Bigg Boss 7 Tamil: பிரதீப்புக்கு ரெட் கார்ட்.. செங்கொடியுடன் நியாயம் கேட்ட போட்டியாளர்கள்.. பரபரப்பின் உச்சத்தில் பிக்பாஸ்!

Bigg Boss 7 Tamil: பிரதீப்புக்கு எதிராக செங்கொடியை உயர்த்தி நியாயம் கேட்ட பிக் பாஸ் போட்டியாளர்கள்... ரெட் கார்டு வழங்கப்பட்டு வெளியேற்றப்பட்டார் பிரதீப் என இணையத்தில் தகவல் பரவி வருகிறது!

பிரதீப் ஆண்டனி, கமல்ஹாசன்

பிக்பாஸ் சீசன் 7 நிகழ்ச்சியின் 34வது நாளுக்கான இன்றைய ப்ரோமோ வெளியாகியுள்ளது. வாரக் கடைசி என்பதால் உலக நாயகன் இன்றைய நிகழ்ச்சியை தொகுத்து வழங்கி கடந்த வாரங்களில் நடைபெற்ற அனைத்து பிரச்சினைகளுக்கும் பஞ்சாயத்து செய்வார் என்பதால் போட்டியாளர்கள் முதல் நாளே கொஞ்சம் அடக்கி வாசிக்கத் தொடங்கி விடுவார்கள். 

 

அந்த வகையில் இந்த வாரம் முழுக்க பல பிரச்சினைகள், சண்டைகள், சச்சரவுகள், அழுக்காட்சிகள் எல்லாம் நடந்தேறியது. வழக்கம் போல பிரதீப் தன்னுடைய கேம் பிளானை பயன்படுத்தி பலரையும் தாக்கினார். விசித்திரா - அர்ச்சனா மோதல், பிரதீப் - கூல் சுரேஷ் தகராறு, நிக்சன் - ஐஷூ பிரச்சினை என பல விஷயங்கள் இந்த வாரத்தை பரபரப்பாக்கியது. 

கடந்த வாரம் ஏராளமான கனவுகளுடன் ஐந்து போட்டியாளர்கள் பிக்பாஸ் வீட்டுக்குள் என்ட்ரி கொடுத்தார்கள். ஆனால் அவர்கள் அனைவரையும் உள்ளே நுழைந்ததும் நேரடியாக ஸ்மால் பாஸ் வீட்டுக்குள் அனுப்பி வைத்தார்கள் பிக் பாஸ் வீட்டில் இருக்கும் போட்டியாளர்கள். 

அந்த வகையில் இன்றைய எபிசோடுக்கான ப்ரோமோ வெளியானதில் உலகநாயகன் என்ட்ரி கொடுத்ததும், மக்களுக்கு இருந்த கேள்விகளை அவரே போட்டியாளர்களிடம் கேட்க இருக்கிறார். 

இதுவரையில் நடந்த அத்தனை பிக்பாஸ் சீசனிலும் பிக்பாஸ் டைட்டிலை வெல்வதற்காகவே விளையாடினார்கள். ஆனால் இந்த சீசன் ஆரம்பத்தில் இருந்து சற்று வித்தியாசமாக இருக்கிறது. ஜெயிப்பதற்காக விளையாடுவதைக் காட்டிலும் தோற்காமல் விளையாட வேண்டும் என்பதையே குறிக்கோளாக வைத்து விளையாடுகிறார்கள் என்பது போல தோன்றுகிறது. 

 

இப்படி ஒரு ஆட்டம் உண்மையிலேயே மக்களுக்கு ஸ்வாரஸ்யமாக இருக்கிறதா, அல்லது முகம் சுளிக்க வைக்கிறதா என்பது குறித்து போட்டியாளர்களிடம் தான் கேட்க வேண்டும் எனத் தனது பஞ்சாயத்தை தொடங்குகிறார் கமல்ஹாசன். 

போட்டியாளர்களில் ஒரு சிலர் செங்கொடியை பயன்படுத்தி கமல்ஹாசனிடம் தங்களின் பிரச்சினை குறித்து குரல் எழுப்பிகிறார்கள். அது முழுக்கு முழுக்க பிரதீப்புக்கு எதிரான ஒரு குரலாகவே இருந்தது. கெட்ட வார்த்தைகளை தவறான நோக்கத்தில் பயன்படுத்துவது, நைட் தூங்குவதற்கு கூட பயமாக இருக்கிறது, இப்படி தான் பேசுவேன் என தன்னை தானே நியாயப்படுத்தி கொள்வது, அநாகரீகமாக கமெண்ட் அடிப்பது, அசிங்க அசிங்கமாக பேசுவேன் என மிரட்டுவது என பிரதீப்புக்கு எதிர்ப்பாக செங்கொடியை உயர்த்தி நியாயம் கேட்கிறார்கள் பிக்பாஸ் போட்டியாளர்கள். 

இது அனைத்தையும் மீறி கதவை மூடாமல் கழிவறையை பிரதீப் பயன்படுத்துவது அதுவும் ஒரு பொதுவான இடத்தில் என்பது அநாகரீகமான ஒரு செயல் என ரசிகர்கள் இணையத்தில் குமுறி வருகிறார்கள். "நான் வேண்டும் என்றே தான் செய்தேன்" என பிரதீப் சொல்வது அநியாயத்தின் உச்சக்கட்டம். இதற்கு என்ன தீர்ப்பு வழங்க வேண்டும் என்பது எனக்கு தெரியும் என சரியான பதிலடியை கொடுத்தார் கமல்ஹாசன். 

இந்நிலையில், பிரதீப் ஆண்டனிக்கு ரெட் கார்டு வழங்கப்பட்டு பிக்பாஸ் நிகழ்ச்சியில் இருந்து வெளியேற்றப்பட்டார் என இணையத்தில் தகவல்கள் காட்டுத்தீ போல பரவி வருகிறது. பலரும் இது சரியான ஒரு முடிவு தான் கருத்து தெரிவிக்க, ஒரு சிலரோ பிரதீப்புக்கு ஆதரவாக குரல் எழுப்பி வருகிறார்கள்.