BB Ultimate: யார் அந்த மூன்றாவது ஹவுஸ்மேட்...? பிக்பாஸ் வீட்டுக்குள் மீண்டும் வருகிறாரா வனிதா..!
Bigg Boss Ultimate Contestants: மூன்றாவது போட்டியாளராக பங்கேற்கும் அந்த நபர் யார் என்பது குறித்த குறிப்புடன் விஜய் டிவி ஒரு ப்ரோமோவை வெளியிட்டது.
பிக்பாஸ் தமிழ் 5 நிகழ்ச்சி கடந்த வாரம் முடிவடைந்த நிலையில், பிக்பாஸ் தயாரிப்பாளர்கள் புது முயற்சியாக பிக்பாஸுக்கென்று பிரத்யேக OTT தளத்தை தொடங்கி உள்ளனர். 13 போட்டியாளர்களுடன் 42 நாட்களுக்கு தொகுத்து வழங்கும் வகையில், இந்த நிகழ்ச்சியை மறுவடிவமைக்கும் பணியில் நிகழ்ச்சி ஏற்பாட்டாளர்கள் ஈடுபட்டுள்ளதாகவும் தகவல்கள் தெரிவிக்கின்றன.
இந்த புதிய நிகழ்ச்சியில் பிக்பாஸில் டைட்டில் வெற்றியாளர்களைத் தவிர அனைத்து பிக்பாஸ் சீசன் போட்டியாளர்களும் பங்கேற்பார்கள் என்றும் கூறப்பட்டுள்ளது. இந்தநிலையில், டிஸ்னி பிளஸ் ஹாட்ஸ்டார் ஓடிடி தளம் போன்று பிக்பாஸுக்கென்று பிரத்யேக ஓடிடி தளம் வெளியிடப்பட்டது. பிக் பாஸ் அல்டிமேட் 24-7 பிக் பாஸ் தமிழ் OTT என்னும் பெயரில் இதற்கான லோகோவை சிவகார்த்திகேயன் இறுதிபோட்டியன்று வெளியிட்டார்.
டிஸ்னி+ ஹாட்ஸ்டார் தனது முதல் OTT பிரத்தியேகமான பிக் பாஸ் தமிழ் சீசனை ஜனவரி 30 முதல் 24x7 ஸ்ட்ரீமிங் செய்கிறது. 2022 ஆம் ஆண்டு முதல், மிகப்பெரிய OTT அறிமுகத்துடன்,கமல்ஹாசன் BiggBossUltimate-ஐயும் தொகுத்து வழங்கவுள்ளார், இதை ரசிகர்கள் மேடையில் பிரத்யேகமாக பார்க்கலாம் என்றும் தெரிவிக்கப்பட்டுள்ளது.
#BBUltimate-ல் சினேகன்!! #YaaruAnthaHousemate pic.twitter.com/kmivcxSGta
— Disney+ Hotstar Tamil (@disneyplusHSTam) January 24, 2022
ஏற்கனவே, இந்த BiggBossUltimate க்குள் முதல் போட்டியாளராக பிக்பாஸ் தமிழ் 1 சீசனில் பங்கேற்று இரண்டாம் இடத்தை பிடித்த பாடலாசிரியர் சினேகன் வர இருப்பதாக அதிகாரபூர்வமாக தெரிவிக்கப்பட்டது. அதேபோல், அதே சீசனில் பங்குபெற்ற ஜூலியும் இரண்டாவது போட்டியாளராக அறிமுகப்படுத்தப்பட்டார்.
#BBUltimate-ல் ஜுலி !! #YaaruAnthaHousemate pic.twitter.com/eLuXKUYeN2
— Disney+ Hotstar Tamil (@disneyplusHSTam) January 25, 2022
இதையடுத்து, மூன்றாவது போட்டியாளராக பங்கேற்கும் அந்த நபர் யார் என்பது குறித்த குறிப்புடன் விஜய் டிவி ஒரு ப்ரோமோவை வெளியிட்டது. அதில், அந்த நபர் அதிக அளவில் கோவம் படுவார் என்றும், நன்றாக சமைப்பார் என்றும் கூறப்பட்டது. இதன் அடிப்படையில் பார்த்தால் அந்த மூன்றாவது போட்டியாளர் வனிதா என்று நன்றாக தெரிகிறது. இருப்பினும் இதற்கான விடை இன்று 6 மணிக்கு ப்ரோமோவாக வெளியாகும்.
#YaaruAnthaHouseMate..? #BBUltimate pic.twitter.com/jwJFOQnjjp
— Disney+ Hotstar Tamil (@disneyplusHSTam) January 26, 2022
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
