காட்ஃபாதர் டீஸர் வெளியானது.. பட்டயக் கிளப்பும் சிரஞ்சீவி, சல்மான் கான்

நடிகர் பிருத்விராஜ் இயக்கத்தில் மோகன்லால் நடிப்பில் கடந்த 2019-ஆம் ஆண்டு வெளியான படம் 'லூசிஃபர்'.

காட்ஃபாதர்

நடிகர் பிருத்விராஜ் இயக்கத்தில் மோகன்லால் நடிப்பில் கடந்த 2019-ஆம் ஆண்டு வெளியான படம் 'லூசிஃபர்'. இத்திரைப்படம் மலையாளத்தைக் கடந்து மற்ற மொழி ரசிகர்களால் கொண்டாடப்பட்டது. இதனால், இப்படம் தெலுங்கில் 'காட்ஃபாதர்' என்ற பெயரில் ரீமேக்கானது.

இப்படத்தில் சிரஞ்சீவி முதன்மை கதாபாத்திரத்தில் நடித்து வருகிறார். மோகன் ராஜா இயக்கிய இப்படத்தில் நயன்தாரா கதாநாயகியாக நடிக்க, சல்மான் கான் முக்கிய கதாபாத்திரத்தில் நடித்துள்ளனர்.

இந்நிலையில் இன்று இந்தப் படத்தின் டீஸர் தற்போது வெளியாகியுள்ளது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mohan Raja (@directormohanraja)

டீஸர் சும்மா அதகளமாக இருப்பதாக ரசிகர்கள் தெரிவிக்கின்றனர். டீஸரில் பேக்கிரவுண்ட் கதை சொல்லப்படுகிறது. 20 ஆண்டுகளாக நிழலாக இருந்த காட்ஃபாதர் 6 ஆண்டுகளுக்கு முன்னர் எப்படி மீண்டும் வெளிச்சத்துக்கு வந்தார் எனச் சொல்கிறது.

காட்ஃபாதர் திரைப்படம் தசரா பண்டிகையின் போது வெளியாகும் என்ற தகவலையும் படக்குழு வெளியிட்டுள்ளது. நயன்தாரா இப்படத்தில் கதாநாயகியாக நடித்துள்ள நிலையில், திருமணத்துக்குப் பிறகு அவரது நடிப்பில் முதன் முதலில் வெளியாகும் படமாக காட்ஃபாதர் அமைகிறது என்பதும் குறிப்பிடத்தக்கது.

இப்படம் ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.

இந்நிலையில் 'லூசிஃபர்' படத்தின் இரண்டாம் பாகம் உருவாக உள்ளதாக படக்குழு அதிகாரபூர்வமாக அறிவித்துள்ளது. இது தொடர்பான வீடியோ ஒன்றையும் படக்குழு வெளியிட்டுள்ளது.

பிருத்விராஜ் இயக்கும் இப்படத்திற்கு 'எம்புரான்' என தலைப்பிடப்பட்டுள்ளது. ஆண்டனி பெரும்பாவூர் தயாரிக்கும் இப்படத்திற்கு முரளி கோபி கதை எழுதியுள்ளார். பிருத்விராஜ் இப்படத்தை இயக்குவதோடு மட்டுமல்லாமல் முக்கியக் கதாபாத்திரத்திலும் நடிக்கவுள்ளார். முழுக்க முழுக்க பொழுதுபோக்கு சினிமாவாக அதிக பட்ஜெட்டில் உருவாகும் இப்படம் பான் இந்தியா முறையில் வெளியாக உள்ளது.