Watch Video | நீங்க கமலு.. நான் குஷ்புவா? பவர் ஸ்டாரை கலாய்த்து தள்ளிய வனிதா! இன்ஸ்டா வைரல்!
நடிகை வனிதா விஜயகுமார் தனது இன்ஸ்டாகிராமில் பவர்ஸ்டாருடன் சேர்ந்து ரகளை செய்யும் வீடியோ தற்போது வைரலாகி வருகிறது.
தமிழ் திரையுலகின் மூத்த நடிகர் விஜயகுமார். இதுவரை 500க்கும் மேற்பட்ட படங்களில் நடித்துள்ள இவரது மகள் வனிதா விஜயகுமார். நடிகர் விஜயின் ஆரம்பகாலத்தில் அவருக்கு ஜோடியாக ஒரு படத்தில் நடித்துள்ளார். இந்த நிலையில், கடந்த இரண்டு ஆண்டுகளுக்கு முன்பு பிக்பாசில் பங்கேற்றார். இந்த நிகழ்ச்சி மூலமாகவும், அவரது சர்ச்சையான பேச்சுக்கள் மூலமாகவும் அவர் மிகவும் பிரபலம் ஆனார். பல்வேறு விமர்சனங்களையும் எதிர்கொண்டார்.
இந்த நிலையில், நடிகை வனிதா தனது இன்ஸ்டாகிராம் பக்கத்தில் வீடியோ ஒன்றை வெளியிட்டார். அந்த வீடியோவில் நடிகர் பவர்ஸ்டார் சீனிவாசனும் உள்ளார். அந்த வீடியோவில் பேசும் வனிதா, எப்பவும் வாழ்க்கையில ஒரு ப்ளான் இருக்கும். பிளான் ஏ. பிளான் பி என பிளான் இசட் வரை இருக்கும். ஒருத்தர் ப்ளானோடதான் இருக்காரு என்கிறார்.
உடனே நடிகர் பவர்ஸ்டார் சீனிவாசன் உள்ளே வருகிறார். அப்போது, பவர்ஸ்டாரைப் பார்த்து நடிகை வனிதா, “என்னாச்சு உங்களுக்கு” என்கிறார். அதற்கு “ரொம்ப முடியலம்மா. ஓவர் பிரஷர், தலை வேற சுத்துதம்மா, நீ பக்கத்துல இருந்தா கொஞ்சம் ஆறுதலா இருக்கும்மா. என்கூட கடைசி வரை இருமா. அப்பத்தான் பிரஷர் குறையும்” என்று பவர்ஸ்டார் கூறுகிறார்.
உடனே வனிதாவும், “ நீங்க ஸ்டண்ட் போட்டீங்க ஓகே. அதுக்காக சிங்காரவேலன் கமல்ஹாசன் மாதிரி கட்டுப்போட்டுகிட்டு வந்து ஹாஸ்பிடல்ல படுத்திருந்தீங்க. கொஞ்சம் யோசிச்சு பார்த்தீங்களா? என்கிட்ட டேட் வாங்குனீங்களா? நான் இருக்கிறேனானு தெரிஞ்சுகிட்டீங்களா? நீங்கபாட்டுக்கு போயி படுத்தா. நான் குஷ்பு மாதிரி ஓடிவர முடியுமா? எனக் கோபமாக கேட்கிறார்.
அதற்கு பவர்ஸ்டார் சீனிவாசன், “நான் எங்க படுத்தாலும், நீங்க எங்க இருந்தாலும் பறந்து வருவீங்கனு நினைச்சு ஒரு பீலிங்குல படுத்துட்டேன்மா? என்று தெரிவித்தார். பவர்ஸ்டார் சீனிவாசன் வனிதா கலகலப்பாக பேசும் இந்த வீடியோ தற்போது சமூக வலைதளங்களில் வைரலாகி வருகிறது. இந்த வீடியோவிற்கு கீழே பலரும் கலவையாக கருத்துக்களை தெரிவித்து வருகின்றனர.
நடிகை வனிதா தனது கணவர் பீட்டரை விவாகரத்து செய்த பிறகு கடந்த சில மாதங்களுக்கு முன்பு பவர்ஸ்டார் சீனிவாசனுடன் திருமண கோலத்தில் நிற்பது போன்ற புகைப்படம் ஒன்றை வெளியிட்டார். அந்த புகைப்படத்தால் வனிதாவிற்கு மீண்டும் திருமணம் ஆகிவிட்டதா? என்ற எதிர்பார்ப்பு எழுந்தது. ஆனால், நடிகர் பவர்ஸ்டார் சீனிவாசனுடன் புதிய படம் ஒன்றில் நடிப்பதற்காக எடுக்கப்பட்ட போட்டோஷூட் என்று தகவல்கள் வெளியானது.
இந்த நிலையில், மீண்டும் இருவரும் இணைந்து இதுபோன்ற வீடியோவை வெளியிட்டிருக்கின்றனர் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
View this post on Instagram
தலைப்பு செய்திகள்
ட்ரெண்டிங் செய்திகள்
