Meera Mithun Arrest: நேற்று பிடிவாரண்ட்; இன்று கைது: மீராமிதுன் கட்டம் கட்டிய போலீசார்!

Meera Mithun Arrest: நடிகை மீரா மிதுனை சென்னை க்ரைம் போலீசார் கைது செய்துள்ளனர்.

மீரா மிதுன்

பட்டியலினத்தவருக்கு எதிராக கருத்து தெரிவித்த வழக்கு தொடர்பாக நேற்று நடிகை மீரா மிதுனுக்கு பிடிவாரண்ட் பிறப்பிக்கப்பட்டது. இந்த நிலையில் நடிகை மீரா மிதுனை சென்னை க்ரைம் போலீசார் இன்று கைது செய்துள்ளனர். 

மாடலிங் துறையில் பிரபலமான நடிகை மீரா மிதுன்  ‘8 தோட்டாக்கள்’ ‘தானா சேர்ந்த கூட்டம்’ உள்ளிட்ட படங்களில் நடித்தார். அதனைத் தொடர்ந்து ரியாலிட்டி ஷோவான ‘ஜோடி நம்பர் ஒன் சீசன் 8’ நிகழ்ச்சியில் கலந்து கொண்டார். இதனிடையே படக்குழுவுக்கும், மீரா மிதுனுக்கும் இடையே பிரச்னை எழுந்த நிலையில், அவர் அதிலிருந்து விலகினார். அதனைத் தொடர்ந்து பிக்பாஸ் -3 நிகழ்ச்சியில் கலந்து கொண்டு, பின்னர் எலிமினேட் செய்யப்பட்டார்.

சர்ச்சைகளால் நிரம்பிய பிக்பாஸ் வீடு 

மீராமிதுன் பிக்பாஸ் வீட்டிற்குள் இருந்த அனைத்து நாட்களிலுமே வீடு சர்ச்சைகளால் நிரம்பியிருந்தது. அதனைத்தொடர்ந்து எலிமினேட் செய்யப்பட்ட மீரா மிதுன் சமூக வலைதளங்களில் தொடர்ந்து சர்ச்சை வீடியோக்களை வெளியிட்டு வந்தார். அதில் சூர்யா, விஜய், அஜித் குறித்து இவர் பேசிய வீடியோ கடும் விமர்சனங்களை சந்தித்தது. அதனைத் தொடர்ந்து பட்டியலினத்தை குறித்து ஒரு வீடியோவை வெளியிட்டார்.இந்த வீடியோ சமூக வலைதளங்களில் வைரலான நிலையில், மீராமிதுனை கைது செய்ய வேண்டும் என்று விடுதலை சிறுத்தை கட்சி உட்பட பலர் சார்பில் சென்னை மாநகர காவல் ஆணையத்தில் புகார் அளிக்கப்பட்டது.

காதலுருடன் கைது செய்யப்பட்ட மீராமிதுன் 

அதனைத் தொடர்ந்து மீரா மிதுன் மற்றும் அவரின் காதலர் எனச் சொல்லப்படும் சாம் அபிஷேக் ஆகியோர் கடந்த ஆகஸ்ட் 14  ஆம் தேதி காவல்துறையினரால் கைது செய்யப்பட்டனர். இதனையடுத்து ஜாமீன் வேண்டும் மீரா மிதுன் தரப்பு மனு தாக்கல் செய்த நிலையில் சென்னை உயர் நீதிமன்றம் மீரா மிதுனுக்கு ஜாமீன் வழங்கியது. 

பிடிவாரண்ட் பிறபித்த முதன்மை அமர்வு நீதிமன்றம் 

 

இதனிடையே ஜாமீனில் விடுவிக்கப்பட்ட இருவர் மீதும் காவல்துறையினர் குற்றப்பத்திரிக்கை தாக்கல் செய்தனர். அதனைத் தொடர்ந்து அதன் நகல்களை பெறுவதற்காக சாம் மற்றும் மீரா மிதுன் ஆகியோர் நேற்று ஆஜராகும் படி சம்மன் அனுப்பப்பட்டிருந்தது. இது தொடர்பான வழக்கு நேற்று விசாரணைக்கு வந்த நிலையில், சாம் அபிஷேக் மட்டும் ஆஜரானார். மீரா மிதுன் ஆஜராக வில்லை. அப்போது ஆஜரான அரசு தரப்பு வழக்கறிஞர் சுதாகர், ஜாமீன் வழங்கும் போது ஒவ்வொரு திங்கட் கிழமை காலையும் விசாரணை அதிகாரி முன் ஆஜராக வேண்டும் என்ற நிபந்தனையையும் மீரா மிதுன் நிறைவேற்ற வில்லை என்றார். இதனையடுத்து, நடிகை மீரா மிதுனுக்கு எதிராக பிடிவாரண்ட் பிறப்பித்து மத்திய குற்றப்பிரிவு முதன்மை அமர்வு நீதிமன்றம் நேற்று உத்தவிட்டது.

 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூடிபில் வீடியோக்களை காண