Feb 16 Theatrical Release : ஜெயம் ரவியின் சைரன் முதல் மேடம் வெப் வரை... இன்று திரையரங்கில் வெளியாகும் படங்கள்

இன்று பிப்ரவரி 16 ஆம் தேதி திரையரங்கத்தில் வெளியாகும் படங்களைப் பார்க்கலாம்

பிப்ரவரி 19 வெளியாகும் படங்கள். (Image source: Twitter)

இந்த மாதம் காதலர் தின சிறப்பு வெளியீடாக பிப்ரவரி 9 ஆம் தேதி லவ்வர், லால் சலாம், மலையாளத்தில் பிரேமலு உள்ளிட்டப் படங்கள் வெளியாகி நல்ல வரவேற்பைப் பெற்றுள்ளது. இந்தப் படங்கள் முதல் வாரத்தை கடந்துள்ள நிலையில் தற்போது சவாலாக இந்த இன்னும் சில படங்கள் வெளியாக இருக்கின்றன. இன்று பிப்ரவரி 16 ஆம் தேதி வெளியாக இருக்கும் படங்களைப் பார்க்கலாம்.

சைரன்

இரும்புத்திரை, விஸ்வாசம், ஹீரோ ஆகிய படங்களில் எழுத்தில் பங்களித்த அந்தோணி பாக்யராஜ் “சைரன்” திரைப்படத்தின் மூலம் இயக்குநராக அறிமுகமாக இருக்கிறார். மிகப்பிரமாண்ட பொருட்செலவில், குடும்ப அம்சங்கள்  நிறைந்த, ஆக்சன் திரில்லராக இப்படம் உருவாகியுள்ளது. நடிகர் ஜெயம் ரவி இதுவரை ஏற்றிராத ஒரு புது கதாப்பாத்திரத்தில் இரண்டு விதமான தோற்றங்களில்  நடிக்கிறார்.

Home Movie Makers சார்பாக தயாரிப்பாளர் சுஜாதா விஜயகுமார் தயாரிப்பில், தமிழ் திரைத்துறையின் முன்னணி நட்சத்திர நடிகர் ஜெயம் ரவி நடிப்பில், அறிமுக இயக்குநர் அந்தோணி பாக்யராஜ் இயக்கத்தில் உருவாகியுள்ள ஆக்சன் கமர்ஷியல் திரைப்படம் “சைரன்”.  கீர்த்தி சுரேஷ் , யோகி பாபு , சமுத்திரகனி உள்ளிட்டவர்கள் இப்படத்தில் நடித்துள்ளார்கள். சைரன் படம் வெளியாவதற்கு முன்பாகவே ஓடிடி மற்றும் சேட்டலைட் விற்பனையில் 40 கோடி ரூபாய் வசூலித்துள்ளதாகவும் ஹாட்ஸ்டார் நிறுவனம் இந்தப் படத்தின் ஓடிடி உரிமத்தைப் பெற்றுள்ளதாக கூறப்படுகிறது.

மேடம் வெப்

பிரபல புத்தகமான ஃபிஃப்டி ஷேட்ஸ் ஆஃப் கிரே (fifty shades of grey)  நாவலைத் தழுவி எடுக்கப்பட்ட படத்தில் நடித்து பிரபலமானவர் நடிகை டகோடா ஜான்சன்.  இந்தப் படத்தில் இடம்பெற்ற ‘லவ் மி லைக் யூ டு’ பாடல் உள்ளூர் தெருக்களில் திருவிழாவில் ஒளிப்பரப்பாகும் அளவுக்கு ரீச் ஆகியது. இதனைத் தொடர்ந்து ஒரு சில வெற்றிப் படங்களை கொடுத்து வந்த டகோடா ஜான்சன், தற்போது மேடம் வெப் படத்தின் கதாநாயகியாக நடித்துள்ளார். சிட்னி ஸ்வீனி, எம்மா ராபர்ட்ஸ், டகோடா ஜான்சன், இசபெல்லா பர்ஸ்ட்  உள்ளிட்டவர்கள் நடித்துள்ள மேடம் வெப் படம் மார்வெல் படங்களுக்கே இருக்கும் சுவாரஸ்யமான கதையைக் கொண்டு எடுக்கப்பட்டிருக்கிறது.

பிரவீன் ஐ.பி.எஸ்

துர்கா தேவ் நாய்டு இயக்கத்தில் தெலுங்கில் நாளை வெளியாகும் படம் பிரவீன் ஐ.பி.எஸ்.  நந்த கிஷோர், ரோஜா, துர்கா தேவ் நாயுடு , வான்யா அகர்வால், சதிஷ் சரிபல்லி உள்ளிட்டவர்கள் இப்படத்தில் நடித்துள்ளார்கள். மமிதாலா நீலா இப்படத்தை தயாரித்துள்ளார்.

இவைத் தவிர்த்து இந்தியில் தஷ்மி, இமாம் தஸ்தா, குதாய், ரிகுலி உள்ளிட்டப் படங்களும்  கன்னடத்தில் ஈ.மெயில் மண்டியா ஹைடா, தீரஜ் சாம்ராட் , ஹப்பப்பா உள்ளிட்டப் படங்களும்  நாளை வெளியாகின்றன.