Indian 2 Trailer: இந்தியன் 2 ட்ரெய்லர் இன்று ரிலீஸ்.. எத்தனை மணிக்கு தெரியுமா? - அப்டேட் விட்ட லைகா!

ஜூலை 12 ஆம் தேதி இந்தியன் 2 வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த படத்தின் ப்ரோமோஷனை உலகமெங்கிலும் நடத்த லைகா நிறுவனம் திட்டமிட்டுள்ளது.

இந்தியன் 2 பட ட்ரெய்லர்

நடிகர் கமல்ஹாசன் நடித்துள்ள இந்தியன் 2 படத்தின் ட்ரெய்லர் வெளியாகும் தேதியை லைகா நிறுவனம் அதிகாரப்பூர்வமாக அறிவித்துள்ளது. 

கடந்த 1996 ஆம் ஆண்டு கமல் - ஷங்கர் கூட்டணியில் வெளியான “இந்தியன்” படம் வெளியாகி மிகப்பெரிய வெற்றியைப் பெற்றது. ஏ.ஆர்.ரஹ்மான் இசையமைத்துள்ள இப்படத்தில் மனிஷா கொய்ராலா, ஊர்மிளா, கவுண்டமணி, செந்தில், நெடுமுடி வேணு உள்ளிட்ட பலரும் நடித்திருந்தனர். இப்படத்தில் இந்தியன் தாத்தா என்ற கேரக்டரில் அப்பா கமல் அசத்தலான நடிப்பை வெளிப்படுத்தியிருப்பார். சமூகத்தில் நிலவும் லஞ்சம் தொடர்பான அவல நிலைகளை இப்படம் எடுத்துரைத்தது. 

இதனிடையே நீண்ட ஆண்டுகளாக ரசிகர்கள் இப்படத்தின் 2 ஆம் பாகம் கேட்டு ரசிகர்கள் கோரிக்கை விடுத்து வந்தனர். 22 ஆண்டுகள் கழித்து 2018 ஆம் ஆண்டு இந்தியன் படத்தின் 2 ஆம் பாகம் உருவாகும் என இயக்குநர் ஷங்கர், நடிகர் கமல்ஹாசன் அறிவித்தனர். லைகா நிறுவனம் இப்படத்தை பிரமாண்டமான செலவில் தயாரிப்பதாக அறிவித்தது. இந்த படத்தில் காஜல் அகர்வால், பிரியா பவானி ஷங்கர், ரகுல் ப்ரீத் சிங், பாபி சிம்ஹா, சித்தார்த், நெடுமுடி வேணு, மனோபாலா, விவேக், மாரிமுத்து என பலரும் நடித்துள்ளனர். அனிருத் இப்படத்துக்கு இசையமைத்துள்ளார். 

Brimming with excitement! 🤩 The #Indian2 🇮🇳 trailer drops today at 7️⃣ PM. Get ready for an exhilarating glimpse into Senapathy's epic saga! 🤞🏻🔥 @IndianTheMovie 🇮🇳 Ulaganayagan @ikamalhaasan @shankarshanmugh @anirudhofficial @LycaProductions #Subaskaran @RedGiantMovies_… pic.twitter.com/JMbSZTvhFm

— Lyca Productions (@LycaProductions) June 25, 2024

இந்தியன் 2 படத்தின் இசை வெளியீட்டு விழா ஜூன் 1 ஆம் தேதி சென்னை நேரு உள்விளையாட்டரங்கில் நடைபெற்றது. தொடர்ந்து ஜூலை 12 ஆம் தேதி இப்படம் வெளியாகும் என அதிகாரப்பூர்வமாக அறிவிக்கப்பட்டுள்ளது. இந்த படத்தின் ப்ரோமோஷனை உலகமெங்கிலும் நடத்த லைகா நிறுவனம் திட்டமிட்டுள்ளது. இந்நிலையில் இன்றைய தினம் இந்தியன் 2 படத்தின் ட்ரெய்லர் வெளியாகும் என தெரிவிக்கப்பட்டிருந்தது. அதன்படி இன்று மாலை 7 மணிக்கு ட்ரெய்லர் வெளியாகும் என அறிவிக்கப்பட்டுள்ளது. முன்னதாக இன்று காலை சென்னையில் ட்ரெய்லர் வெளியீட்டு நிகழ்ச்சி நடைபெற்றது. தொடர்ந்து மாலையில் இந்த நிகழ்ச்சி மும்பையில் நடைபெறவுள்ளது குறிப்பிடத்தக்கது.