Breaking: பூஜா ஹெக்டேவிடம் அத்துமீறிய இண்டிகோ விமான ஊழியர்: நேரடியாக புகார் அளித்த பீஸ்ட் நாயகி!
Actress Pooja Hegde: விமான ஊழியர் விபுல் நாகேஷ் என்பவர், தன்னிடம் தகாத முறையில் நடந்து கொண்டதாகவும், அவரது திமிர் பிடித்த மற்றும் அச்சுறுத்தும் செயல்பாட்டால்....
பீஸ்ட் படம் எதிர்பார்த்த வெற்றியை பெறவில்லை என்றாலும், அதன் நாயகி பூஜா ஹெக்டேவுக்கு பெரிய அளவில் மவுசு தந்துள்ளது. தென்னிந்தியாவில் அதிக ஊதியம் வாங்கும் அளவிற்கு அவரை உயர்த்தியுள்ளது. நயன்தாராரை ஓரம் கட்டி கூடுதல் ஊதியம் வாங்கும் முதன்மையான நடிகை என்கிற அந்தஸ்தும், பூஜாவுக்கு கிடைத்துள்ளது.
இந்நிலையில் சற்று நேரத்திற்கு முன் தனது ட்விட்டர் பக்கத்தில் பூஜா ஹெக்டே ஒரு பதிவு இட்டுள்ளார். அதில், தான் மும்பையிலிருந்து புறப்பட்ட இண்டிகோ விமானத்தில் பயணித்தாகவும், அப்போது அதிலிருந்த விமான ஊழியர் விபுல் நாகேஷ் என்பவர், தன்னிடம் தகாத முறையில் நடந்து கொண்டதாகவும், அவரது திமிர் பிடித்த மற்றும் அச்சுறுத்தும் செயல்பாட்டால் தான் மிகவும் பாதிக்கப்பட்டதாக தெரிவித்துள்ள பூஜா, தான் வழக்கமாக இது போன்ற பதிவுகளை வெளியிடுவதில்லை என்றும், ஆனால், அந்த ஊழியர் தன்னிடம் வெளிப்படுத்திய விதம் பயங்கரமாக இருந்ததாகவும், அதனால் அதை தெரிவிக்க வேண்டிய கட்டாயம் இருப்பதால் இந்த பதிவை வெளியிடுவதாக இண்டிகோ விமானத்தை டாக் செய்து பூஜா ஹெக்டே பதிவிட்டுள்ளார்.
Extremely sad with how rude @IndiGo6E staff member, by the name of Vipul Nakashe behaved with us today on our flight out from Mumbai.Absolutely arrogant, ignorant and threatening tone used with us for no reason.Normally I don’t tweet abt these issues, but this was truly appalling
— Pooja Hegde (@hegdepooja) June 9, 2022
பிரபல விமான நிலைய ஊழியர் மீது பிரபல நடிகை நேரடியாக குற்றச்சாட்டு வைத்துள்ள சம்பவம், தற்போது பரபரப்பை ஏற்படுத்தியுள்ளது. பூஜா அடிக்கடி வெளி மாநிலங்கள், வெளிநாடுகளுக்கு சுற்றுலா செல்பவர், அவர் எங்கு சென்றாலும் அங்கு எடுக்கும் போட்டோக்களை தனது இன்ஸ்ட்கிராம் பக்கத்தில் வெளியிட்டு ரசிகர்களை திக்கு முக்காட வைப்பவர். இந்நிலையில் தான், அவரது பயணத்தில் இண்டிகோ விமான ஊழியரின் அத்துமீறல், அவருக்கு சங்கடத்தை ஏற்படுத்தியுள்ளது.
இதற்கிடையில் பூஜா ஹெக்டேவின் பதிவிற்கு அவரது ரசிகர்கள், எதிர்வினை ஆற்றி வருகின்றனர். இண்டிகோ விமான நிறுவனத்தை கடுமையாக சாடி வருகின்றனர்.
இதற்கிடையில் பூஜாவின் புகாருக்கு உடனே ரியாக்ட் செய்திருக்கிறது இண்டிகோ நிறுவனம். புகார் மீது நடவடிக்கை எடுப்பதாகவும் அந்நிறுவனம் பூஜாவுக்கு பதில் அனுப்பியுள்ளது.
Ms. Hegde, sorry to note your experience. We'd like to connect with you immediately hence, please DM us your PNR along with the contact number. ~Linda https://t.co/xcJPAifuBc
— IndiGo (@IndiGo6E) June 9, 2022
இதற்கிடையில் பூஜாவின் இந்த நிலையையும் பீஸ்ட் ஹேட்டர்கள் விடாப்பிடியாக தொடர்ந்துள்ளனர். விமான ஊழியரின் இந்த செயல் குறித்து ரபேல் விமானத்தில் பறக்கும் உங்கள் ஹீரோ விஜய்யிடம் புகார் செய்யுங்கள் என, ரசிகர் ஒருவர் கிண்டல் பதில் அளித்துள்ளார்.
Contact veeraragavan immediately pic.twitter.com/GDE1DTlrhA
— Gopikarthi (@karthikeyan55_5) June 9, 2022
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
