Blue Star: காதல் டூ கல்யாணம்: அசோக் செல்வன் - கீர்த்தி பாண்டியனின் ப்ளூ ஸ்டார் படத்தின் வெளியீட்டு தேதி அறிவிப்பு!

திருமணத்திற்கு பின் அசோக் செல்வன் மற்றும் கீர்த்தி பாண்டியன் இணைந்து நடித்து வெளியாகவுள்ள ப்ளூ ஸ்டார் படத்தின் மீது பெரிய எதிர்பார்ப்பு உள்ளது

அசோக் செல்வன், கீர்த்தி பாண்டியன், ப்ளூ ஸ்டார். (Image source: Twitter)

அசோக் செல்வன் மற்றும் கீர்த்தி பாண்டியன் இணைந்து நடித்துள்ள ப்ளூ ஸ்டார் படத்தின் ரிலீஸ் தேதியை படக்குழு அறிவித்துள்ளது. 

அசோக் செல்வன் - கீர்த்தி பாண்டியன் 

வளர்ந்து வரும் இளம் நடிகர்களில் நடிகர் அசோக் செல்வன் குறிப்பிடத் தகுந்தவர். ஓ மை கடவுளே, போர் தொழில் , நித்தம் ஒரு வானம் ட், தெகிடி என அவர் தேர்வ் செய்து நடித்து வரும் படங்கள் கவனமீர்க்கின்றன.  அசோக் செல்வனுக்கும் நடிகை கீர்த்தி பாணியனுக்கும் சமீபத்தில் திருமணம்  நடைபெற்றது. அசோக் செல்வனைப் போல் கீர்த்தி பாண்டியனும் தனது சினிமா பயணத்தை தொடங்கியுள்ளார், சமீபத்தில் அவர் நடித்த கண்ணகி திரைப்படம் கலவையான விமர்சனங்களைப் பெற்றது. மேலும் அசோக் செல்வன் நடித்த சபா நாயகன் திரைப்படம் நல்ல விம்ரசனங்களைப் பெற்றது. இந்த இரண்டு படங்களும் ஒரே நாளில் வெளியாக இருந்தன, திருமணத்திற்கு பிறகு  கணவன் மனைவி நடித்த இரண்டு படங்கள் ஒரே நாளில் வெளியாவதை ரசிகர்கள் ஆர்வமாக எதிர்பார்த்தனர். ஆனால் ஒரு சில காரணங்களால் சபா நாயகன் திரைப்படம் தாமதமாக வெளியானது. 

ப்ளூ ஸ்டார்

அசோக் செல்வன் மற்றும் கீர்த்தி பாண்டியனை ஒரே சமயத்தில் திரையில் பார்க்கும் வகையில் இருவரும் இணைந்து நடித்துள்ள ப்ளூ ஸ்டார் திரைப்படத்தின் ரிலீஸ் தேதி அறிவிக்கப் பட்டுள்ளது. அறிமுக இயக்குநர் ஜெய் இயக்கியிருக்கும் இந்தப் படத்தில் அசோக் செல்வன் , சாந்தனு பாக்கியராஜ், கீர்த்தி பாண்டியன் உள்ளிட்டவர்கள்  நடித்துள்ளார்கள் . கோவிந்த் வசந்தா இந்தப் படத்திற்கு இசையமைத்துள்ளார் . சமீபத்தில் வெளியான இந்தப் படத்தின் ’ரயிலின் ஒலிகள்’ பாடல் பயங்கரமாக வைரலானது. இதைத் தொடர்ந்து இரண்டாவது பாடலாக அரக்கோணம் பாடலும் நல்ல வரவேற்பைப் பெற்றது.

My next, a film I’m immensely proud of, a film I’m most excited about.
Blue Star! 💥💥💥
We are coming this Jan 25th!
Another promising brilliant director getting launched @chejai007 🤗💥
Thank you @beemji ❤️

A @SakthiFilmFctry release #BlueStarFromJan25 #BlueStar… pic.twitter.com/WMxJHaSszA

— Ashok Selvan (@AshokSelvan) January 6, 2024

கிரிக்கெட்டை மையப்படுத்தி 90 களில் நடக்கும் கதைக்களத்தில் இந்தப் படம் உருவாகியிருக்கிறது. ப்ளூ ஸ்டார் படம் வரும் ஜனவரி 25 ஆம் தேதி வெளியாக இருக்கிறது. இந்தப் படத்தில் திரையரங்க  வெளியீட்டு உரிமத்தை சக்தி ஃபிலிம் ஃபாக்டரி பெற்றுள்ளது. நிஜ வாழ்க்கையில் கீர்த்தி பாண்டியன் மற்றும் அசோக் செல்வனின் கெமிஸ்ட்ரி அனைவரும் ரசிப்பது போல் திரையில் இவர்கள் இருவரின் கெமிஸ்ட்ரி அனைவரையும் கவரும் என்று எதிர்பார்க்கப் படுகிறது.

---

மேலும் படிக்க : 2024 Big Budget Movies : அதிரப்போகும் பாக்ஸ் ஆஃபிஸ்... இந்த ஆண்டு வெளியாகும் பெரிய பட்ஜெட் திரைப்படங்கள்...