Kana Kanum Kalangal: ரசிகர்களே மீண்டும் வருகிறது கனா காணும் காலங்கள்! விரைவில் 3வது சீசன் ரிலீஸ்!
டிஸ்னி ஹாட்ஸ்டாரில் கனா காணும் காலங்கள் வெப்சீரிஸின் 3வது சீசன் வெளியாக உள்ளது. இதற்கான அதிகாரப்பூர்வ அறிவிப்பு வெளியாகியுள்ளது.
தமிழில் மிகவும் பிரபல தொலைக்காட்சியாக விஜய் தொலைக்காட்சி விளங்குகிறது. இந்த தொலைக்காட்சியில் ஒளிபரபப்பான தொடர் கனா காணும் காலங்கள். இந்த தொடர் மிகவும் புகழ்பெற்ற தொடர் ஆகும். 90ஸ் கிட்ஸ்களின் மிகப்பெரும் வரவேற்பை பெற்ற இந்த தொடர் மீண்டும் அதே பெயரில் டிஸ்னி - ஹாட்ஸ்டாரில் வெப்சீரிசாக வெளியானது.
கனா காணும் காலங்கள் புதிய சீசன்:
கனா காணும் காலங்கள் தொடரின் முதல் இரண்டு சீசன்கள் டிஸ்னி- ஹாட்ஸ்டாரில் அமோக வரவேற்பை ரசிகர்கள் மத்தியில் பெற்றது. முதல் இரண்டு சீசன்களின் வெற்றியைத் தொடர்ந்து, இந்தியாவின் முன்னணி ஸ்ட்ரீமிங் தளமான டிஸ்னி+ ஹாட்ஸ்டாரில் 'கனா காணும் காலங்கள்' சீரிஸின் அடுத்த சீசன் வெளியாக உள்ளது. இதற்கான அதிகாரப்பூர்வ அறிவிப்பு த்றபோது வெளியாகியுள்ளது.
'கனா காணும் காலங்கள்' முதலில் ஸ்டார் விஜய் தொலைக்காட்சியில் ஒரு சீரியலாக ஒளிபரப்பப்பட்டது. பள்ளி மாணவர்கள் மற்றும் அவர்களின் பள்ளி வாழ்க்கையைச் சுற்றி நடக்கும் கதைக்களம், மக்கள் மத்தியில் உடனடி ஈர்ப்பை ஏற்படுத்தியதுடன், மிகப்பெரிய வெற்றியைப் பெற்றது. இந்த சீரிஸ் அனைத்து தரப்பு பார்வையாளர்களிடமும் வரவேற்பைப் பெற்றது. குறிப்பாக இளைஞர்கள் மத்தியில் அவர்கள் அன்றாட வாழ்வில் எதிர்கொள்ளும் மகிழ்ச்சியையும், சிரமத்தையும் காட்டியது அவர்களை வெகுவாக கவர்ந்தது.
3வது சீசன்:
இரண்டாம் சீசனுக்கு கிடைத்த வரவேற்பை அடுத்து, தற்போது டிஸ்னி+ ஹாட்ஸ்டார் நிறுவனம், பள்ளி மாணவர்களை மையமாக வைத்து உருவாகும், இந்த சீரிஸின் மூன்றாவது சீசனை வெளியிட முடிவு செய்துள்ளது. எப்போது இந்த சீசன் வெளியாகும் என்ற அறிவிக்கப்படவில்லை.
முதல் மற்றும் இரண்டாவது சீசன்களைப் போலவே, இந்த சீசனும் அனைத்து பொழுதுபோக்கு அம்சங்களுடன், பள்ளி மாணவ - மாணவிகள் தங்கள் வாழ்வில் எதிர்கொள்ளும் நிகழ்வுகளை அடிப்படையாக கொண்டு உருவாக்கப்பட்டுள்ளதாக தகவல்கள் வெளியாகியுள்ளது. இந்த சீரிஸில் நடிக்கவுள்ள நடிகர்கள், குழுவினர் மற்றும் இந்த சீரிஸ் பற்றிய விவரங்களை, டிஸ்னி+ ஹாட்ஸ்டார் விரைவில் அதிகாரப்பூர்வமாக அறிவிக்கும்.
மேலும் படிக்க: Jailer 2: அடேங்கப்பா! ஒரேடியாக சம்பளத்தை இவ்வளவு உயர்த்திவிட்டாரே நெல்சன்! ஜெயிலர் 2 குறித்த அப்டேட்
மேலும் படிக்க: Prashanth - Simran : பெஸ்ட் ஆன் ஸ்கிரீன் பேர் பிரஷாந்த் - சிம்ரன்... காம்பினேஷன் படங்கள் என்னென்ன தெரியுமா?
தலைப்பு செய்திகள்
ட்ரெண்டிங் செய்திகள்
