Bigg Boss Wildcard Entry: பிக்பாஸில் இவ்வளவு சீக்கிரம் வைல்ட் கார்டு என்ட்ரியா? மேலும் சூடுபிடிக்குமா ஆட்டம்?

இந்த வாரம் பிபி ஆக்சிஜன் டாஸ்க் நடைபெற்று வரும் நிலையில், அதில் விஜய் வர்மா - பிரதீப் இடையே கடும் மோதல் ஏற்பட்டது ஏற்கெனவே பரபரப்பைக் கிளப்பி உள்ளது.

பிக்பாஸ்

பிக்பாஸ் நிகழ்ச்சியில் வைல்ட் கார்டு  போட்டியாளர்களாக இரண்டு பிரபலங்கள் எண்ட்ரி தர உள்ளதாகத் தகவல் வெளியாகியுள்ளது.

பிக்பாஸ் சீசன் 7 போட்டியாளர்கள்

விஜய் தொலைக்காட்சியில் பிக்பாஸ் நிகழ்ச்சியின் 7 ஆவது சீசன் கலவையான விமர்சனங்களைப் பெற்று ஒளிபரப்பாகி வருகிறது. இந்த சீசனில் கூல் சுரேஷ், பவா செல்லதுரை, ஐஷூ,  ஜோவிகா விஜயகுமார்,  சரவண விக்ரம்,விசித்ரா, நிக்ஸன், விஜய் வர்மா, அனன்யா ராவ், மணி சந்திரா,  யுகேந்திரன் வாசுதேவன், பிரதீப் ஆண்டனி, விஷ்ணு விஜய், பூர்ணிமா ரவி, மாயா கிருஷ்ணா, அக்‌ஷயா உதயகுமார், வினுஷா தேவ,  ரவீனா தாஹா என 18 போட்டியாளர்கள்  கலந்து கொண்டனர்.  பலதுறைகளைச் சார்ந்த போட்டியாளர்களான இவர்கள்  இந்த சீசனில் கலந்துகொண்ட நிலையில் முதல் வாரத்தில் அனன்யா எவிக்டாகி வெளியேற, எழுத்தாளர் பவா செல்லதுரை தனது உடல்நிலை காரணமாக இரண்டாவது வார தொடக்கத்தில் தானாகவே வெளியேறினார்.

புதிய போட்டியாளர்கள்

இந்நிலையில் மோதல், கைகலப்பு, காதல், க்ரூப்பிசம், பிக்பாஸ் - ஸ்மால் பாஸ் வீட்டு பிரச்னைகள் என மூன்றாவது வாரத்தில் இந்த சீசன் பிக்பாஸ் பயணித்து வழக்கம்போல் பேசுபொருளாகி வருகிறது.
 
எனினும் மற்றொருபுறம் சீசன் தொடங்குகையிலேயே பப்ளு, அப்பாஸ், சோனியா அகர்வால், உமா ரியாஸ் என தெரிந்த முகங்கள் பலர் கலந்துகொள்வார்கள் எனக் கூறப்பட்டு வந்த நிலையில், இவர்கள் இறுதியில் கலந்துகொள்ளாதது ரசிகர்கள் மத்தியில் ஏமாற்றத்தை ஏற்படுத்தியுள்ளது.

இந்த சீசனில் நிறைய 2கே கிட்ஸை கவர்ந்த யூடியூப் பிரபலங்கள் இடம்பெற்றுள்ள நிலையில், யுகேந்திரன், விசித்ரா, வினுஷா உள்ளிட்டோர் தவிர்த்து பிரபல சின்னத்திரை, வெள்ளித்திரை முகங்கள் அதிகம் பங்குபெறாததும் ரசிகர்கள் மத்தியில் சிறு அதிருப்தியை ஏற்படுத்தியுள்ளது. இந்நிலையில், பிக்பாஸில் வைல்ட் கார்டு  போட்டியாளர்களாக இரண்டு பிரபலங்கள் எண்ட்ரி தர உள்ளதாகத் தகவல் வெளியாகியுள்ளது.

அதன்படி, சின்னத்திரையின் பிரபல வில்லி நடிகையான அர்ச்சனா மற்றும் பிரபல கானா பாடகர் கானா பாலா ஆகிய இருவரும் கலந்துகொள்வதாகத் தகவல் வெளியாகி உள்ளது. 

2ஆவது ஸ்ட்ரைக் கார்டு வருமா?

இந்த வாரம் ஏற்கெனவே பிபி ஆக்சிஜன் டாஸ்க் நடைபெற்று வரும் நிலையில், அதில் விஜய் வர்மா - பிரதீப் இடையே கடும் மோதல் ஏற்பட்டது பரபரப்பைக் கிளப்பியது. மேலும் விஜய் அவரது செயல்களுக்காக ஏற்கெனவே  ஒருமுறை யெல்லோ ஸ்ட்ரைக் கார்டு வாங்கிய நிலையில் இந்த வாரமும் அவர் மீண்டும் யெல்லோ கார்டு வாங்குவார் என எதிர்பார்க்கப்படுகிறது. மூன்று முறை மஞ்சள் அட்டை பெறுபவர்கள் பிக்பாஸ் சீசனில் இருந்து வெளியேற்றப்படுவார்கள் என இந்த முறை பிக்பாஸ் வீட்டின் விதிமுறைகள் கொஞ்சம் ஸ்ட்ரிக்ட்டாக தான் சென்று கொண்டிருக்கிறது.

இந்நிலையில் வைல்ட் கார்டு எண்ட்ரி பற்றிய தகவல் பிக்பாஸ் ரசிகர்களை கொஞ்சம் ஆசுவாசப்படுத்தி எதிர்பார்ப்பை எகிற வைத்துள்ளது. மற்றொருபுறம் இந்த வாரம் பாரதி கண்ணம்மா நடிகை வினுஷா எவிக்டாக வாய்ப்புள்ளதாகத் தகவல்கள் வெளியாகி வருகின்றன. வோட்டிங்கின்படி அவர் குறைவான வாக்குகளைப் பெற்றுள்ள நிலையில், வினுஷா தான் இந்த வார எவிக்‌ஷன் எனத் தகவல்கள் வெளியாகி வருகின்றன.