Bigg Boss 7 Tamil: ரவீனாவிடம் ரகசியப் பேச்சு.. ரெண்டாவது நாளே விதிமீறல்.. குறும்படம் வெளியிட்டு நியாயம் கேட்கும் ரசிகர்கள்!

பிக்பாஸ் சீசன் 7 நிகழ்ச்சியில் நடன இயக்குநர் மணி சந்திரா மற்றும் சின்னத்திரை நடிகை ரவீனா தாஹா ஆகியோரின் வீடியோக்கள் இணையத்தில் வைரலாகி வருகிறது.

ரவீணா- மணி சந்திரா

பிக்பாஸ் சீசன் 7:

சின்னத்திரையில் முன்னணி தொலைக்காட்சி சேனல்களில் ஒன்றாக உள்ள விஜய் டிவியில் கடந்த 2017ஆம் ஆண்டு முதல் பிக்பாஸ் நிகழ்ச்சி (BiggBoss 7 Tamil) ஒளிபரப்பாகி வருகிறது. ரசிகர்களின் பேராதரவைப் பெற்ற இந்நிகழ்ச்சியை நடிகர் கமல்ஹாசன் தொகுத்து வழங்கி வருகிறார். அதன்படி 7வது சீசன் கடந்த அக்டோபர் 1 ஆம் தேதி ஒளிபரப்பாக தொடங்கியது. 2024 ஆம் ஆண்டு ஜனவரி 14 அல்லது ஜனவரி 21ஆம் தேதி வரை பிக்பாஸ் சீசன் 7 நிகழ்ச்சி ஒளிபரப்பாகும் என்பதால், இன்னும் 3 மாத காலங்களுக்கு ரசிகர்களுக்கு செம தீனி காத்திருக்கிறது. 

இந்த சீசனில் கூல் சுரேஷ், பவா செல்லதுரை,  சரவண விக்ரம், வினுஷா தேவி, விசித்ரா, நிக்ஸன், ஐஷூ,  விஜய் வர்மா, அனன்யா ராவ், யுகேந்திரன் வாசுதேவன், மாயா கிருஷ்ணா, ஜோவிகா விஜயகுமார், மணி சந்திரா, ரவீனா தாஹா, அக்‌ஷயா உதயகுமார், பிரதீப் ஆண்டனி, விஷ்ணு விஜய், பூர்ணிமா ரவி ஆகிய 18 போட்டியாளர்கள் கலந்து கொண்டுள்ளனர். ஏகப்பட்ட இளம் போட்டியாளர்கள் நிறைந்துள்ளதால் தினம் தினம் சண்டைகள், கொண்டாட்டங்கள் என பிக்பாஸ் வீடு களைகட்டப் போவது உறுதி! 

ரவீனா வீடியோ:

இதனிடையே பிக்பாஸ் நிகழ்ச்சியானது வார நாட்களில் இரவு 9.30 மணி முதல் 10.30 மணி வரையும், வார இறுதி நாட்களில் இரவு 9.30 மணி முதல் 11 மணி வரை ஒளிபரப்பாகிறது. மேலும் ஹாட்ஸ்டார் ஓடிடி தளத்தில் 24 மணி நேரமும் நேரலை செய்யப்படுகிறது. இதனால் டிவியில் நாம் காண முடியாத பல காட்சிகளும் சமூக வலைத்தளங்களில் காண கிடைக்கிறது. அந்த வகையில் இன்றைய தினத்தில் நடிகை ரவீனாவின் வீடியோ ஒன்று வைரலாகியுள்ளது.  அதில், இரவு நேரத்தில் மணி சந்திராவும், ரவீனா தாஹாவும் பேசிக் கொண்டார்கள். என்ன பிரச்னை என்று ரவீனா கேட்க சொல்ல முடியாது, அதற்கு வாய்ப்பில் இல்லை என்று மணி கூறினார்.

Mani breaks the Bigg Boss rule by having a secret conversation with Raveena by writing on her palm. A matter for the host to question on the weekend.#BiggBossTamil7 pic.twitter.com/XWGMRASur4

— Bigg Boss Follower (@BBFollower7) October 2, 2023

ரவீனா தொடர்ந்து என்ன விஷயம் என்று தொடர்ந்து கேட்க, புரிஞ்சுக்கணும் என மணி சொல்கிறார். இதற்கு ரவீனா சிரித்தப்படி இருந்தார். இதனை அடுத்து, ரவீனாவின் உள்ளங்கையில் என்ன பிரச்னை என்று எழுதி காட்டியுள்ளார் மணி. பின்னர், ஏய் சொல்லு என்று ரவீனா சிரித்தப்படி கேட்க, சொல்ல முடியாது என்று மணி சந்திரா ஓடியுள்ளது போன்று வீடியோவில் பதிவாகி இருக்கிறது.

கமல்ஹாசன் கேட்பாரா? 

இப்படி ரகசியமாக  பேசியதன் மூலம் பிக் பாஸ் விதியை மணி சந்திரா மீறிவிட்டார். இதனால், இதை பற்றி வார இறுதி நாட்களில் கமல்ஹாசன் கேட்க வேண்டும் என்று பார்வையாளர்கள் இணையத்தில் கூறி வருகின்றனர். இதற்கு முன்னதாக வெளியான ஒரு வீடியோவில், திடீரென மணியின் கையை ரவீணா கடித்துள்ளதோடு, கடித்த இடத்தில் ”டாட்டூ போட்டுக் கொள்ள வேண்டியது” எனத் தெரிவிக்க, பக்கத்தில் இருக்கும் ஐஷூ, “இது நல்லதுக்கு இல்ல” எனக் கூறுகிறார்.  இதுபோன்று ரவீனா மற்றும் மணியின் வீடியோக்கள் இணையத்தில் தொடர்ந்து வெளியாகி ட்ரோல் செய்யப்பட்டு வருகின்றன.