ஆட்சி ரகளையில் தரைமட்டமான தனுஷின் கர...மொத்த வசூலே இவ்வளவுதானா!

தமிழ்நாடு தேர்தல் முடிவுகளைத் தொடர்ந்து அரசியல் பதற்றம் நிலவி வந்ததால் கடந்த வாரம் வெளியான தனுஷின் கர திரைப்படம் வசூலில் பெரிய அடி வாங்கியுள்ளது

By : ராகேஷ் தாரா | Updated at : 09 May 2026 12:35 PM (IST)

amidst tn political drama dhanush kara movie box office drops poorly ஆட்சி ரகளையில் தரைமட்டமான தனுஷின் கர...மொத்த வசூலே இவ்வளவுதானா!

கர , தவெக விஜய்

Source : X

கடந்த ஏப்ரல் 30 ஆம் தேதி திரையரங்கில் வெளியான கர திரைப்படத்தின் 8 நாள் வசூல் குறித்த தகவல்கள் வெளியாகியுள்ளன. மொத்தமே இப்படம் ரூ 24.5 கோடி வசூல் செய்து தோல்விப் படமாக அமைந்துள்ளது. படத்திற்கு கலவையான விமர்சனம் கிடைத்தாலும் ஒரு சில வாரங்கள் திரையரங்கில் ஓடும் என்று எதிர்பார்க்கப்பட்டது. ஆனால் தமிழ்நாட்டு அரசியல் களத்தில் நிகழ்வும் பதற்றத்தில் மக்கள் இப்படத்தை மறந்தேபோனார்கள்.

போர் தொழில் படத்தின் வெற்றிக்குப் பின் இயக்குநர் விக்னேஷ் ராஜா மற்றும் தனுஷ் கூட்டணியில் கர படம் அறிவிக்கப்பட்டது. படத்தின் மீது ரசிகர்களுக்கு மிகப்பெரிய அளவில் எதிர்பார்ப்பு இருந்தாலும் திரையரங்குகளில் கலவையான விமர்சனங்களையே பெற்றது கர. அடுத்தடுத்த விடுமுறை நாட்களில் படத்திற்கு கொஞ்சம் வரவேற்பு இருந்தாலும் முதல் வாரத்திலேயே படம் வசூலில் படுத்துவிட்டது.

மொத்தம் 8 நாட்களில் கர திரைப்படம் மொத்தமே 24.5 கோடி மட்டுமே வசூலித்துள்ளது. படத்தின் பட்ஜெட்டுடன் ஒப்பிடும் போது விநியோகஸ்தர்களுக்கு நஷ்டத்தையே ஏற்படுத்தியுள்ளது. மேலும் முதல் படத்தில் சூப்பர் ஹிட் கொடுத்த விக்னேஷ் ராஜா தனது இரண்டாவது படத்திலேயே சொதப்பிவிட்டார் என ரசிகர்கள் வருத்தம் தெரிவித்து வருகிறார்கள். தமிழ்நாட்டில் நடந்து வரும் அரசியல் பதற்றமே கர படத்தின் சரிவுக்கு காரணமாக கருதப்படுகிறது.

சட்டமன்ற தேர்தல் முடிவில் தமிழக வெற்றிக் கழகம் தனிப்பெருங்கட்சியாக 108 இடங்களில் வெற்றி பெற்றாலும், ஆட்சி அமைக்க தேவையான 118 இடங்களில் வெற்றியை உறுதி செய்யவில்லை. இதையடுத்து பல்வேறு அரசியல் கட்சிகளுடனும் ஆதரவை நாடி வருகிறது. காங்கிரஸ், இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் ஆகிய கட்சிகளின் ஆதரவுடன், தவெகவின் பலம் 116 ஆக உயர்ந்துள்ளது. இன்னும் தேவையான இரண்டு உறுப்பினர்களின் ஆதரவிற்காக விசிக தலைவர் திருமாவளவனுடன் பேச்சுவார்த்தை நடைபெற்று வருகிறது. அவரது ஆதரவும் கிடைத்தல் 118 சட்டமன்ற உறுப்பினர்களின் ஆதரவுடன் ஆட்சி அமைக்க அழைப்பு விடுக்குமாறு, விஜய் மீண்டும் ஆளுநரை சந்திப்பார் என எதிர்பார்க்கப்படுகிறது. அதனை ஆளுநர் ஏற்றால் தமிழ்நாட்டின் முதல் சிறுபான்மை சமூக முதலமைச்சராக விஜய் உறுதியேற்பது உறுதியாகிவிடும்.