'Chilla Chilla' Release Date: தீ தளபதிக்கு டஃப் கொடுக்குமா ‘சில்லா சில்லா’.. பாடல் வெளியீட்டு தேதியை அறிவித்த துணிவு டீம்!

அஜீத் குமார் நடித்துள்ள 'துணிவு' படத்தின் ஃபர்ஸ்ட் சிங்கிள் பாடலான 'சில்லா சில்லா' பாடல் ரிலீஸ் தேதி வெளியானது.

சில்லா சில்லா ரிலீஸ் தேதி வெளியானது

நடிகர் அஜித் குமார் நடிப்பில் பொங்கல் ரிலீஸாக வெளியாக இருக்கும் 'துணிவு' படத்தின் மிகவும் எதிர்பார்க்கப்படும் ஃபர்ஸ்ட் சிங்கிள் பாடலான 'சில்லா சில்லா' பாடல் ரிலீஸ் குறித்த தகவலை தற்போது வெளியிட்டுள்ளனர் படக்குழுவினர். இது ரசிகர்கள் மத்தியில் ஆரவாரத்தை  ஏற்படுத்தியுள்ளது. 

 

சில்லா சில்லா ரிலீஸ் தேதி :

போனி கபூர் தயாரிப்பில் ஹெச். வினோத் இயக்கத்தில் நடிகர் அஜித் குமார் நடித்துள்ள திரைப்படம் 'துணிவு'. நடிகர் அஜித் ஜோடியாக மலையாள திரையுலகின் முன்னணி நடிகையான மஞ்சு வாரியர் நடித்துள்ள இப்படத்திற்கு இசையமைத்துள்ளார் ஜிப்ரான்.

படத்தின் இறுதிக்கட்ட போஸ்ட் புரொடக்ஷன் பணிகள் மிகவும் தீவிரமாக நடைபெற்று வரும் நிலையில், படத்தின் ஃபர்ஸ்ட் சிங்கிள் பாடலான 'சில்லா சில்லா' தொடர்பான தகவல் முன்னமே வெளியானது. ஜிப்ரான் இசையில் வைசாக் எழுத்தில், அனிருத் குரலில் ஒரு பவர் ஃபுல் பாடலாக உருவாகியிருக்கிறது இந்தப்பாடல். 

 

இந்த பாடல் எப்போது வெளியாகும் எனும் அறிவிப்பிற்காக மிகவும் ஆர்வமாக எதிர்பார்த்த அஜித் ரசிகர்களுக்கு ஒரு நற்செய்தி வெளியாகியுள்ளது. ஆம் சில்லா சில்லா பாடல் வரும் டிசம்பர் 9ம் தேதி வெளியாகவுள்ளது எனும் அறிவிப்பு தான் அந்த அற்புதமான சர்ப்ரைஸ். 

 

Dec9 🥁🦁🔥 #ChillaChilla song will release from #Thunivu #AjithKumar
Source _ @pinkvilla aprom ena pa celebrations start panidalam le 🔥🔥👍 may be posters or pre 📣 vandha varalam 🙌🏻high chances pic.twitter.com/Bc5TH6soJx

— Christiano Arul❤️ (@ArulChristiano) December 5, 2022

சில்லா சில்லா பாடல் ஒரு ஃபாஸ்ட் நம்பர் பாடல் என்றும் இதில் தல அஜித் குமார் ஒரு மாஸ் கெட்டப்பில் தோன்றவுள்ளார் என்றும் நெருங்கிய சினிமா வட்டாரங்கள் மூலம் தகவல்கள் வெளியாகியுள்ளன. இதனால் இப்பாடல் மீது ரசிகர்களுக்கு இருந்த ஆர்வம் மேலும் தூண்டப்பட்டுள்ளது. 

 

No guts, No glory!!! #ajithkumar #Thunivu #HVinoth pic.twitter.com/6K7iqf2AZD

— AGS Cinemas (@agscinemas) December 5, 2022

பாக்ஸ் ஆபிஸில் மோதும் மாஸ் ஹீரோக்கள் :

மேலும் பொங்கலுக்கு துணிவு மற்றும் வாரிசு திரைப்படங்கள் என இரண்டு மாஸ் ஹீரோக்களின் படங்களும் ஒன்றாக வெளியாகும் நிலையில் போஸ்டர்களுக்கு மாறி மாறி வெளியாகி  சோசியல் மீடியாவில் புயலை கிளப்பி வருகின்றன.

இந்த இரு கோலிவுட் ஸ்டார்களின் திரைப்படங்கள் பாக்ஸ் ஆஃபிசில் கிட்டத்தட்ட எட்டு ஆண்டுகளுக்கு பிறகு மோதுவதால், திரை ரசிகர்கள் மத்தியிலும் பரபரப்பு அதிகமாக காணப்படுகிறது. துணிவு திரைப்படம் ஜனவரி 11ஆம் தேதி உலகளவில் உள்ள திரையரங்குகளில் கோலாகலமாக வெளியாக உள்ளது.