கேக் முக்கியம்..  குழந்தை போல் ரசித்து சாப்பிடும் மணப்பெண்.. வைரலாகும் வீடியோ!

திருமண நாள். ஒவ்வொரு இளம் பெண்ணின் பெருங்கனவு நாள். திருமணம் நிச்சயமாகிவிட்டாலே போதும் மணநாள் கனவு இளம் பெண்களை ஆட்கொண்டு விடும்

ரசித்து சாப்பிடும் மணப்பெண்

திருமண நாள். ஒவ்வொரு இளம் பெண்ணின் பெருங்கனவு நாள். திருமணம் நிச்சயமாகிவிட்டாலே போதும் மணநாள் கனவு இளம் பெண்களை ஆட்கொண்டு விடும். உடல் எடை குறைக்க வேண்டும். ஒருவேளை ஒல்லியாக இருந்தால் லேசாக எடை அதிகரிக்க வேண்டும். தலையைப் பராமரிக்க வேண்டும். என்ன ஆடை அணிய வேண்டும். அதற்கு என்னென்ன அணிகலன்களைப் பொறுத்தமாக வாங்க வேண்டும்.

இப்படி கனவுகளும், அதற்கான ஏற்பாடுகளும் சேர்ந்தது தான் வீடு கல்யாணக் களை கட்டக் காரணமாக இருக்கும். அதுவும் வட இந்தியக் கல்யாணங்கள் என்றால் கேட்கவா வேண்டும் மெஹந்தி, சங்கீத் என திருமணத்துக்கு முன்னர் பல்வேறு கொண்டாட்டங்கள் இருக்கும். செல்ஃபிக்களுக்கும், வீடியோக்களுக்கும் பஞ்சமில்லாத கல்யாண சீசனாக டெக்னாலஜி மாற்றிவைத்துள்ளது.

அப்படி ஒரு திருமண வீட்டில் எடுக்கப்பட்ட வீடியோ வைரலாகி அனைவரையும் கவர்ந்து வருகிறது. இளம் பெண் ஒருவர் மணக்கோலத்தில் நடனமாடிக் கொண்டிருக்க ஒரு தட்டு நிறைய பேஸ்ட்ரியுடன் ஒருவர் வருகிறார். அதைப் பாத்தவுடன் கண்களில் அவ்வளவு மகிழ்ச்சியுடன் ஒரு சாக்லேட் பேஸ்ட்ரியை எடுக்கிறார் அந்த மணப்பெண். உதட்டு லிப்ஸ்டிக் போய்விடுமோ என்றெல்லாம் கவலை கொள்ளாமல் சிறு குழந்தை போல் வாயை அகலத் திறந்து பேஸ்ட்ரியை சுவைக்கிறார். மூக்கில் மாட்டப்பட்டிருந்த வளையம் கீழே விழுந்துவிட அதையெல்லாம் யார் சரி செய்வார் என்ற தொனியில் பேஸ்ட்ரியை சுவைக்கிறார். அப்போது அவரின் ஆட்டம் நிற்கவில்லை. இந்த வீடியோ இணையத்தில் வைரலாகி வருகிறது.

வெளிர் இளம் சிவப்பு நிற ஆடையும், அதற்குத் தோதாக பச்சை பாசிமணியும் தங்கமும் இழைத்த நகைகளும். கூடவே நெற்றியில் தொங்கும் அணிகலன்களும் கண்ணைக் கவர்கிறது. ஆனால் அத்தனை அலங்காரத்தையும் மறக்கச் செய்துவிடுகிறது மணப்பெண் சில விநாடிகளுக்கு எடுக்கும் குழந்தை அவதாரம். குழந்தைமையைத் தொலைக்காமல் இருந்தால் வாழ்வினிதாகவே இருக்கும்.

பெர்க் சாக்கலேட்டுக்கு ஒரு விளம்பரம் வரும். மணப்பெண்ணாக வரும் ஆலியா பெட் கையில் பெர்க்குடன் காட்சியளிப்பார். மணப்பெண்ணுக்கு மாலை அணிவிக்க உயரே செல்ல லைட்டான பெர்க் சாப்பிட்டு மேலே போவது போல் அந்தக் காட்சி வடிவமைக்கப்பட்டிருக்கும். மணக்கோலத்தில் ஆலியா அழகாக பெர்க்கை சாப்பிடும் கட்சி ரசிகர்கள் உள்ளத்தை கவ்வி இழுப்பதுபோல் இருக்கும். அது ஒரு விளம்பரக் காட்சி என்பதையே மறந்துவிடும் அளவுக்கு மணப்பெண்ணாக வரும் ஆலியாவின் குறும்பு இருக்கும்.

அதுபோலத் தான் இப்போது வைரலாகியுள்ள இந்த மணப்பெண்ணின் வீடியோவும் கல்யாணக் கோலத்தில் இருக்கும் பெண்ணின் குறும்பு அனைவரையும் ரசிக்க வைக்கிறது. அதுவும் அவர் பேஸ்ட்ரி சாப்பிடும் அழகு. ப்ளீஸ் அப்படியே அந்தப் பேஸ்ட்ரியை எங்களுக்கும் ஒரு காக்கா கடி கொடுங்களேன் என்று கேட்கத் தூண்டுவது போல் இருக்கிறது.