Indian 2: இந்தியன் 3ஆம் பாகம், ஜூன் 1 இசை வெளியீட்டு விழா.. கிரிக்கெட் நடுவே மாஸ் அப்டேட் தந்த கமல்ஹாசன்!

Indian 2 Audio Launch: இசை வெளியீட்டு விழா வரும் ஜூன் மாதம் 1ஆம் தேதி சென்னையில் நடைபெறும் என்று ஷங்கர் - கமல்ஹாசன் இருவரும் பகிர்ந்துள்ளனர். 

இந்தியன் 2 ப்ரொமோஷன் பணிகளில் கமல் - ஷங்கர்

இந்தியன் 2 (Indian 2) பட ப்ரொமோஷன் பணிகளுக்காக இன்று நடிகர் கமல்ஹாசன் - ஷங்கர் கூட்டணி மும்பை சென்றுள்ளனர். சென்னை மற்றும் பெங்களூரு அணிகளுக்கு இடையிலான போட்டியின் இடையே வரவுள்ள வர்ணனையில் கலந்துகொள்வதற்காக, ஸ்டார் ஸ்போர்ட்ஸ் நிறுவன அலுவலகத்துக்கு கமல்- ஷங்கர் கூட்டணி சென்றுள்ள நிலையில், நிகழ்ச்சியில் பங்குபெற்று இந்தியன் 2 படம் பற்றிய மாஸ் அப்டேட்டை இருவரும் பகிர்ந்து கொண்டுள்ளனர்.

அதன்படி பெரிதும் எதிர்பார்க்கப்பட்ட இந்தியன் 2 படம் வரும் ஜூலை மாதம் வெளியாகும் என்றும், இப்படத்தின் பிரமாண்ட இசை வெளியீட்டு விழா வரும் ஜூன் மாதம் 1ஆம் தேதி சென்னையில் நடைபெறும் என்றும் பகிர்ந்துள்ளனர். 

மேலும், இந்தியன் இரண்டாம் பாகத்தைத் தொடர்ந்து மூன்றாம் பாகம் அடுத்த ஆறு மாதங்களில் வெளியாகும் என்றும், 2ஆம் பாகத்துடன் இணைந்தே 3ஆம் பாகத்தின் ஷூட்டிங்கும் நிறைவு பெற்றதாகவும் கமல் - ஷங்கர் கூட்டணி தெரிவித்துள்ளனர்.

 

#Indian2 - July 2024 Release and #Indian3 will release after 6 months..

"I agreed to do Indian 2 because #Shankar told me the story of Indian 3 along with it.." #Kamalhaasan

Just #Ulaganayagan things pic.twitter.com/T4nfLwq53A

— Nammavar (@nammavar11) May 18, 2024

இந்தத் தகவல் தமிழ் சினிமா ரசிகர்களை உற்சாகத்தில் ஆழ்த்தியுள்ளது. அனிருத் இந்தியன் 2 படத்துக்கு இசையமைத்துள்ள நிலையில், வரும் மே 20ஆம் தேதி இந்தியன் 2 திரைப்படத்தின் முதல் பாடல் வெளியாகும் என்றும் எதிர்பார்க்கப்படுகிறது.