![ABP Premium](https://cdn.abplive.com/imagebank/Premium-ad-Icon.png)
Chennai Day 2022: தலைநகரை வைத்து தலை தூக்கிய ‛சென்னை’ திரைப்படங்கள் லிஸ்ட் இதோ!
சென்னையின் 383 வது பிறந்தநாளை முன்னிட்டு, சென்னை வாழ்க்கையை அடிப்படையாக கொண்டு வெளியாகிய திரைப்படங்கள் பார்ப்போம்.
![Chennai Day 2022: தலைநகரை வைத்து தலை தூக்கிய ‛சென்னை’ திரைப்படங்கள் லிஸ்ட் இதோ! Chennai Day Special Famous Tamil Movies based on Life in Chennai Chennai Day 2022: தலைநகரை வைத்து தலை தூக்கிய ‛சென்னை’ திரைப்படங்கள் லிஸ்ட் இதோ!](https://feeds.abplive.com/onecms/images/uploaded-images/2022/08/20/4f7ea16e0c01a98f382e7657858723cc1661002166840501_original.jpg?impolicy=abp_cdn&imwidth=1200&height=675)
தமிழகத்தின் தலைநகரான சென்னை தோற்றுவிக்கப்பட்ட தினமான கி.பி 1639ம் ஆகஸ்ட் மாதம் 22ம் தேதியை நினைவூட்டும் விதமாகவே கடந்த 2004ம் ஆண்டு முதல் சென்னை தினம் கொண்டாடப்பட்டு வருகிறது.
மெட்ராஸ் என அழைக்கப்பட்டு வந்த நிலையில் கடந்த 1996 ஜூலை 17 அன்று தான் சென்னை என, பெயர் மாற்றம் செய்யப்பட்டது. உலகில் உள்ள மிக முக்கியமான நகரங்களில் ஒன்றாக சென்னை திகழ்ந்து வருகிறது. சென்னையின் 383 வது பிறந்தநாளை முன்னிட்டு, சென்னை வாழ்க்கையை அடிப்படையாக கொண்டு வெளியாகிய திரைப்படங்கள் பார்ப்போம்.
மெட்ராஸ் (2014):
பா. ரஞ்சித் இயக்கத்தில் 2014 யில் வெளிவந்த படம் மெட்ராஸ். வடசென்னையின் கொந்தளிப்பான சூழலில் அமைந்த ஒரு பரபரப்பான படம் ஆகும். காளி கதாபாத்திரத்தில் நடித்த நடிகர் கார்த்திக் மற்றும் அவரது நண்பர் அன்பு (கலையரசன்) ஒரு சுவர்க்குப் பின்னாலிருக்கும் அரசியலால் வரும் மோதலில் ஈடுப்பட்டு சந்திக்கும் பிரச்சனைகளை பற்றியது தான் கதை.
இந்தப் படம் புறநகர்ப் பகுதிகளில் சூழ்ச்சி மற்றும் சாதிவெறியின் பக்கத்தைப் பற்றிய ஒரு நுண்ணறிவைக் கொடுப்பதோடு, அதிகாரத்துக்கான ஊழல் போரில் சேதமடையும் குடிமக்களின் பரிதாபகரமான நிலையை இது அம்பலப்படுத்துகிறது. யதார்த்தமான லென்ஸ் வேலைகளால் கதையின் ஆழம் படபிடிக்கப்பட்டு, மெட்ராஸ் வட சென்னையை முழுமையாக வெளிப்படுத்துகிறது.
சென்னையில் ஒரு நாள் (2013):
சென்னையில் ஒரு நாள் என்பது மலையாளப் படமான டிராஃபிக்கின் விறுவிறுப்பான த்ரில்லர் ரீமேக் ஆகும். சென்னையில் மூளைச்சாவு அடைந்த பத்திரிக்கையாளரின் குடும்பத்தினர் அவரது இதயத்தை தானம் செய்ய சம்மதித்தாலும், ஒரு இளம் பெண் உயிரைக் காப்பாற்ற இரண்டு மணி நேரத்திற்குள் அந்த உறுப்பை வேலூருக்கு கொண்டு செல்வதை டாக்டர்கள் எதிர்கொள்கின்றனர்.
மெரினா (2012):
அனாதையான சிறுவன் அம்பிகாபதி தனது மாமாவின் பிடியில் இருந்து தப்பிக்க வீட்டை விட்டு ஓடி வந்து,சென்னையில் மெரினா கடற்கரையில் பொருட்களை விற்று தற்காத்துக் கொள்கிறான். கல்வியில் ஆழ்ந்த விருப்பத்தை வளர்த்து, ஒவ்வொரு இரவும் படிக்க முயற்சிக்கும் போது எதிர்கால பள்ளிக்கான பணத்தையும் சேமிக்கிறான். படத்தின் காட்சிகள் மெரினா கடற்கரையின் உண்மையான உணர்வை வெளிப்படுத்துகிறது.
சென்னை 28 (2007):
கிரிக்கெட் மற்றும் திரைப்படங்கள் இந்திய கலாச்சாரத்துடன் ஒன்றிணைந்தது. அறிமுக இயக்குனர் வெங்கட் பிரபு இயக்கிய ’சென்னை 28’ கிரிக்கெட் பின்னணியில் அமைந்த ஒரு பொழுதுபோக்கு விளையாட்டு நகைச்சுவை கலந்த படம். இது சென்னையின் புறநகர் பகுதிகளில் உள்ள தோழர்களிடையே உள்ள நட்பு மற்றும் காதல் பாதைகளை பின்பற்றுகிறது. கிரிக்கெட் காட்சிகள் துல்லியமாக படம்பிடிக்கப்பட்டு பார்வையாளர்களை கதையை ரசிக்க அனுமதித்தது. மேலும் புறநகர் பகுதியின் மொழியும் இயல்பாகப் படம்பிடிக்கப்பட்டது.
மதராசப்பட்டினம் (2010):
1900களின் மெட்ராஸை சிறப்பாக பிரதிபலித்த படம் என்றால் அது மதராசப்பட்டினமாகத்தான் இருக்க வேண்டும். விஜய் இயக்கத்தில் ஆர்யா நடிப்பில், எமி ஜாக்சனை இந்த படம் இந்திய திரையுலகிற்கு அறிமுகப்படுத்தியது. தமிழ் சினிமாவின் டைட்டானிக் அது கண்டிப்பாக மதராசபட்டினம். இப்படம் வெளியான 10 வாரங்களில், சென்னை பாக்ஸ் ஆபீஸ் தரவரிசையில் முதலிடம் பெற்றது
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)