Aparna Das: ஓரமாய் நின்னு... ஒட்டுமொத்த டீமை குளோஸ் பண்ணிட்டீயேம்மா... யாருப்பா இந்த அபர்ணா தாஸ்!
மனோகரம்’ படம் மூலமாக மலையாள திரையுலகில் நாயகியாக அறிமுகமானார் அபர்ணா. தற்போது, ‘பிரியன் ஓட்டத்திலானு’, ‘நீயாம் நிழலில்’ என்ற இரண்டு படங்களில் மலையாளத்தில் நடித்து வருகிறார்.
நடிகர் விஜய் நெல்சன் திலீப்குமார் இயக்கத்தில் பீஸ்ட் படத்தில் நடித்துவருகிறார். சன் பிக்சர்ஸ் தயாரிக்கும் இப்படத்தில் விஜய்க்கு ஜோடியாக பூஜா ஹெக்டே நடிக்கிறார். அனிருத் இசையமைக்கிறார்.
படத்தின் படப்பிடிப்பு விறுவிறுப்பாக நடந்துவருகிறது. இந்த சூழலில் பீஸ்ட் படத்தின் 100ஆவது நாள் படப்பிடிப்பு முடிவடைந்ததை அடுத்து புகைப்படம் ஒன்றை நெல்சன் தனது ட்விட்டர் பக்கத்தில் வெளியிட்டிருந்தார்.
அந்தப் புகைப்படத்தில் விஜய், பூஜா ஹெக்டே, நெல்சன் உள்ளிட்ட பலர் இடம்பெற்றிருந்தனர். விஜய்யின் ஸ்டைலிஷ் லுக்கை கண்ட அவரது ரசிகர்கள் புகைப்படத்தை கொண்டாடிவருகின்றனர்.
விஜய்க்கு அடுத்தபடியாக அந்த புகைப்படத்தில் கவனம் ஈர்த்தது கீபோர்டு வாசிக்கும் ஒரு பெண். அந்தப் பெண்ணை வைத்து சமூக வலைதளங்களில் பலர் ரொமாண்ட்டிக்காக மீம்களையும் தயாரித்து வெளியிடுகின்றனர். அதுமட்டுமின்றி அந்தப் பெண் யார் என்ற தேடுதல் வேட்டையையும் தொடங்கியுள்ளனர்.
It’s “100th day of shooting”
— Nelson Dilipkumar (@Nelsondilpkumar) November 28, 2021
100 days of fun with these amazing people #Beast ❤️ @actorvijay @hegdepooja @sunpictures pic.twitter.com/kgspauE8CL
கீபோர்டு வாசிக்கும் அந்தப் பெண்ணின் பெயர் அபர்ணா தாஸ். 25 வயதான அபர்ணா கேரளாவைச் சேர்ந்தவர். பாலக்காடு மாவட்டத்தில் உள்ள நென்மாரா பகுதியைச் சேர்ந்தவர். இவரின் குடும்பம் மஸ்கட்டில் செட்டில் ஆகியிருந்தாலும் அபர்ணா, நென்மாரா பகுதியில் பள்ளிப் படிப்பையும், உயர் கல்வியை மஸ்கட்டிலும் முடித்துள்ளார். மேலும், கோயம்புத்தூரில் உள்ள கல்லூரியில் எம்பிஏ படித்திருக்கிறார்.
அபர்ணா கல்லூரிப் படிப்பை முடித்த பிறகு மாடலிங் மற்றும் குறும்படங்களில் நடித்த வந்தார். திரைத்துறையில் அபர்ணாவுக்கு முதல் பட வாய்ப்பு 2019ஆம் ஆண்டு ஃபஹத் பாசில் நடிப்பில் வெளிவந்த ‘ஞான் பிரகாஷன்’ படத்தில் கிடைத்தது.
பின்னர் அதே ஆண்டு வெளியான ‘மனோகரம்’ படம் மூலமாக மலையாள திரையுலகில் நாயகியாக அறிமுகமானார் அபர்ணா. தற்போது, ‘பிரியன் ஓட்டத்திலானு’, ‘நீயாம் நிழலில்’ என்ற இரண்டு படங்களில் மலையாளத்தில் நடித்து வருகிறார். தற்போது பீஸ்ட் படம் மூலம் கோலிவுட்டில் அறிமுகமாகிறார். பீஸ்ட் படத்துக்கு பிறகு அபர்ணாவுக்கு தமிழ் சினிமாவில் வாய்ப்புகள் ஏராளம் கிடைக்கும் என எதிர்பார்க்கப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
