AK 61 Update : ஏகே 61 அடுத்தக்கட்ட படப்பிடிப்பு எப்போது..? மஞ்சுவாரியர் கொடுத்த சூப்பர் அப்டேட் இது..!

அஜீத்குமார் நடிக்கும் ஏகே 61 படத்தின் அடுத்தகட்ட படப்பிடிப்பு வரும் 15-ந் தேதி தொடங்க உள்ளதாக மஞ்சுவாரியர் கூறியுள்ளார்.

மஞ்சுவாரியர்

தமிழ் திரையுலகின் உச்ச நட்சத்திரமாக திகழ்பவர் அஜீத்குமார். பிரபல இயக்குனர் எச்.வினோத் இயக்கத்தில் பெயரிடப்படாத திரைப்படத்தில் அஜீத் தற்போது நடித்து வருகிறார். இந்த படத்தின் படப்பிடிப்புகள் தொடங்கினாலும், இடைவெளி விட்டு நடைபெற்று வருகிறது. இந்த படத்தில் நாயகியாக பிரபல நடிகை மஞ்சுவாரியர் நடிக்க ஒப்பந்தம் ஆகியுள்ளார்.  

இந்த நிலையில், நடிகை மஞ்சுவாரியர் மலையாள தொலைக்காட்சி ஒன்றில் ஓணம் நிகழ்ச்சி ஒன்றில் பங்கேற்றார். அந்த நிகழ்ச்சியில் ஏகே 61 படத்தின் படப்பிடிப்பு குறித்து மஞ்சுவாரியர் கூறியுள்ளார். அவர் கூறியிருப்பதாவது, படப்பிடிப்பு இடங்கள், தொழில்நுட்ப பணிகள் இருந்தது. அவ்வப்போது இடைவெளி இருப்பதும் நன்றாக உள்ளது. அடுத்தகட்ட படப்பிடிப்பு செப்டம்பர் 15-ந் தேதி தொடங்க உள்ளது” என்று கூறியுள்ளார். இதனால், அஜீத் ரசிகர்கள் மிகுந்த உற்சாகம் அடைந்துள்ளனர்.

அஜீத் – எச்.வினோத் கூட்டணியில் உருவாகும் மூன்றாவது திரைப்படம் இதுவாகும். ஏகே 61 திரைப்படம் முழுக்க, முழுக்க கேங்ஸ்டர் திரைப்படமாக உருவாவதாக ஏற்கனவே தகவல்கள் வெளியாகியுள்ளது. இந்த படத்தில் நடிகை மஞ்சுவாரியர் நடிப்பது மேலும் எதிர்பார்ப்பை ஏற்படுத்தியுள்ளது. எச்.வினோத் இயக்கத்தில் அஜித்குமார் நடித்த நேர்கொண்ட பார்வை, வலிமை இரண்டு திரைப்படங்களுமே ஹிட்டாக அமைந்ததால் இந்த படத்தின் மீதும் மிகுந்த எதிர்பார்ப்பு ஏற்பட்டுள்ளது,

ஏகே 61 படம் குறித்த அப்டேட்டிற்காக ரசிகர்கள் காத்துக்கொண்டிருக்கம் சூழலில், அஜீத்குமாரின் லடாக் பைக் ரைடு புகைப்படங்கள் வெளியாகி அவரது ரசிகர்களுக்கு உற்சாகத்தை  அளித்து வருகிறது, அவர் லடாக் சென்றபோது அவருடன் பிரபல நடிகை மஞ்சுவாரியரும் பைக்கிலே லடாக் சென்று அசத்தியுள்ளார்.

அஜித் நடிக்கும் ஏகே 61 படத்தை நேர்கொண்ட பார்வை, வலிமை திரைப்படங்களை தயாரித்த போனி கபூரே தயாரிக்கிறார் என்பது குறிப்பிடத்தக்கது. அஜீத்குமார் எச்.வினோத் இயக்கும் திரைப்படத்திற்கு பிறகு நடிக்கும் திரைப்படத்தை இயக்குனரும், நயன்தாராவின் கணவருமான விக்னேஷ்சிவன் இயக்குகிறார் என்பது குறிப்பிடத்தக்கது.

மேலும் படிக்க : Viral Video : 'ரிபல் ஸ்டார்' கிருஷ்ணம் ராஜு மரணம்: கண்ணீர்விட்டு கதறிய பாகுபலி பிரபாஸ்..

மேலும் படிக்க :  Brahmastra Box Office : முதல் நாளை விட கூடுதல் கலக்‌ஷனை அள்ளிய பிரம்மாஸ்திரா! எவ்வளவு தெரியுமா?