Isaivani Complaint Against Ex-Husband : “என் பெயரில் போலிக்கணக்கு; ஆசிட் வீசுவேன் என்கிறார்” : முன்னாள் கணவர் மீது பிக்பாஸ் பிரபலம் புகார்

கிட்டத்தட்ட 100 நாட்களை கொண்ட இந்த நிகழ்ச்சியில் 50க்கும் மேற்பட்ட நாட்களை கழித்த இசைவாணி அண்மையில் எலிமினேட் செய்யப்பட்டார்.

இசை வாணி

கானா பாடல்களை பாடி சமூகவலைதளங்களில்  கவனம் பெற்ற பாடகி இசைவாணி, ரஞ்சித்தின் கேஸ்ட்லெஸ் கலெக்டிவ் குழுவில் இணைந்து பாடல்களை பாடியதின் மூலம் பிரபலமானார். தொடர்ந்து இசைக் கச்சேரிகளை நடத்தியும், திரைப்படங்களில் பாடியும் வரும் இசைவாணி, விஜய்டிவியில் ஒளிப்பரப்பாகி வரும் பிக்பாஸ் சீசன் 5 நிகழ்ச்சியில் போட்டியாளராக பங்கேற்றார்.

கிட்டத்தட்ட 100 நாட்களை கொண்ட இந்த நிகழ்ச்சியில் 50க்கும் மேற்பட்ட நாட்களை கழித்த இசைவாணி அண்மையில் எலிமினேட் செய்யப்பட்டார். அதனைத் தொடர்ந்து மார்கழியில் மக்களிசை நிகழ்ச்சியில் தொடர்ந்து பாடி வரும் இசைவாணி, தற்போது தனது முன்னாள் கணவர் மீது சென்னை காவல் ஆணையர் அலுவலகத்தில் புகார் ஒன்றை கொடுத்துள்ளார். 

அந்தப் புகாரில், தனது முன்னாள் கணவரான சதீஷ் என்ற பப்லு சமூகவலைதளங்களில் எனது பெயரை பயன்படுத்தி போலி கணக்குகளை உருவாக்கி அதன் மூலம் இசை கச்சேரிகளை புக் செய்வதோடு, அதற்கான முன்பணத்தையும் பெற்றுக்கொள்கிறார். ஆனால் நான் கச்சேரிக்கு செல்வதில்லை. இதனால் கச்சேரிக்கு முன்பணம் கொடுத்தவர்கள் தன்னிடம் வந்து கேட்பதாகவும் தெரிவித்துள்ளார். 

மேலும் “சதீஷ் வேறொரு பெண்ணை திருமணம் செய்து கொண்ட நிலையில், தற்போதும் என்னை அவர் மனைவி என்று கூறிக்கொண்டு, நானும் அவரும் இணைந்து இருக்கும் புகைப்படங்களை சமூக வலைதளங்களில் பதிவிட்டு வருகிறார். 

இது குறித்து சதீஷை தொடர்பு கொண்டு கேட்ட போது, கொலை மிரட்டல் விடுத்ததோடு, முகத்தில் ஆசிட் வீசி விடுவேன் என்று மிரட்டுகிறார். ” என்று இசைவாணி குறிப்பிட்டுள்ளார். 

 

 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by KIRASE (@ki.ruban.ra.j.s)

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண