“நானும் பாலியல் தொந்தரவை சந்தித்திருக்கிறேன்; அதன்பின்னர்...” : நடிகை விஜயலட்சுமி

இயக்குநர் அகத்தியனின் மகளான இவர் ஜீ தொலைக்காட்சியின் சர்வைவர் நிகழ்ச்சியின் வெற்றியாளராக அறியப்பட்டார்.

By : ஐஷ்வர்யா சுதா | Updated at : 23 Aug 2022 06:55 AM (IST)

விஜயலட்சுமி

சென்னை 28 படத்தின் மூலம் மிகவும் பரவலாக அறியப்பட்ட நடிகை விஜயலட்சுமி. பின்னர் பிக்பாஸ் நிகழ்ச்சியில் பங்கேற்றதன் மூலம் ஆடியன்ஸிடம் பெரிய அளவில் சென்றடைந்தார். இயக்குநர் அகத்தியனின் மகளான இவர் ஜீ தொலைக்காட்சியின் சர்வைவர் நிகழ்ச்சியின் வெற்றியாளராக அறியப்பட்டார்.

View this post on Instagram

A post shared by Vijayalakshmi Ahathian (@itsvg)

#MeToo விவகாரம் குறித்து கருத்து கூறிய அவர் “எனக்கும் பாலியல் தொந்தரவு நடந்தது. நான் கராத்தே கற்றுக்கொள்ள சென்ற இடத்தில் அந்த ஆசிரியர் என்னிடம் தவறாக நடந்துகொண்டார். நான் அப்பாவிடம் வந்து சொல்லிவிட்டேன். பிள்ளைகளிடம் சிறு வயதிலிருந்து குட் டச் பேட் டச் போன்ற விஷயங்களை சொல்லிக்கொடுத்து வளர்ப்பது இதுபோன்ற நேரங்களில் பாதுகாப்பைத் தரும். சினிமாவைப் பொருத்தவரை கேஸ்டிங் கவுச் என்பது ஒரு சிலர் தாமாகவே முன்வந்து நடிகர்கள், இயக்குநர்கள் மற்றும் தயாரிப்பாளர்களிடம் பேரம் பேசுவதால் எல்லோரிடமும் அந்த கூட்டம் இதை எதிர்பார்க்கத் தொடங்குகிறது. இருதரப்பும் சம்மதத்துடன் ஈடுபடுவதற்கு மட்டும் அனுமதி கொடுத்து அதில் ஆர்வம் இல்லாத பெண்களை அவர்களுக்கான பாதுகாப்பான சூழலை உண்டாக்கித்தருவதுதான் இதில் இருக்கும் அறமாக நான் பார்க்கிறேன்” என்கிறார் அவர்.