Samantha Akkineni | நகை வியாபாரத்தில் குதிக்கிறார் நடிகை சமந்தா!

உலக அளவில் நடிகர் நடிகைகள் பலரும் நடிப்பு என்பதை தாண்டி பிற தொழில்களில் ஈடுபட்டு வருவது குறிப்பிடத்தக்கது.

நடிகை சமந்தா

ரியல் எஸ்டேட் முதலீடு, துணிக்கடை, நகைக்கடை, ஜிம், ஹோட்டல் என்று நடிகர் நடிகைகள் பல துறைகளில் தங்களுடைய பணத்தை முதலீடு செய்து வருகின்றனர். பிரபல நடிகை தமன்னா நகைகளை வடிவமைத்து விற்பனை செய்து வருகின்றார். நயன்தாரா மற்றும் த்ரிஷா ஆகியோர் ரியல் எஸ்டேட்டில் முதலீடு செய்துள்ளனர். பிரபல நடிகை இலியானா மும்பை மற்றும் ஹைதராபாதில் துணிக்கடை நடத்தி வருகின்றார். அண்மையில் திருமண முடித்த காஜல் அகர்வால் தனது கணவரோடு சேர்ந்து தொழில் நடத்தி வருகிறார். இப்படி நடிகர் நடிகைகள் பலரும் நடிப்பை தாண்டி பல தொழில்களில் ஈடுபட்டு வருகின்றனர்.

இவர்களுடைய வரிசையில் தற்போது பிரபல நடிகை சமந்தாவும் புதிதாக தொழில் தொடங்கவுள்ளார். சென்னை, ஹைதராபாத் மற்றும் மும்பை ஆகிய நகரங்களில் தனது வியாபாரத்தை நடத்த உள்ளார் சமந்தா. ஆனால் அவர் என்ன தொழில் தொடங்கவுள்ளார் என்பது குறித்து தகவல் ஏதும் வெளியாகவில்லை. ஆனால் நகை வியாபாரத்தில் அவர் இறங்கவிருப்பதாக தகவல்கள் வந்து கொண்டிருக்கிறது. லட்சத்தில் இருந்து கோடிகள் வரை சம்பளமாக வாங்கும் நடிகர் நடிகைகள் நடிப்பு என்பதை தாண்டி பிற்கால சேமிப்பிற்காக இதுபோன்ற தொழில்களில் ஈடுபடுவது குறிப்பிடத்தக்கது.     
  
தமிழ் தெலுங்கு என இரு மொழிகளிலும் படு பிஸியாக நடித்துக்கொண்டிருப்பவர் தான் நடிகை சமந்தா. கடந்த 2017 ஆம் ஆண்டு பிரபல தெலுங்கு நடிகரான நாக சைத்தான்யாவை திருமணம் செய்துக்கொண்டார். அதற்கு பிறகு கணவருடன் ஆந்திராவிலேயே செட்டில் ஆகிவிட்டார். அவ்வபோது சினிமா ஷூட்டிங்கிற்காக வரும் சமந்தா தான் பிறந்த சென்னையை எட்டிப்பார்கிறார். திருமணமான பிறகும் பல முன்னணி நடிகர்களுடன் தொடர்ந்து நடித்து வருகிறார். சமீபத்தில் அமேசான் பிரைம் என்ற ஓடிடி தளத்தில் வெளியான “தி ஃபேமிலி மேன் “ இரண்டாம் பாகத்தில் “ஈழ தமிழ் பெண்ணாக “ நடித்திருந்தார்.

பிரபல இயக்குநர் ராஜமவுலி அவருடைய பாகுபலி படத்தை பிரபல ஓடிடி தளத்திற்காக வெப் சீரிஸாக உருவாக்கும் முயற்சியில் ஈடுபட்டு வருகிறார். பாகுபலி படத்தில் ரம்யாகிருஷ்ணன் நடித்த வலிமையான கதாபாத்திரமான “ ராஜமாதா சிவகாமிதேவியின்” இளம் பருவத்தை உள்ளடக்கியதாக இருக்கும் இதன் கதை என கூறப்படுகிறது. தமிழ், தெலுங்கு , இந்தி என மூன்று மொழிகளில் இந்த புதிய சீரிஸ் உருவாக உள்ளதாம். இந்த கதையில் இளம்வயது “சிவகாமி தேவியாக” நடிக்க இயக்குநர் தரப்பில் இருந்து சமந்தாவிடம் பேசுவார்த்தை நடத்தப்பட்டதாக கூறப்படுகிறது. ஆனால் சமந்தா புதிய வெப் சீரிஸில் நடிக்க மறுப்பு தெரிவித்துவிட்டதாக கூறப்படுகிறது.

ஏற்கனவே வேறு பிற பிராண்டுகளுக்கு அம்பாசிடராக சமந்தா தலை காட்டி வருவது நாம் அறிந்தது. இந்நிலையில், தனக்கே தனி பிராண்ட் உருவாக்கி அதன் மூலம் வருவாய் ஈட்ட முடிவு செய்துள்ளார் சமந்தா.