Sardar Release Date: ‛களத்துல சந்திப்போம் பங்கு..’ சிவகார்த்திகேயனுடன் மோதும் கார்த்தி!

கார்த்தி நடிப்பில் உருவாகியிருக்கும்  'சர்தார்' படத்தின் அதிகாரப்பூர்வ ரிலீஸ் தேதிஅறிவிக்கப்பட்டுள்ளது. 

சர்தார் vs பிரின்ஸ்

கார்த்தி நடிப்பில் உருவாகியிருக்கும்  'சர்தார்' படத்தின் அதிகாரப்பூர்வ ரிலீஸ் தேதிஅறிவிக்கப்பட்டுள்ளது. 

தமிழ் சினிமாவின் முன்னணி நடிகராக உள்ள கார்த்தி நடிப்பில் கடந்த ஆகஸ்ட் மாதம் ‘விருமன்’ படம் வெளியானது. வசூல் ரீதியாகவும், விமர்சன ரீதியாகவும் இப்படம் நல்ல வரவேற்பை பெற்றது. தொடர்ந்து தமிழ் சினிமாவின் 50 வருட கனவுப்படமான பொன்னியின் செல்வன் கடந்த வாரம் வெளியானது. இதில் வந்தியத்தேவன் என்னும் கேரக்டரில் கார்த்தி நடித்திருந்தார். முதல் பாகத்தில் பொன்னியின் செல்வனின் மொத்த கதையும் கார்த்தி வழியாக ரசிகர்களுக்கு கடத்தப்பட்டிருந்தால் அவரின் நடிப்பு பெரும் வரவேற்பை பெற்றது. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Karthi Sivakumar (@karthi_offl)

இதனைத் தொடர்ந்து இரும்புத்திரை, ஹீரோ ஆகிய படங்களை இயக்கிய பி.எஸ்.மித்ரன் இயக்கத்தில் சர்தார் படத்தில் கார்த்தி நடித்து வருகிறார். ஸ்பை திரில்லர் வகையில் எடுக்கப்பட்டிருக்கும் இந்த படத்தின் டீசர் கடந்த செப்டம்பர் 29 ஆம் தேதி வெளியானது. தீபாவளிக்கு இப்படம் வெளியாகும் என அறிவிக்கப்பட்டுள்ள நிலையில் இதில் கார்த்தி 6 கெட்டப்புகளில் நடித்துள்ளார்.

 

                                                       

ஜி.வி.பிரகாஷ்குமார் இசையமைக்கும் இப்படத்தில் ஹீரோயினாக ராஷி கண்ணா ஹீரோயினாக நடிக்க, லைலா முக்கிய கதாபாத்திரத்தில் நடித்துள்ளார். சர்தார் படத்தின் தமிழக திரையரங்க உரிமையை ரெட் ஜெயிண்ட் நிறுவனம் கைப்பற்றியுள்ளது. தொலைக்காட்சி மற்றும் டிஜிட்டல் உரிமங்கள், பிற மொழி டப்பிங் உரிமை என தமிழகம் தவிர்த்த வியாபாரங்களில் சர்தார் படத்திற்கு 64 கோடி வருவாய் கிடைத்துள்ளதாக கூறப்படுகிறது. 

 

Shifting gears makkale. Getting ready to present #SARDAR this Diwali!💥💥 @Psmithran @RaashiiKhanna_ @rajishavijayan @ChunkyThePanday @george_dop @gvprakash @AntonyLRuben @dhilipaction @Udhaystalin @iamnagarjuna @lakku76 @SonyMusicSouth pic.twitter.com/Cm7W8bZIR4

— His Highness Vanthiyathevan (@Karthi_Offl) October 12, 2022

இந்நிலையில் சர்தார் படத்தில் கார்த்தி பாடிய ஏறுமயிலேறி என்னும் எனும் பாடல் அண்மையில் வெளியிடப்பட்டது. படம் தீபாவளிக்கு வெளியிடப்படும் என அறிவிக்கப்பட்டாலும் குறிப்பிட்ட தேதியை படக்குழு வெளியிடவில்லை. இந்த நிலையில் சர்தார் படமானது வரும் அக்டோபர் 21 ஆம் தேதி வெளியாக இருப்பதாக அதிகாரப்பூர்வமாக அறிவிக்கப்பட்டுள்ளது.

 

 

                                         

இதன் மூலம் சிவகார்த்திகேயனின் பிரின்ஸ் படத்துடன் சர்தார் மோத இருப்பது உறுதியாகி இருக்கிறது. பிரின்ஸ் படத்தை தெலுங்கு இயக்குநர் அனுதீப் இயக்கி இருப்பது குறிப்பிடத்தக்கது.