Naane Varuven Update: நெஞ்சத்தை வருடவரும் இசை...நானே வருவேன் படத்தின் முதல் பாடலின் ரிலீஸ் தேதி அறிவிப்பு

கலைப்புலி எஸ். தாணு தயாரிக்கும் இப்படம் குறித்து அவ்வப்போது அப்டேட்டுகளோடு புதுப்புது போஸ்டர்களும் வெளிவருவது வழக்கம்.

நானே வருவேன் பட போஸ்டர்

தனுஷ் நடித்துள்ள நானே வருவேன் படத்தின் முதல் பாடல் வெளியாவது குறித்து குறித்து புதிய அப்டேட் ஒன்று வெளியாகியுள்ளது. 

துள்ளுவது இளமை, காதல் கொண்டேன், புதுப்பேட்டை, மயக்கம் என்ன ஆகிய படங்களை தொடர்ந்து செல்வராகவன் - தனுஷ் கூட்டணி 5வது முறையாக இணைந்துள்ள படம் “நானே வருவேன்”. கிட்டதட்ட 14  ஆண்டுகளுக்குப் பின் இந்த கூட்டணியுடன் யுவனின் இசையும் இணைந்துள்ளதால் ரசிகர்களுக்கு பட அறிவிப்பு குறித்து வெளியாகும் போதே பெரும் எதிர்பார்ப்பு ஏற்பட்டது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Selvaraghavan (@selvaraghavan)

கலைப்புலி எஸ். தாணு தயாரிக்கும் இப்படம் குறித்து அவ்வப்போது அப்டேட்டுகளோடு புதுப்புது போஸ்டர்களும் வெளிவருவது வழக்கம். இந்தப் படத்தின் நாயகியாக இந்துஜா நடித்து வரும் நிலையில் படப்பிடிப்பு முடிவடைந்து போஸ்ட் புரொடக்‌ஷன்ஸ் பணிகள் நடைபெற்று வருகிறது. கடந்த ஜூலை 13 ஆம் தேதி படத்தின் டப்பிங் பணிகள் தொடங்கியதாக செல்வராகவன் தெரிவித்த நிலையில் கடந்த ஜூலை 27 ஆம் தேதி தனுஷின் பிறந்தநாளையொட்டி ஃபர்ஸ்ட் லுக் போஸ்டர் வெளியானது. 

இதனிடையே நானே வருவேன் படம் விரைவில் தியேட்டர்களில் வெளியாகும் என புதிய இரு போஸ்டர்களோடு தயாரிப்பாளர் கலைப்புலி எஸ். தாணு  கடந்த ஆகஸ்ட் 22 ஆம் தேதியும், அதன் பின்னர் ஆகஸ்ட் 31 ஆம் தேதி யுவனின் பிறந்தநாளன்று புது போஸ்டரோடு விரைவில் அப்டேட் வெளியாகும் என அறிவிக்கப்பட்டது. அதோடு நானே வருவேன் படத்தை பொன்னியின் செல்வன் படத்திற்கு எதிராக அதே செப்டம்பர் 30 ஆம் தேதி வெளியிட உள்ளதாக தகவல் வெளியானது. 

உங்கள் நெஞ்சத்தை வருடவரும் இசை! #NaaneVaruven திரைப்படத்தின் முதல் lyrical video 7/9/22 அன்று, மாலை 4:40'க்கு வெளியிடப்படும் என்பதை மகிழ்வோடு தெரிவித்து கொள்கிறேன் @dhanushkraja @selvaraghavan @thisisysr @omdop @Rvijaimurugan @saregamasouth pic.twitter.com/Fj6TxfiQJv

— Kalaippuli S Thanu (@theVcreations) September 5, 2022

இதற்கிடையில் உங்கள் எதிர்பார்ப்பு மகிழ்ந்திடும் வண்ணம் நானே வருவேன் படத்தை பற்றிய நற்செய்தி நாளை (இன்று) மாலை 6:20 மணிக்கு அறிவிக்கப்படும் என தயாரிப்பாளர் கலைப்புலி எஸ். தாணு தெரிவித்திருந்தார். இந்நிலையில் இப்படத்தின் அப்டேட் வெளியாகியுள்ளது. அதன்படி முதல் பாடல் செப்டம்பர் 7 ஆம் தேதி மாலை 4.40 மணிக்கு வெளியாகும் என தெரிவிக்கப்பட்டுள்ளது. இதனால் தனுஷ் ரசிகர்கள் மகிழ்ச்சியடைந்துள்ளனர்.