‛அப்போதே இப்படி இருந்திருக்கலாம்...’ அண்ணாத்த ட்ரெய்லரை சுட்டிக்காட்டி குஷ்பு வருத்தம்!

தீபாவளிக்கு அண்ணாத்தே திரைப்படம் வெளியாவதை ஒட்டி இப்போதே ட்ரெய்லர், பாடல்கள் என்று தீப்பொறிகள் தெறிக்க ப்ரோமோஷன் வேலைகள் நடந்துகொண்டிருக்க குஷ்பு ட்விட்டரில் தனது வருத்தத்தை தெரிவித்துள்ளார்.

குஷ்பூ

சூப்பர் ஸ்டார் ரஜினிகாந்த் நடித்து முடித்துள்ள ‘அண்ணாத்த’ திரைப்படம் வரும் தீபாவளி அன்று பிரமாண்டமாக வெளியாக உள்ளது என்பதும் இந்த படத்தின் டீஸர் டிரைலர் மற்றும் பாடல்கள் ஏற்கனவே சூப்பர் ஹிட்டாகியுள்ளதை அடுத்து இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது. சிவா இயக்கத்தில் ரஜினி, நயன்தாரா, கீர்த்தி சுரேஷ், மீனா, வேல ராமமூர்த்தி, ஜெகபதிபாபு, சூரி உள்ளிட்டோர் நடித்துள்ள படம் அண்ணாத்த. இந்நிலையில் நேற்றைய தினம் படத்தின் ட்ரெயிலர் வெளியாகி ரசிகர்களை மிகுந்த உற்சாகத்திற்கு உள்ளாக்கியுள்ளது. தீபாவளியையொட்டி படம் இன்னும் 7 நாட்களில் வெளியாகவுள்ள நிலையில், ரசிகர்கள் படத்தை பார்க்க மிகுந்த உற்சாகத்துடன் உள்ளனர். தற்போது வெளியாகியுள்ள படத்தின் ட்ரெயிலர் இதை மேலும் அதிகரித்துள்ளது. ரஜினியின் தங்கையாக கீர்த்தி சுரேஷ் நடித்துள்ளார். தங்கைக்கு ஏதாவது ஒன்றென்றால் முன்னே நிற்கும் அண்ணனாக சூரக்கோட்டை ஊராட்சி தலைவர் காளையனாக அதிரடி காட்டி உள்ளார் ரஜினி.

சூரக்கோட்டை முதல் கல்கத்தா வரை கதை பயணிக்கும்படி அமைந்துள்ளது. கிராமத்து கதைக்களம், அண்ணன் - தங்கை பாசம் என பக்கா கமர்ஷியல் படமாக இந்த படம் உருவாகி உள்ளதை டிரைலரை பார்க்கும் போதே புரிந்து கொள்ள முடிகிறது. டிரைலர் வெளியான உடனே ரசிகர்கள் அதிகம் கொண்டாடினர். டுவிட்டரில் டாப் லெவலில் டிரெண்ட் ஆனது. அதேசமயம் விஸ்வாசம் படத்தின் பல காட்சிகள் இந்த படத்தில் பிரதிபலிப்பதாக விமர்சனமும் முன் வைக்கப்படுகிறது. எது எப்படியாக இருந்தாலும் இந்த தீபாவளிக்கு நிச்சயம் ரசிகர்களும் சரவெடி, அதிரடி தான். அண்ணாத்த படத்தை தமிழகத்தில் 600 தியேட்டர்களிலும், அமெரிக்காவில் மட்டும் தமிழ், தெலுங்கு மொழிகளில் 700 தியேட்டரில் வெளியிடுகின்றனர். படத்தில் 4 நாயகிகள் நடித்துள்ள நிலையில் ரஜினியின் தங்கையாக கீர்த்தி சுரேஷ் நடித்துள்ளார். அவர்கள் இருவரும் தோன்றும் காட்சிகள் மிகவும் கலர்புல்லாக உள்ளது. மேலும் நயன்தாராவுடனான காட்சிகளும் சிறப்பா அமைந்துள்ளது. குஷ்பூ, மீனா தோன்றும் காட்சிகளும் எதிர்பார்ப்பை எகிற வைத்துள்ளது.

Then ( Annaathe ) and now .. wish I was this thin then.. but it’s ok.. manage pannungu 😄😄😄😄😷😷😷😷😷🥵🥵🥵🥵🥵🥰🥰🥰🥰 pic.twitter.com/R3mEgoTvPf

— KhushbuSundar (@khushsundar) October 28, 2021

 

இந்நிலையில் குஷ்பு ட்விட்டரில் இரு புகைப்படங்களை ஒப்பிட்டு ஒரு ட்வீட் பதிவிட்டுள்ளார். இரண்டு புகைப்படத்திலுமே குஷ்பு தான் இருக்கிறார். முதலாவது ட்ரெய்லரில் இருந்து எடுக்கப்பட்ட ஸ்க்ரீன்ஷாட், இரண்டாவது தற்போது எடுக்கப்பட்ட செல்பி புகைப்படம். சமீபத்தில் குஷ்பு உடல் எடையை குறைத்துள்ளதால் சமீபத்திய புகைப்படத்தில் வயது குறைவாக தெரிகிறார். அதனை ஒப்பிட்டு குஷ்பு எழுதியிருப்பதாவது, "அப்போதும் (அண்ணாத்தே) இப்போதும்… இப்போது இருப்பது போல அப்போதும் ஒல்லியாக இருந்திருக்க வேண்டும் என்று தோன்றுகிறது, இருந்தாலும் பரவாயில்லை, அட்ஜஸ்ட் பண்ணுங்க" என்று எழுதியுள்ளார். அதாவது படப்பிடிப்பு நடந்தபோது இப்போதிருப்பதுபோல ஒல்லியான தேகம் இருந்திருந்தால் நன்றாக இருந்திருக்கும் என்று நினைக்கிறாராம். அதற்கு ரசிகர்கள் அப்போதே இப்படி இருந்திருந்தால் "நயன்தாரா ரோலில் நீங்கள் தான் நடித்திருப்பீர்கள்" என்று கமென்ட் செய்து வருகின்றனர்.