JaiBhim | ’கையில எடு பவர... ! துணிஞ்சு எடு பவர...!’ - வைரலாகும் சூர்யாவின் ‘ஜெய் பீம்’ பாடல் !

“திருடன் இல்லாத ஜாதி இருக்கா, எல்லா ஜாதியிலும் பெரிய பெரிய திருடங்க இருக்காங்க” என வலிமையான வசனங்கள் டீசரில் வெளியான நிலையில் தற்போது பாடல் வெளியாகியுள்ளது.

ஜெய்_பீம்

தா.சே. ஞானவேல் இயக்கத்தில் சூர்யா தயாரித்து நடிக்கும் அவரது 39வது திரைப்படம் ஜெய் பீம் . இந்த படத்தை சூர்யாவின் 2D Entertainment தயாரித்து வருகிறது. சமூக அரசியல் பேசும் படமாக ஜெய் பீம் உருவாகும் என எதிர்பார்க்கப்படுகிறது. படத்தில் சூர்யாவுடன் பிரகாஷ்ராஜ், ரஜீஷா விஜயன், லிஜோ மோல் உள்ளிட்ட பலர் முக்கிய கதாபாத்திரத்தில் நடித்து வருகின்றனர். ஷான் ரோல்டன் இந்தப் படத்துக்கு இசையமைக்கிறார். கதிர் ஒளிப்பதிவு செய்துள்ளார். படம் வருகிற நவம்பர் 2 ஆம் தேதி அமேசான் பிரைம் ஒடிடி தளத்தில் வெளியாகவுள்ளது. படத்தின் பாடல் ஒன்றில் கிளிம்ஸை படக்குழுவினர் வெளியிட்டுள்ளனர்.  “கையில எடு பவர , துணிஞ்சு எடு பவர வழி ஏதும் இல்லை அத தவர “ என தொடங்கும் அந்த வரிக்காணொளி பாடலை தெருக்குரல் அறிவு பாடியுள்ளார். முழுமையான பாடல் இன்று மாலை 5 மணிக்கு வெளியாகவுள்ளது. இது சமூக வலைத்தளங்களில் வைரலாக பரவி வருகிறது.

Here is a glimpse of the electrifying #PowerSong from #JaiBhim 🔥

Full song out today @ 5⃣ PM. ⏳

A @RSeanRoldan musical 🎶
✍️ & 🎤 @TherukuralArivu

Watch #JaiBhimOnPrime, Nov 2. @PrimeVideoIN@Suriya_offl #Jyotika @tjgnan @prakashraaj @SonyMusicSouth @rajsekarpandian pic.twitter.com/1G631KTE3P

— 2D Entertainment (@2D_ENTPVTLTD) October 18, 2021

 

ஜெய் பீம்  படத்தில் டிரைலர் மற்றும் ஃபர்ஸ்லுக் போஸ்டர் முன்னதாக வெளியாகி நல்ல வரவேற்பை பெற்றது. உண்மை சம்பவங்களின் அடிப்படையில் திரைப்படம் எடுக்கப்பட்டுள்ளதாக டீசரில் தெரிவிக்கப்பட்டுள்ளது. பட்டியலின பழங்குடி சமூகத்தைச் சேர்ந்த ஒரு பெண்ணுக்காக நீதிமன்றத்தில் வழக்கு தொடர்ந்து வாதிடுவதாக சூர்யா நடித்திருக்கிறார். ”பாதிக்கப்பட்டவங்களுக்கு மறுக்கப்பட்ட நீதி, அவங்களுக்கு அநீதியைவிட அதிக பாதிப்பு ஏற்படுத்தும்” “திருடன் இல்லாத ஜாதி இருக்கா, எல்லா ஜாதியிலும் பெரிய பெரிய திருடங்க இருக்காங்க” என வலிமையான வசனங்கள் டீசரில் வெளியாகியிருந்த நிலையில் நடிகர் சூர்யாவும் “உண்மையை உரக்க சொன்னால் மட்டுமே உண்மையான மாற்றம் நிகழும்... மகிழ்விப்பதைக் காட்டிலும், உணர்வு பூர்வமாய் உண்மையின் பக்கம் நின்ற மனநிறைவை தரும் ஜெய் பீம்!!” என தெரிவித்திருந்தார்.

Here’s #JaiBhim Teaser for you!

Tamil - https://t.co/lJ4mat1vS5

Telugu - https://t.co/iT8vp3OmEw

Watch #JaiBhimOnPrime Nov 2 @PrimeVideoIN @tjgnan @RSeanRoldan @srkathiir @KKadhirr_artdir @philoedit #Jyotika @rajsekarpandian @2D_ENTPVTLTD pic.twitter.com/FrxaVluTT2

— Suriya Sivakumar (@Suriya_offl) October 15, 2021

சமூகம் சார்ந்த கருத்துகளை துணிச்சலாக பேசுபவர் நடிகர் சூர்யா. சமூக அக்கறையுடன் கூடிய பதிவை அவ்வபோது வெளியிட்டு பரபரப்பை ஏற்படுத்துவார். அந்த வகையில் தற்போது கையில் எடுத்திருக்கும் ஜெய் பீம் திரைப்படம் மூலமாக சமுதாயத்தின் பல பிரச்சனைகளை வெளிப்படையாக பேசியிருப்பார் என நம்பப்படுகிறது.