Mankatha 2 : திடீரென்று ‘தல’ -யை சந்தித்த ஆக்‌ஷன் கிங்.. ட்ரெண்டாகும் ‘மங்காத்தா 2’.. என்னடா நடக்குது இங்க?

நடிசர் அஜித் மற்றும் அர்ஜுன் சந்திப்பு சமீபத்தில் நடைபெற்றது. அப்போது அவர்கள் எடுத்துக்கொண்ட புகைப்படம் சோசியல் மீடியாவில் வைரலாகி மங்காத்தா 2 குறித்த கேள்விகளை எழுப்பி வருகிறது.

மங்காத்தா 2

 

தமிழ் சினிமாவில் பிரபலமான இயக்குனரான வெங்கட் பிரபு இயக்கத்தில் நடிகர் அஜித் நடித்த திரைப்படம் 'மங்காத்தா'. நடிகர் அஜித்தின் 50வது படமாக வெளியான இப்படம் சூப்பர் டூப்பர் ஹிட் படமாக வெற்றி பெற்று சாதனை படைத்தது.

 

மீண்டும் இணைந்த மங்காத்தா கூட்டணி :

மங்காத்தா திரைப்படத்தில் நடிகர் அஜித்துடன் இணைந்து ஒரு முக்கிய கதாபாத்திரத்தில் நடித்திருந்தார் நடிகர் அர்ஜுன். இவர்களின் கூட்டணி இப்படத்தில் மிகவும் மாஸாக இருந்தது. ரசிகர்கள் மீண்டும் இந்த கூட்டணியில்  'மங்காத்தா 2' திரைப்படத்தை எதிர்பார்த்து இருந்த சமயத்தில், இணையத்தில் வெளியான புகைப்படம் ஒன்று சமூகவலைதளங்களில் வைரலாகி வருகிறது. அஜித் - அர்ஜுன் சந்தித்த போது எடுக்கப்பட்ட புகைப்படம்  ரசிகர்களுக்கு மங்காத்தா 2 பற்றிய ஆர்வத்தை அதிகரித்துள்ளது. 

 

Team #Mankatha reunion.. 🔥 #AK #Arjun pic.twitter.com/n3nQBPKlLH

— Ramesh Bala (@rameshlaus) November 20, 2022

ஷாலினிக்கு சர்ப்ரைஸ்  கொடுத்த அஜித் :

நடிகர் அஜித் மனைவி ஷாலினி நேற்று தனது 42வது பிறந்தநாளை கொண்டாடினார். மனைவியின் பிறந்தநாளுக்கு சர்ப்ரைஸ் ட்ரீட் ஒன்று வைத்து அசத்தியிருந்தார் அஜித். இந்த பார்ட்டியில் அஜித் மற்றும் ஷாலினியின் நெருங்கிய நண்பர்கள் மட்டுமே கலந்து கொண்டனர் என கூறப்படுகிறது. அந்த பார்ட்டியில் எடுத்துக்கொண்ட கியூட் புகைப்படங்களை சோசியல் மீடியாவில் வைரலாக பரவியது. சமீபகாலமாக அஜித் போட்டோஸ் அவ்வபோது இணையதளத்தில் பகிரப்பட்டு வருகிறது. 

 

Latest Click😎#Ajithkumar #Ajith#Mankatha#Thunivu #ThunivuPongal#CHAKCT pic.twitter.com/Q0EoqnFz8U

— Chennai Ajithkumar Charitable Trust (@CH_AKTrust) November 20, 2022

 

மங்காத்தா ரீ யூனியன் :

அந்த வகையில் நடிகர் அஜித் - ஆக்சன் கிங் அர்ஜுன் இருவரும் இணைந்து இருக்கும் போட்டோ ஒன்று தற்போது இணையத்தில் வெளியானது. இந்த புகைப்படத்தை அஜித் - அர்ஜுன் ரசிகர்கள் மங்காத்தா ரீ யூனியன் என வைரலாக்கி வருகிறார்கள். மேலும் மங்காத்தா 2 படம் குறித்தும் கேள்விகளை எழுப்பி வருகிறார்கள். இருவரின் திரை வாழ்க்கையிலும் ஒரு திருப்புமுனை படமாக அமைந்த மங்காத்தா திரைப்படம் ரசிகர்களை மிகவும் கவர்ந்த ஒரு திரைப்படம். அதன் இரண்டாம் பாகம் வெளிவந்தால் ரசிகர்கள் அதை கொண்டாடுவர். இயக்குனர் வெங்கட் பிரபு பக்கம் இந்த கேள்வி தற்போது திரும்பியுள்ளது. 

துணிவே துணை :

நடிகர் அஜித் நடிப்பில் பொங்கலுக்கு வெளியாகவுள்ளது 'துணிவு' திரைப்படம். படத்தின் டீசர், ஃபர்ஸ்ட் சிங்கிள், ட்ரெய்லர் என அனைத்துமே ரசிகர்கள் மத்தியில் அமோக வரவேற்பை பெற்றதை தொடர்ந்து, படத்தின் ரிலீஸூக்காக மிகவும் ஆவலாக காத்து கொண்டு இருக்கிறார்கள் ரசிகர்கள். அதனை தொடர்ந்து நடிகர் அஜித், இயக்குனர் விக்னேஷ் சிவன் இயக்கத்தில் நடிக்க உள்ளார்.