Dhruva Natchathiram: துருவ நட்சத்திரம் படத்தின் ரிலீஸ் தேதி இதுதான்? - விக்ரம் ரசிகர்களை மகிழ்ச்சியில் ஆழ்த்திய தகவல்..!

நடிகர் விக்ரம் நடித்துள்ள துருவ நட்சத்திரம் படத்தின் ரிலீஸ் தேதி பற்றிய தகவல் வெளியாகியுள்ளதால் ரசிகர்கள் மகிழ்ச்சியடைந்துள்ளனர். 

துருவ நட்சத்திரம் படத்தில் விக்ரம்

நடிகர் விக்ரம் நடித்துள்ள துருவ நட்சத்திரம் படத்தின் ரிலீஸ் தேதி பற்றிய தகவல் வெளியாகியுள்ளதால் ரசிகர்கள் மகிழ்ச்சியடைந்துள்ளனர். 

இயக்குநர் கௌதம் வாசுதேவ் மேனன் இயக்கத்தில் கடந்த 2017 ஆம் ஆண்டு தொடங்கப்பட்ட படம் “துருவ நட்சத்திரம்”.  நடிகர் சூர்யாவுக்கு என எழுதப்பட்ட இப்படத்தில் அவர் நடிக்க மறுத்ததால் விக்ரம் ஹீரோவாக நடித்துள்ளர். மேலும் ஐஸ்வர்யா ராஜேஷ், ரித்து வர்மா, ப்ரித்விராஜ் சுகுமாறன், பார்த்திபன், சிம்ரன் உள்ளிட்ட பலரும் நடித்துள்ளனர். ஹாரிஸ் ஜெயராஜ் இசையமைக்கும் இப்படத்தின் டீசர் 2017 ஆம்  ஆண்டு வெளியாகி ரசிகர்களை பெரும் மகிழ்ச்சியில் ஆழ்த்தியது. 

இதேபோல் “ஒரு மனம்” பாடலும் வெளியாகியிருந்தது. ஆனால் அதன்பிறகு எந்தவித அப்டேட்டும் படக்குழு சார்பில் வெளியாகாததால் ரசிகர்கள் இப்படம் வெளியாகுமா இல்லையா என குழம்பி தவித்தனர்.  ஆனால் சில வாரங்களுக்கு முன் துருவ நட்சத்திரம் படம் முடிவடைய உள்ளதாகவும், இன்னும் சில தினங்களில் போஸ்ட் புரொடக்‌ஷன்ஸ் பணிகள் தொடங்கும் எனவும் இயக்குநர் கௌதம் மேனன் தெரிவித்திருந்தார். 

அதனைத் தொடர்ந்து இசையமைப்பாளர்  ஹாரிஸ் ஜெயராஜ்  துருவ நட்சத்திரம் படத்தின் பின்னணி இசை தொடங்கியதாக தெரிவித்தார். இதனால் ரசிகர்கள் மகிழ்ச்சியடைந்தனர்.  டால்பி 9.1.4 தரத்தில் விரைவில் திரையரங்கில் சந்திக்கலாம் என அவர் தெரிவித்திருந்தார். நீண்ட இடைவெளிக்குப் பின் ஹாரிஸ் ஜெயராஜ் - கௌதம் மேனன் கூட்டணியில் படம் வெளியாவதால் பெரும் எதிர்பார்ப்பு நிலவியது. 

இந்நிலையில் துருவ நட்சத்திரம் படத்தின் ரிலீஸ் குறித்த தகவல் வெளியாகியுள்ளது. அதன்படி 2018ஆம் ஆண்டு வெளியாகும் என அறிவிக்கப்பட்ட இப்படம் 5 ஆண்டுகள் கழித்து வரும் மே  மாதம் 19 ஆம் தேதி வெளியாகும் கூறப்படுகிறது. இதனை விக்ரம் ரசிகர்கள் #ChiyaanVikram, #DhruvaNatchathiram என்ற ஹேஸ்டேக்கில் கொண்டாடி வருகின்றனர்.