![ABP Premium](https://cdn.abplive.com/imagebank/Premium-ad-Icon.png)
மார்வெல் தொடரில் ஒலித்த எஸ்.பி.பி குரல்; ரஜினி படம்; ஏ.ஆர் இசை... நெட்டிசன்கள் குதூகலம்! என்ன பாடல் தெரியுமா?
எஸ்.பி.பியின் கணீர் குரலில் அமைந்துள்ள இந்தப் பாடல் ஹாட்ஸ்டார் ஓடிடி தளத்தில் வெளியாகியுள்ள ’மிஸ் மார்வெல்’ தொடரில் தற்போது இடம்பெற்றுள்ளது.
![மார்வெல் தொடரில் ஒலித்த எஸ்.பி.பி குரல்; ரஜினி படம்; ஏ.ஆர் இசை... நெட்டிசன்கள் குதூகலம்! என்ன பாடல் தெரியுமா? ARR SPB song from linga movie featured in Ms Marver series மார்வெல் தொடரில் ஒலித்த எஸ்.பி.பி குரல்; ரஜினி படம்; ஏ.ஆர் இசை... நெட்டிசன்கள் குதூகலம்! என்ன பாடல் தெரியுமா?](https://feeds.abplive.com/onecms/images/uploaded-images/2022/06/10/05d2f4cbe197b990281d6749a5cab5c5_original.jpg?impolicy=abp_cdn&imwidth=1200&height=675)
டிஸ்னி ஹாட்ஸ்டார் ஓடிடி தளத்தில் வெளியாகி உள்ள ’மிஸ் மார்வெல்’ எனும் அமெரிக்கத் தொடரில், லிங்கா படத்தின் பாடல் இடம்பெற்றுள்ளது தமிழ் ரசிகர்களை குதூகலத்தில் ஆழ்த்தியுள்ளது.
லிங்கா படப் பாடல்
சூப்பர் ஸ்டார் ரஜினிகாந்தின் நடிப்பில், இசையமைப்பாளர் ஏ.ஆர்.ரஹ்மான் இசையில் கே.எஸ்.ரவிக்குமார் இயக்கத்தில் 2014ஆம் ஆண்டு வெளிவந்த படம் லிங்கா.
இப்படம் வெளியான காலக்கட்டத்தில் வணிகரீதியாக பெரும் தோல்வியைத் தழுவியது. எனினும் ஏ.ஆர்.ரஹ்மான் இசையில் வெளியான இப்படத்தின் பாடல்கள் நல்ல வரவேற்பைப் பெற்றன.
இடம்பெற்ற எஸ்பிபி குரல்
இப்படத்தில் இடம்பெறும் ரஜினியின் அறிமுகப்பாடலான ’ஓ நண்பா நண்பா வா கலக்கலாம் வா’ எனும் பாடலை மறைந்த பாடகர் எஸ்.பி.பாலசுப்பிரமணியம் பாடியிருந்தார். இந்நிலையில், எஸ்.பி.பியின் கணீர் குரலில் அமைந்துள்ள இந்தப் பாடல் ஹாட்ஸ்டார் ஓடிடி தளத்தில் வெளியாகியுள்ள ’மிஸ் மார்வெல்’ தொடரில் தற்போது இடம்பெற்றுள்ளது.
எஸ்.பி.பியின் காந்தக் குரலில் தொடங்கும் இப்பாடல் இந்தத் தொடரில் இடம்பெற்றுள்ள காட்சியை, தற்போது உலகம் முழுவதும் உள்ள தமிழ் பேசும் நெட்டிசன்கள் ஷேர் செய்து மகிழ்ந்து வருகின்றனர்.
That's Linga Movie music in #MsMarvel @RaunaqMangottil @sudhirsrinivasn pic.twitter.com/asBNtrYTEq
— kalyanram rajamani (@401e72aa376d498) June 8, 2022
மிஸ் மார்வெல்
MCU எனப்படும் மார்வெல் சினிமேட்டிக் யுனிவர்சின் 17ஆவது தொலைக்காட்சித் தொடராக மிஸ் மார்வெல் தொடர் வெளியாகியுள்ளது. நேற்று முன் தினம் (ஜூன் 8) இந்தத் தொடரின் முதல் எபிசோட் டிஸ்னி ஹாட்ஸ்டாரில் வெளியானது.
கட்டுக்கோப்பான இஸ்லாமிய குடும்பத்தில் பிறந்து பாகிஸ்தானி அமெரிக்க பள்ளியில் படிக்கும் 16 வயது கமலா கான், கேப்டன் மார்வெலின் தீவிர விசிறியான விளங்கிறார். சூப்பர் ஹீரோ ஃபேன் ஃபிக்ஷன் எழுதும் அவர் தன் நெருங்கிய தோழியுடன் இணைந்து அவெஞ்சர் கான் எனும் நிகழ்வில் கலந்துகொள்ளும் போது ஏற்படும் நிகழ்வுகளை அடிப்படையாகக் கொண்டு இத்தொடரின் முதல் எபிசோட் அமைந்துள்ளது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)