Rajinikanth and MohanBabu : சூப்பர் ஸ்டாருடன் மோகன் பாபு : வைரலாகும் கேங்ஸ்டர் காம்போ..
சூப்பர் ஸ்டார் ரஜினிகாந்தும், தெலுங்கு நடிகர் மோகன்பாபுவும் எடுத்துக்கொண்ட புகைப்படங்கள் தற்போது சமூக வலைதளங்களில் வைரலாகி வருகிறது.
இந்தியாவின் சூப்பர் ஸ்டாராக வலம்வருபவர் நடிகர் ரஜினிகாந்த். தர்பார் படத்திற்கு பிறகு, தற்போது இயக்குநர் சிவா இயக்கத்தில் அண்ணாத்த திரைப்படத்தில் நடித்து வருகிறார். நடிகர் ரஜினிகாந்திற்கு தமிழ் திரையுலகம் மட்டுமின்றி, தெலுங்கு, மலையாளம், கன்னடம், தெலுங்கு, இந்தி என அனைத்து மொழியின் முன்னணி நடிகர்களும் மிக நெருங்கிய நண்பர்களாக உள்ளனர். அவர்களில் தெலுங்கு திரையுலகின் முன்னணி நடிகர் மோகன்பாபு மிகவும் நெருக்கமானவர். இருவருமே திரையுலக வாழ்க்கையை தொடங்கிய காலம் முதல் நெருங்கிய நண்பர்களாக வலம் வருகின்றனர். இருவரின் நட்பிற்கும் உதாரணமாக, நாட்டாமை தெலுங்கு ரீமேக்கில் சரத்குமார் வேடத்தில் நடித்த மோகன்பாபுவிற்கு தந்தையாக விஜயகுமார் வேடத்தில் ரஜினிகாந்த் கௌரவ தோற்றத்தில் நடித்தார்.
இந்த நிலையில், அண்ணாத்த படப்பிடிப்பு நடைபெற்ற ஹைதராபாத் ராமோஜிராவ் பிலிம் சிட்டியில் நடிகர் ரஜினிகாந்தும், நடிகர் மோகன்பாபுவும் இணைந்து புகைப்படங்களை எடுத்துக்கொண்டனர்.
இந்த புகைப்படங்களை தற்போது, நடிகர் மோகன்பாபுவின் மகனாகிய விஷ்ணு மஞ்சு தனது டுவிட்டர் பக்கத்தில் இன்று வெளியிட்டுள்ளார். “அசல் கேங்க்ஸ்டர்கள் – ரஜினிகாந்த், மோகன்பாபு மற்றும் கோமாளித்தனமான விஷ்ணு மஞ்சு” என்று குறிப்பிட்டுள்ளார். இந்த புகைப்படங்கள் தற்போது ரஜினிகாந்த் ரசிகர்களால் பகிரப்பட்டு, சமூக வலைதளங்களில் வைரலாகி வருகிறது.
நடிகர் மோகன்பாபு தெலுங்கில் நூற்றுக்கணக்கான திரைப்படங்களிலும், தமிழில் பல படங்களில் முக்கிய கதாபாத்திரத்திலும் நடித்துள்ளார் என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
and tablets