமிழ், தெலுங்கு, கன்னடம், மலையாளம், இந்தி என 5 மொழிகளில் வெளியாகிறது. இந்த படத்தின் எதிர்பார்ப்பை மேலும் தூண்டும் விதமாக படக்குழு கேஜிஎப் - 2 திரைப்படத்தின் ட்ரைலர் சமீபத்தில் வெளியாகி மிகப்பெரிய ஹிட்டானது.

The world is my territory, says the SULTHAN

Unleashing #KGFChapter2Trailer 🔥

Kannada: https://t.co/b0wtXMLmc7
Telugu: https://t.co/hLtbO1J721
Tamil - https://t.co/2eJqAkggSw
Malayalam: https://t.co/AAzNMaXQnI#KGFChapter2 @thenameisyash @prashanth_neel @VKiragandur pic.twitter.com/VPgphdHDrc

— K.G.F (@KGFTheFilm) March 27, 2022

ஹாலிவுட் படங்களை போலவே தற்போது இந்தியா முழுவதும் படங்கள் பார்ட் 1, பார்ட் 2 என வெளியாகி வருகிறது. இந்தியாவில் இப்படிப்பட்ட படங்கள் முதல் பார்டை போலவே வெற்றிபெறும் என்றால் இல்லை என்றே வார்த்தை முதலில் தோன்றும். ஒரு குறிப்பிட்ட இரண்டாம் பாகம் படங்களே அரிதாக பெரியளவில் வெற்றி பெறும். அந்த படங்களையும் விரல் விட்டே எண்ணி விடலாம். அப்படிப்பட்ட நிலையில் பாகுபலிக்கு பிறகு இந்தியா முழுவதும் இரண்டாம் பாகத்திற்கு காத்திருந்த திரைப்படம்தான் இந்த கேஜிஎப் - 2 

இந்நிலையில், படத்திற்கு U/A சான்றிதழ் தரப்பட்டுள்ளதாக தகவல் வெளியாகியுள்ளது. மேலும், படம் 2 மணி நேரம் 48 நிமிடங்கள் 05 நொடிகள் ஓட இருப்பதாகவும் தகவல் கிடைத்துள்ளது.

#KGFChapter2 - U/A.

Run time - 2 hrs 48 mins 06 secs#KGF2 #Yash

— Manobala Vijayabalan (@ManobalaV) March 30, 2022

ஏப்ரல் 14-ம் தேதி பீஸ்ட் படம் வெளியாக உள்ளது. பீஸ்ட் படத்திற்கும் U/A சான்றிதழ் தரப்பட்டிருந்தது சமீபத்தில் வெளியான போஸ்டரில் குறிப்பிடப்பட்டிருந்தது. அடுத்த நாள் கேஜிஎஃப்-2 வெளியாவதால், இரண்டு படங்களின் மீதான எதிர்ப்பார்ப்பு இன்னும் அதிகரித்திருக்கிறது. 

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண