Atlee Salary: ரொம்ப ஓவர்... சம்பள விஷயத்தில் குருவையே ஓவர் டேக் பண்ண நினைக்கும் அட்லீ! தெறித்து ஓடும் தயாரிப்பாளர்கள்!

இயக்குனர் அட்லீ, தன்னுடைய குருவான ஷங்கரையே மிஞ்சும் விதத்தில் இயக்க உள்ள படங்களுக்கு சம்பளம் கேட்பதால், இவரை பார்த்ததுமே பல தயாரிப்பாளர்கள் தெறித்து ஓடுவதாக கூறப்படுகிறது.

ஒரு படம் இயக்க ரூ.100 கோடி சம்பளம் கேட்கும் அட்லீ

இந்தியில் ஷாருக்கான், நயன்தாரா நடிக்க அட்லீ இயக்கிய ஜவான் திரைப்படம் சூப்பர் டூப்பர் ஹிட்டானது. சொல்லப்போனால், தொடர்ந்து தோல்விப் படங்களையே சந்தித்து வந்த இந்தி சினிமாவுக்கு ஜவான் வெற்றி எனர்ஜி பூஸ்டாக அமைந்தது. ஏனெனில் இந்த திரைப்படம் உலக அளவில் 1000 கோடியை வசூலை வாரிக்குவித்தது. இதையடுத்து சன்பிக்சர்ஸ் நிறுவனம் அட்லீயை வைத்து அடுத்த படத்தை தயாரிக்க திட்டமிட்டது. இந்த படத்தில் அல்லு அர்ஜூன் நடிக்க உள்ளதாகவும் கூறப்பட்டது. இப்படத்திற்காக அட்லீ கொடுத்த பட்ஜெட்டைப் பார்த்து ஒட்டுமொத்த சன்பிக்சர்ஸ் நிர்வாகத்திற்கும் தலை சுற்றிவிட்டதாம். அந்த அளவிற்கு மிகப்பெரிய பட்ஜெட்டை கொடுத்துள்ளார். இதனால் கடுப்பான சன் பிக்சர்ஸ் நிர்வாகம் அட்லீ சொல்லு பட்ஜெட்டிற்கு தங்களால் படத்தை தயாரிக்க முடியாது என மறுத்துவிட்டார்களாம்.

இதனிடையே, ஏற்கனவே ரெய்டு, சங்கர் இயக்கத்தில் பிரம்மாண்ட பட்ஜெட்டில் வெளியான ராம்சரண் திரைப்படம் படுதோல்வி என நெருக்கடியில் சிக்கியிருக்கும் தில் ராஜுக்கு உதவ அல்லு அர்ஜூன் முடிவெடுத்துள்ளார். இதனால் அட்லீ கதையை தில் ராஜு தயாரிக்க அல்லு அர்ஜூன் பரிந்துரைத்துள்ளார். சன் பிக்சர்ஸிடம் ஒப்பந்தம் போடும் போது தனக்கு சம்பளமாக 55 கோடி ரூபாய் கேட்ட அட்லீ, தற்போது தில் ராஜூவிடம் 100 கோடி ரூபாய் கேட்டிருக்கிறாராம். இதைப் பார்த்து மிரண்டு போன தில் ராஜு இது நமக்கு செட் ஆகாது என கைவிரித்ததாக கூறப்படுகிறது. 

ஜவான் வெற்றியின் போதே சம்பளத்தை உயர்த்த அட்லீ திட்டமிட்டுள்ளார். ஆனால் சன் பிக்சர்ஸ் உடன் அதற்கு முன்னதாகவே 55 கோடிக்கு ஒப்பந்தம் செய்துவிட்டதால் அடுத்த முறை பார்த்துக்கொள்ளலாம் என இருந்திருக்கிறார். அப்போது நடுவில் தில் ராஜு வரவே அவரால் தர முடியுமா முடியாதா என்று கூட யோசிக்காமல் 100 கோடி ரூபாயை சம்பளமாக கேட்டிருக்கிறார். தமிழில் விஜய் நடிப்பில் சூப்பர் டூப்பர் ஹிட்டான தெறி படத்தை லிட்டில் ஜான் என்ற பெயரில் அட்லீ தயாரித்தார். வருண் தவான், கீர்த்தி சுரேஷ் நடித்த இப்படத்தை அட்லீயிடம் உதவி இயக்குநராக பணிபுரிந்த காளிஸ் என்பவர் தயாரித்திருந்தார். ஆனால் படம் எதிர்பார்த்த அளவிற்கு போகாததால் அட்லீக்கு பெரும் நஷ்டம் ஏற்பட்டது. இதையும் தனது சம்பளம் மூலம் சரி கட்ட நினைத்த அட்லீக்கு தமிழ், தெலுங்கு என இரண்டு பக்கமும் பிரம்மாண்ட தயாரிப்பாளர்களே தலைதெறிக்க ஓடும் அளவிற்கு ஆகிவிட்டது. அதே நேரம் இவருடைய குருவான பிரமாண்ட இயக்குனர் ஷங்கர் தற்போது ரூ.50 கோடி மட்டுமே சம்பளமாக பெற்று வருவது குறிபிடித்தக்கது.