Robert Master: என்னாச்சு... பிக்பாஸ் இறுதிப்போட்டிக்கு கையில் கட்டுடன் வந்த ராபர்ட் மாஸ்டர்.. பதறிய ரசிகர்கள்..

பல படங்களில் நடன இயக்குநராக பணியாற்றியுள்ள ராபர்ட் மாஸ்டர் பிக்பாஸ் நிகழ்ச்சியின் 5வது போட்டியாளராக கலந்து கொண்டார்.

கையில் கட்டுடன் இருக்கும் ராபட் மாஸ்டர்

பிக்பாஸ் இறுதிப்போட்டிக்கான ப்ரோமோ வெளியாகியுள்ள நிலையில் இந்நிகழ்ச்சியில் பங்கேற்றுள்ள ராபர்ட் மாஸ்டர் கையில் கட்டுடன் அமர்ந்திருக்கும் வீடியோ ரசிகர்களை சோகத்தில் ஆழ்த்தியுள்ளது. 

முடிவுக்கு வந்த பிக்பாஸ்  

கடந்தாண்டு அக்டோபர் 9 ஆம் தேதி ஒளிபரப்பாக தொடங்கி பிக்பாஸ் நிகழ்ச்சியின் 6வது சீசன் இன்றுடன் நிறைவடைகிறது. தொடர்ந்து 6வது சீசனாக கமல் இந்த நிகழ்ச்சியை தொகுத்து வழங்கி வரும் நிலையில் முதல்முறையாக மக்களிடம் இருந்து தேர்வு செய்யப்பட்ட போட்டியாளர்கள் என இந்நிகழ்ச்சி பெரும் வரவேற்பை பெற்றது. 

இந்த சீசனில்  ஜிபி முத்து, திருநங்கை ஷிவின் கணேசன், அசல் கோலார், நிவாஷினி, குயின்ஸி, சாந்தி, விஜே மகேஸ்வரி, அஸிம், ராபர்ட் மாஸ்டர், ஏடிகே, அஸிம், ஜனனி, கதிரவன், மணிகண்டா, ரச்சிதா,ஆயிஷா, ஷெரின் ஷாம், டிக்டாக் பிரபலம் தனலட்சுமி, ராம் ராமசாமி, மற்றும் விக்ரமன் ஆகியோர் பங்கேற்றனர். பின்னர் வைல்ட் கார்டு எண்ட்ரீயாக மைனா நந்தினி பங்கேற்றனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Television (@vijaytelevision)

ராபர்ட் மாஸ்டர்

நடன இயக்குனர், இயக்குனர், தயாரிப்பாளர் மற்றும் நடிகரான ராபர்ட் மாஸ்டர் அழகன் படத்தில் குழந்தை நட்சத்திரமாக அறிமுகமாகி பல படங்களில் நடன இயக்குநராக பணியாற்றியுள்ள ராபர்ட் மாஸ்டர் பிக்பாஸ் நிகழ்ச்சியின் 5வது போட்டியாளராக கலந்து கொண்டார். ஆரம்பக் கட்டத்தில் கலகலப்பாக கொண்டு சென்ற ராபர்ட் மாஸ்டர் ஒருகட்டத்தில் சக போட்டியாளர் ரச்சிதாவுடன் நெருங்கி பழக ஆரம்பித்தார்.

அவரின் செயல்கள் முதலில் க்யூட்டாக இருந்தாலும் போக போக பார்வையாளர்களுக்கு கோபத்தை ஏற்படுத்தியது. எமோஷனலாக பிளாக்மெயில் செய்வது போன்ற செய்கையில் ஈடுபட்ட நிலையில்,  தான் எந்த எண்ணத்திலும் ராபர்ட்டிடம் பழகவில்லை என சொல்லும் அளவுக்கு ரச்சிதா அவரை தவிர்க்க தொடங்கினார். பின்னர் தனக்கும் ரச்சிதா மீது அப்படி ஒரு எண்ணமும் இல்லை என ராபர்ட் மாஸ்டர் தெரிவித்தார். 

கையில் கட்டு 

இந்நிலையில் பிக்பாஸ் இறுதி நிகழ்ச்சி இன்று நடைபெறுகிறது. விக்ரமன், அஸிம், ஷிவின் 3 பேரும் இறுதிப்போட்டிக்கான பட்டியலில் உள்ளனர். இவர்களில் யார் பிக்பாஸ் டைட்டில் வெல்லப்போகிறார் என்ற எதிர்பார்ப்பு எழுந்துள்ளது. பலரும் விக்ரமன், அஸிம் பெயர்களை வைரலாக்கி வரும் நிலையில், இதற்கான ஷூட்டிங் நேற்று இரவு நடந்து முடிந்துள்ளது. ஆனாலும் டைட்டில் வின்னர் பற்றிய தகவல்  ரகசியமாக வைக்கப்பட்டுள்ளது.

இதனிடையே இறுதிப்போட்டிக்கான எபிசோடில் கலந்து கொண்ட ராபர்ட் மாஸ்டர் கையில் கட்டுடன் அமர்ந்துள்ளதால் அவரது ரசிகர்கள் அதிர்ச்சியடைந்துள்ளனர். இதில் சக போட்டியாளர்கள் உற்சாகமாக டான்ஸ் ஆட ராபர்ட் மாஸ்டர் மட்டும் ஒரு ஓரமாக சோகமாக அமர்ந்திருக்கிறார். பிக்பாஸ் ப்ரோமோக்களில் ராபர்ட் மாஸ்டர் கையில் கட்டுடன் இருக்கும் காட்சிகள் இடம் பெற்றுள்ளது.