Captain Miller: தனுஷ் பிறந்தநாள் பரிசாக நள்ளிரவில் ‘கேப்டன் மில்லர்’ டீஸர்... உற்சாகத்தில் ரசிகர்கள்!
தனுஷ் நடித்து வரும் 'கேப்டன் மில்லர்' படத்தின் டீசர் தனுஷின் பிறந்தநாளான ஜூலை 28ஆம் ஆண்டு வெளியாகும் என அறிவிக்க்ப்பட்ட நிலையில் தற்போது டீசர் வெளியாகும் நேரம் அறிவிக்கப்பட்டுள்ளது
கேப்டன் மில்லர் படத்தின் டீசர் ஜூலை 28ஆம் தேதி நள்ளிரவு 12 : 01 மணிக்கு வெளியாகும் என படக்குழு அறிவித்துள்ளது. இத்துடன் படத்தில் போஸ்டர் ஒன்றையும் பகிர்ந்துள்ளது.
கேப்டன் மில்லர்
சத்யஜோதி நிறுவனம் தயாரிப்பில், அருண் மாதேஸ்வரன் இயக்கத்தில் நடிகர் தனுஷ், ‘கேப்டன் மில்லர்’ படத்தில் நடித்து வருகிறார். ஜி.வி.பிரகாஷ்குமார் இசையமைக்கும் இப்படத்தில் பிரியங்கா அருள்மோகன், கன்னட ஸ்டார் சிவராஜ் குமார், சந்தீப் கிஷன், நிவேதிதா, ஜான் கொக்கென் உள்ளிட்ட பலரும் நடிக்கின்றனர்.
தொடரி, பட்டாஸ், மாறன் ஆகிய படங்களை தொடர்ந்து 4ஆவது முறையாக தனுஷ் இப்படத்தில் சத்யஜோதி நிறுவனத்துடன் இணைந்துள்ளார். கேப்டன் மில்லர் படம் தமிழ், தெலுங்கு, இந்தி ஆகிய மொழிகளில் உருவாகி வருகிறது. இந்தப் படத்தின் இறுதிக்கட்ட படப்பிடிப்பு தென்காசி மாவட்டத்தில் உள்ள மத்தளம்பாறை கிராமத்தில் நடந்த போது மிகப்பெரிய சர்ச்சைகளை சந்தித்தது.
முண்டந்துறை புலிகள் காப்பகத்தின் இடைப்பட்ட பகுதியான இந்த ஊடத்தில் உயர் பீம் லைட்டுகள், தீப்பற்றுவது, குண்டு வெடிப்பது தொடர்பான காட்சிகள் படமாக்கப்பட்டன. இதனால் வனவிலங்குகள் பாதிக்கப்படுவதாக புகார் எழுந்தது.
ஃபர்ஸ்ட் லுக்
இதனிடையே கடந்த ஜூன் 30 ஆம் தேதி கேப்டன் மில்லர் படத்தின் ஃபர்ஸ்ட் லுக் போஸ்டர் வெளியானது. வரலாற்று கால கதையை அடிப்படையாக கொண்ட இப்படத்தின் கதை மிகப்பெரிய எதிர்பார்ப்பை ஏற்படுத்தியுள்ளது. இந்நிலையில் நடிகர் தனுஷ் பிறந்த நாள் ஜூலை 28ஆம் தேதி கொண்டாடப்பட உள்ளது. இதனை மேலும் சிறப்பிக்கும் வண்ணம் கேப்டன் மில்லர் படத்தின் டீசர் வெளியாகும் என அறிவித்தது படக்குழு. இதனால் ரசிகர்கள் மகிழ்ச்சியடைந்துள்ளனர்.
பிறந்தநாள் பரிசு
The #CaptainMillerTeaser Rage begins at 12:01AM , JULY 28th 🔥🥁
— G.V.Prakash Kumar (@gvprakash) July 26, 2023
THE D DAY #CaptainMiller 🤗@dhanushkraja @ArunMatheswaran @NimmaShivanna @sundeepkishan @gvprakash @priyankaamohan @saregamasouth @SathyaJyothi pic.twitter.com/3LZyNiVANS
The #CaptainMillerTeaser Rage begins at 12:01AM , JULY 28th 🔥🥁
— Sathya Jyothi Films (@SathyaJyothi) July 26, 2023
THE D DAY #CaptainMiller 🤗@dhanushkraja @ArunMatheswaran @NimmaShivanna @sundeepkishan @gvprakash @priyankaamohan @saregamasouth pic.twitter.com/MAncriQDvh
தற்போது ஜூலை 28ஆம் தேதி சரியாக நள்ளிரவு 12: 01 மணிக்கு படத்தின் டீசர் வெளியாகும் என படக்குழு தெரிவித்துள்ளது. இத்துடன் சேர்த்து மிரட்டலான போஸ்டர் ஒன்றையும் வெளியிட்டு ரசிகர்களை மிரளவைத்திருக்கிறது கேப்டன் மில்லர் படக்குழு. கையில் துப்பாக்கியுடன் மிக ஆவேசமாக வெறிகொண்டு நிற்கிறார் தனுஷ். இந்தப் போஸ்டரைப் பார்த்த பின் டீசரின் மேல் உள்ள எதிர்பார்ப்பு பல மடங்கு பெருகியுள்ளது.
தலைப்பு செய்திகள்
ட்ரெண்டிங் செய்திகள்
