Jacquline Lydia: ‛எப்படி இருந்த நான்... இப்படி ஆயிட்டேன்...’ ஒர்க் அவுட் வீடியோ வெளியிட்ட ‛விஜய் டிவி’ ஜாக்லின்!

Jacquline Lydia: தனது கட்டைக்குரலால் அறியப்படும் ஜாக்லினை, பெரும்பாலும் அவரது உடல் எடையை வைத்து நிகழ்ச்சியில் கிண்டல் அடித்து வந்தனர்.

ஜாக்லின்

விஜய் டிவியிலிருந்து தொகுப்பாளராக அறிமுகமான பலர், கலைத்துறைகளில் பல்வேறு அம்சங்களாக மிலிர்ந்து வருகின்றனர். அந்த வரிசையில் தொகுப்பாளராக அறிமுகமான ஜாக்லின், சீரியலில் பிஸியாக உள்ளார். 

1996 பிப்ரவரி 12 ம் தேதி பிறந்த ஜாக்லின் பெர்னாண்டஸ், இளம் வயதில் தந்தையை இழந்தவர். பிஎஸ்சி விஷூவல் கம்யூனிகேசன் படிப்பு, ஏர்ஹோஸ்டஸ் வேலை , அத்தோடு விஜய் டிவி ஆங்கர் என மூன்று பணிகளை ஒரே நேரத்தில் கவனித்த ஜாக்லின், தொகுப்பாளராக ஆவதற்கு முன்பே விஜய் டிவியில் ஒளிபரப்பான கனா காணும் காலங்கள், ஆண்டாள் அழகர் ஆகிய சீரியல்களில் நடித்திருந்தார். 

2014 ம் ஆண்டு நடந்த தொகுப்பாளருக்கான தேர்வில் பங்கேற்கு, அதில் தேர்வான ஜாக்லின், பங்கேற்ற 8 ஆயிரம் போட்டியாளர்களில் டாப் 10 வரிசையில் தேர்வானார். தர்ஷனும் இவரும் ஒரே பேட்ஜ் தேர்வாளர்கள். கலக்கப் போவது யாரு சீசன் 5 ல் இருவருமே தொகுப்பாளராக அறிமுகமாக, அடுத்தடுத்த சீசனை இந்த ஜோடி தான், தொகுத்து வழங்கியது. 

அதன் பின் சீரியல், திரைப்படங்கள் என பிஸியானார் ஜாக்லின். தனது கட்டைக்குரலால் அறியப்படும் ஜாக்லினை, பெரும்பாலும் அவரது உடல் எடையை வைத்து நிகழ்ச்சியில் கிண்டல் அடித்து வந்தனர். இந்நிலையில் தான், என்ன நினைத்தாரோ என்னவோ தெரியவில்லை, திடீரென கடுமையான உடற்பயிற்சிகளை எடுத்து புதுப்பொலிவோடு மீண்டும் வந்திருக்கிறார் ஜாக்லின். 

அவரா இவர், என்பதைப் போல , புதுவித தோற்றத்துடன் ஸ்லிம்மாக தோற்றமளிக்கும் ஜாக்லினை பார்க்க, முன்பை விட ஜொலிக்கிறார். திரைப்படங்களில் முழு கவனம் செலுத்தவே இந்த புதிய முயற்சியில் ஜாக்லின் இறங்கியிருப்பதாக தெரிகிறது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Jeeva (மாற்றமாயிரு) (@geezsquad2.0)

தனது இந்த முயற்சி ஒன்றும் சாதாரணமாக வரவில்லை; கடுமையான உடற்பயிற்சியால் ஏற்பட்டது என தனது ஒர்க்அவுட் வீடியோவை வெளியிட்டு அனைவரையும் ஆச்சரியத்தில் ஆழ்த்தியுள்ளார் ஜாக்லின்.