Dhurandhar box office: கடைசியா வந்தார் விநாயக்... 2025ம் ஆண்டில் அதிக வசூல் படம் துரந்தர்.. ₹1000 கோடி வசூல் செய்து மாஸ் காட்டும் ரன்வீர்
ரன்வீர் சிங் நடித்துள்ள ‘துரந்தர்' உலகளவில் பாக்ஸ் ஆபிஸில் ₹1000 கோடியைத் தாண்டி சாதனை படைத்தது.
ரன்வீர் சிங்கின் துரந்தர் படம் 21 நாட்களில் உலகளவில் ₹1000 கோடியை தாண்டி, 2025 ஆம் ஆண்டில் அதிக வசூல் செய்த இந்திய படமாக உருவெடுத்துள்ளது.
ரன்வீர் சிங் நடிப்பில், உளவுத் திரில்லர் படமான துரந்தர், உலகளாவிய பாக்ஸ் ஆபிஸில் தொடர்ந்து ஆதிக்கம் செலுத்தி வருகிறது. மூன்றாவது வாரத்திலும், இந்த படம் சக்கைப்போடு போடுகிறது. அதிகாரப்பூர்வமாக உலகளவில் ₹1000 கோடி வசூலைக் கடந்து, 2025 ஆம் ஆண்டில் இதுவரை அதிக வசூல் செய்த படமாக இருக்கிறது.
டிசம்பர் 5 ஆம் தேதி திரையரங்குகளில் வெளியிடப்பட்ட துரந்தர், ரசிகர்களின் ஆர்வத்தைத் தக்கவைத்துக் கொண்டது மட்டுமல்லாமல், விடுமுறை காலத்திலும் ஆதிக்கம் செலுத்தி, பாக்ஸ் ஆபிஸில் புதிய சாதனை படைத்துள்ளது.
மூன்றாம் வாரத்திலும் பாக்ஸ் ஆபிஸில் கலக்கும் படம்
மூன்றாவது வாரத்தில் பெரும்பாலான ப்டங்களுக்கு வசூல் என்பது மந்தமாக இருக்கும். ஆனால், துரந்தர் வலுவான வசூலை தினசரி குவித்து வருகிறது. முதல் வாரம் ₹218 கோடி வசூலித்து, இரண்டாவது வாரம் ₹261.5 கோடி வசூலித்தது. படம் 15 ஆம் நாள் முதல் 20 ஆம் நாள் வரை ₹160.70 கோடி வசூலித்து அனைவரையும் ஆச்சரியப்படுத்தியது.
கிறிஸ்துமஸ் விடுமுறை மேலும் எண்ணிக்கையை அதிகரித்தது, டிசம்பர் 25 அன்று மட்டும் படம் ₹28.60 கோடி வசூல் ஆனது. இதற்கு நேர்மாறாக, கார்த்திக் ஆர்யன் மற்றும் அனன்யா பாண்டேவின் ‘து மேரி மைன் தேரா மைன் தேரா து மேரி’ திரைப்படம் முதல் நாளில் இந்தியாவில் தோராயமாக ₹7.25 கோடி வசூல் செய்தது.
உலகளாவிய பாக்ஸ் ஆபிஸ் வசூல் ₹1000 கோடியைத் தாண்டியது
தயாரிப்பாளர் ஜியோ ஸ்டுடியோஸ் பகிர்ந்து கொண்ட புள்ளிவிவரங்களின்படி, துரந்தர் 21 நாட்களுக்குள் இந்தியாவில் ₹668.80 கோடி நிகர வசூலை ஈட்டியுள்ளது. தற்போது இந்தியாவில் படத்தின் மொத்த வசூல் ₹789.18 கோடியாக உள்ளது. அதே நேரத்தில் வெளிநாட்டு சந்தைகள் கூடுதலாக ₹217.50 கோடியை ஈட்டியுள்ளன.
இதன் மூலம், இந்தப் படத்தின் உலகளாவிய மொத்த வசூல் ₹1006.7 கோடியாக உயர்ந்துள்ளது. இது இந்திய சினிமாவின் மற்றொரு அதிக வசூல் செய்த படமாகும். மேலும், துரந்தர், அனிமல் மற்றும் ஸ்ட்ரீ 2 போன்ற முக்கிய பிளாக்பஸ்டர்களை முறியடித்து, பாகுபலி 2, கேஜிஎஃப் 2, ஆர்ஆர்ஆர், ஜவான் மற்றும் பதான் ஆகிய படங்களின் வரிசையில் இணைந்துள்ளது.
ஆதித்யா தார் எழுதி, இயக்கி, இணைத் தயாரித்த படம் துரந்தர். இப்படத்தில் ரன்வீர் சிங், அக்ஷய் கண்ணா, சஞ்சய் தத், மாதவன், அர்ஜுன் ராம்பால், சாரா அர்ஜுன் மற்றும் ராகேஷ் பேடி உள்ளிட்ட பலர் நடித்துள்ளனர்.ரன்வீர் சிங், ஜஸ்கிரத் சிங் ரங்கி என்றும் அழைக்கப்படும் ஹம்சா அலி மசாரியாக நடித்துள்ளார். பாகிஸ்தானின் லியாரி பகுதிக்குள் ஒரு சக்திவாய்ந்த பலூச் கும்பலை ஊடுருவ அனுப்பப்படும் ஒரு ரகசிய உளவாளி. படத்தின் மிகப்பெரிய வெற்றியைத் தொடர்ந்து, துரந்தர் 2 ஏற்கனவே அறிவிக்கப்பட்டு, மார்ச் 19, 2026 அன்று இந்தி மற்றும் அனைத்து தென்னிந்திய மொழிகளிலும் திரையரங்குகளில் வெளியிட திட்டமிடப்பட்டுள்ளது.
தலைப்பு செய்திகள்
ட்ரெண்டிங் செய்திகள்
