Captain Miller: "உன் ஒளியிலே.." கேப்டன் மில்லர் படத்தின் இரண்டாம் பாடல் நாளை ரிலீஸ்

தனுஷ் நடித்துள்ள கேப்டன் மில்லர் படத்தின் இரண்டாம் பாடலான உன் ஒளியிலே பாடல் குறித்த அப்டேட்டை வெளியிட்டுள்ளார் இசையமைப்பாளர் ஜி.வி.பிரகாஷ் குமார்.

தனுஷ், கேப்டன் மில்லர், ஜி.வி.பிரகாஷ் குமார், டிடி3, டி50. (Image source: Twitter)

கேப்டன் மில்லர்

அருண் மாதேஸ்வரன் இயக்கத்தில் தனுஷ்  நடித்துள்ள திரைப்படம் கேப்டன் மில்லர். பிரியங்கா மோகன், சிவராஜ் குமார், சந்தீப் கிஷன் உள்ளிட்டவர்கள் இந்தப் படத்தில் நடித்துள்ளார்கள். ஜி.வி பிரகாஷ் குமார் இந்தப் படத்திற்கு இசையமைத்துள்ளார். சத்யஜோதி ஃபிலிம்ஸ் இந்தப் படத்தை தயாரித்துள்ளது. அடுத்த ஆண்டு பொங்கலை முன்னிட்டு திரையில் வெளியாக இருக்கிறது கேப்டன் மில்லர் திரைப்படம்.

இரண்டாம் பாடல்

Captain miller next single …. #UnOliyile … @dhanushkraja @SathyaJyothi #arunmatheswaran @saregamasouth pic.twitter.com/AK7fJueOON

— G.V.Prakash Kumar (@gvprakash) December 22, 2023

தர்போது கேப்டன் மில்லர் படத்தின் இரண்டாம் பாடல் குறித்த அப்டேட் வெளியாகியுள்ளது. இந்தப் படத்தின் இசையமைப்பாளரான ஜி வி பிரகாஷ் தனது எக்ஸ் தளத்தில் தகவல் வெளியிட்டுள்ளார். உன் ஒளியிலே என்கிற இந்தப் பாடல் நாளை டிசம்பர் 23 ஆம் தேதி வெளியாக இருக்கிறது என அதில் தெரிவித்துள்ளார்.

மூன்று பாகங்கள்

கேப்டன் மில்லர் படம் குறித்து சமீபத்தில் பேசிய இயக்குநர் அருண் மாதேஸ்வரன் மொத்த மூன்று பாகங்களாக இந்தப் படத்தை இயக்க இருப்பதாக தெரிவித்துள்ளார் . மேலும் தற்போது எடுத்திருக்கும் இந்தப் படம் இரண்டாம் பாகமாக இருக்கும் என்றும் முதல் மற்றும் மூன்றாம் பாகத்திற்கு மிகப்பெரிய பொருட்செலவு தேவைப்படும் என்று அவர் கூறியுள்ளார். தற்போதை நிலைக்கு கேப்டன் மில்லர் படத்திற்கு கிடைக்கு வரவேற்பைப் பொறுத்து தான் மீதம் இருக்கும் இரண்டு பாகங்கள் குறித்து சிந்திக்க முடியும் என்றும் அவர் தெரிவித்துள்ளார்.

1930 முதல் 1940 காலக்கட்டத்தில் இந்தப் படத்தின் கதை அமைந்திருப்பதாகவும் . இந்தப் படத்தின் கதையை முழுக்க முழுக்க கற்பனையாக உருவாக்கியிருப்பதாகவும் இயக்குநர் தெரிவித்திர்ந்தார். சமீபத்தில் வெளியான கேப்டன் மில்லர் படத்தின் டீசர் இந்தப் படத்தைப் பற்றிய ஒரு அபிப்பிராயத்தை ரசிகர்களிடம் ஏற்படுத்தியது. இதனைத் தொடர்ந்து சமீபத்தில் இந்தப் படத்தின் முதல் பாடலான கில்லர் கில்லர் கேப்டன் மில்லர் பாடல் வெளியாகி ரசிகர்களிடம் வரவேற்பைப் பெற்றது. இந்தப் பாடலை கேபர் வாசுகி எழுதி தனுஷ் பாடியிருந்தார்.

 

DD3

#DD3 pic.twitter.com/IgXDIDReca

— Dhanush (@dhanushkraja) December 22, 2023

ஒரு பக்கம் நடிப்பு என்றாலும் மறுபக்க இயக்குநராக தன்னுடைய மூன்றாவது படத்தை தொடங்கியிருக்கிறார் நடிகர் தனுஷ். இந்தப் படத்தில் நடிகர் சரத்குமார் நடிக்க இருப்பதாகவும் நாளை மறுநாள் டிசம்பர் 24 ஆம் தேதி இந்தப் படத்தின் முக்கிய அறிவிப்பு ஒன்றும் வெளியாக இருப்பதாக நடிகர் தனுஷ் தெரிவித்துள்ளார்.