Hansika Motwani: அழகியே Marry Me...ஈபிள் கோபுரம் முன்பு ஹன்சிகாவிடம் ப்ரோபோஸ் செய்த வருங்கால கணவர்..!
1991 ஆம் ஆண்டு ஆகஸ்ட் 9 ஆம் தேதி மங்களூருவில் பிறந்த நடிகை ஹன்சிகா 90ஸ் கிட்ஸ் மத்தியில் பிரபலமான சின்னத்திரை தொடரான ஷக்கலக்கா பூம் பூம் தொடரின் மூலம் 2000 ஆம் ஆண்டில் தனது கலையுலக வாழ்வில் அடியெடுத்து வைத்தார்.
பாரீஸில் இருக்கும் ஈபிள் கோபுரம் முன்பு நடிகர் ஹன்சிகாவிடம் அவரது வருங்கால கணவர் காதலை சொல்லும் புகைப்படங்கள் இணையத்தில் வைரலாகியுள்ளது.
1991 ஆம் ஆண்டு ஆகஸ்ட் 9 ஆம் தேதி மங்களூருவில் பிறந்த நடிகை ஹன்சிகா 90ஸ் கிட்ஸ் மத்தியில் பிரபலமான சின்னத்திரை தொடரான ஷக்கலக்கா பூம் பூம் தொடரின் மூலம் 2000 ஆம் ஆண்டில் தனது கலையுலக வாழ்வில் அடியெடுத்து வைத்தார். தொடர்ந்து 2003 ஆம் ஆண்டு வெளியான இந்தி படமான எஸ்கேப் ஃப்ரம் தாலிபான் என்ற படத்தின் மூலம் குழந்தை நட்சத்திரம் சினிமாவுலகில் நுழைந்தார். கிட்டதட்ட 6 படங்களில் குழந்தை நட்சத்திரமாக நடித்த அவர் 2007 ஆம் ஆண்டு தேசமுதுரு என்ற தெலுங்கு படத்தின் மூலம் ஹீரோயின் ஆனார்.
இதனையடுத்து இந்தி, கன்னடம், தெலுங்கு மொழி படங்களில் நடித்து வந்த ஹன்சிகா 2010 ஆம் ஆண்டு தனுஷ் நடிப்பில் வெளியான மாப்பிள்ளை படத்தின் மூலம் தமிழ் சினிமாவுக்குள் என்ட்ரி கொடுத்தார். தொடர்ந்து நடிகர் ஜெயம் ரவியுடன் ஹன்சிகா நடித்திருந்த எங்கேயும் காதல் படம் அவரை ரசிகர்களிடையே பிரபலப்படுத்தியது. பின்னர் விஜய், சூர்யா, ஆர்யா, சிவகார்த்திகேயன், உதயநிதி ஸ்டாலின், ஜீவா, சிம்பு உள்ளிட்ட தமிழ் சினிமாவின் முன்னணி நடிகர்களின் படங்களில் ஹீரோயினாக நடித்து அசத்தினார்.
View this post on Instagram
இதில் சிம்புவுடன் வாலு படத்தில் நடித்த போது இருவருக்குள்ளும் காதல் மலர்ந்தது. ஆனால் அடுத்த சில மாதங்களிலேயே அது முறிந்தது. தொடர்ந்து தனது கேரியரில் கவனம் செலுத்தி வந்த ஹன்சிகா கடுமையான உடற்பயிற்சி மூலம் தனது உடல் எடையை குறைத்தார். விரைவில் அவர் திருமணம் செய்யப்போவதாகவும் வதந்திகள் பரவிய நிலையில், கடந்த சில நாட்களுக்கு முன் ஹன்சிகாவுக்கு டிசம்பர் 4 ஆம் தேதி மும்பையைச் சேர்ந்த தொழிலதிபர் சோஹைல் கதுரியாவுடன் திருமணம் நடக்கப் போவதாக தகவல் வெளியானது. ஆனால் இதனை இருவருமே உறுதிப்படுத்தாத நிலையில் ரசிகர்கள் குழப்பமடைந்தனர்.
இந்நிலையில் தனது இன்ஸ்டாகிராம் பக்கத்தில் ஹன்சிகா அவரது வருங்கால கணவர் சோஹைல் கதுரியாவுடன் பாரீஸில் இருக்கும் ஈபிள் கோபுரம் முன்பு இருக்கும் புகைப்படங்களை பதிவிட்டுள்ளார். இதில் Marry Me என்ற வாசகத்தின் முன்பு ஹன்சிகாவிடம் சோஹைல் கதுரியா ப்ரோபோஸ் செய்யும் புகைப்படம் இடம் பெற்றுள்ளது. இதன்மூலம் ஹன்சிகாவின் திருமண செய்தி உறுதியாகியுள்ளது.
யார் இந்த சோஹைல் கதுரியா?
ஹன்சிகா தனது நீண்ட நாள் நண்பரும், பிசினஸ் பார்ட்னருமான சோஹைல் கதுரியாவுடன் சேர்ந்து கடந்த சில வருடங்களாக ஒரு ஈவென்ட் மேனேஜ்மென்ட் ஒன்றை நடத்தி வருகிறார். டிசம்பர் 2 முதல் 4 ஆம் தேதி வரை இவர்களுடைய திருமண விழா நடைபெற இருக்கிறது என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
