![ABP Premium](https://cdn.abplive.com/imagebank/Premium-ad-Icon.png)
'லவ் யூ அஜித் சார்! இதுதான் அனைவரின் விருப்பம்! ' - படப்பிடிப்பை முடித்த ஏகே 61 நடிகர்!
நடிகர் அஜித் குமார் நடிப்பில் வெளியான 'வலிமை' திரைப்படம் அனைத்து தரப்பு ரசிகர்களிடம் கலவையான விமர்சனங்கள் பெற்றது.
!['லவ் யூ அஜித் சார்! இதுதான் அனைவரின் விருப்பம்! ' - படப்பிடிப்பை முடித்த ஏகே 61 நடிகர்! Actor Veera, who acted with Ajith in AK61, has posted about the movie and Ajith 'லவ் யூ அஜித் சார்! இதுதான் அனைவரின் விருப்பம்! ' - படப்பிடிப்பை முடித்த ஏகே 61 நடிகர்!](https://feeds.abplive.com/onecms/images/uploaded-images/2022/06/08/c46bf1ccf26c028e118721abbf54d968_original.jpg?impolicy=abp_cdn&imwidth=1200&height=675)
நடிகர் அஜித் குமார் நடிப்பில் வெளியான 'வலிமை' திரைப்படம் அனைத்து தரப்பு ரசிகர்களிடம் கலவையான விமர்சனங்கள் பெற்றது. தொடர்ந்து Zee 5 இல் OTT தளத்தில் படம் வெளியானது. வலிமை படத்தை தொடர்ந்து அஜித் மீண்டும் ஹெச். வினோத்துடன் இணைந்துள்ளார்.'ஏகே 61' ஒரு வங்கிக் கொள்ளை திரைப்படம் என்றும், இதில் அஜித் குமார் எதிர்மறையான முக்கிய கதாபாத்திரத்தில் நடிக்கிறார் என்றும் தகவல் வெளியாகியுள்ளது.
பல்வேறு காரணங்களால் வலிமை திரைப்படம் ரசிகர்களின் எதிர்பார்ப்பை பூர்த்தி செய்யவில்லை என்பதால் அடுத்தப்படத்தை பக்காவாக கொடுக்க வேண்டுமென வினோத் குழு தீவிரமாக பணியாற்றி வருகிறது. இந்நிலையில் ஏகே 61 படத்தில் அஜித்துடன் நடித்துள்ள நடிகர் வீரா படப்பிடிப்பு குறித்தும் அஜித் குறித்தும் பதிவிட்டுள்ளார்.
View this post on Instagram
ராஜதந்திரம் திரைப்படம் மூலம் சினிமாத்துறையிலும், ரசிகர்களிடமும் அதிகம் அறியப்பட்டவர் வீரா. இவர் தற்போது அஜித்துடன் ஏகே 61 படத்தில் நடித்துள்ளார். அவரது காட்சிகள் முழுவதும் படமாக்கப்பட்டு முடிக்கப்பட்ட நிலையில் இது குறித்து இன்ஸ்டாவில் அவர் பதிவிட்டுள்ளார்.
அவரது பதிவில், ''அன்புள்ள ஏகே சார், நம் பாதைகள் மீண்டும் சந்திக்காமல்கூட போகலாம். இந்த நேரத்தில் நான் ஒன்றைக் கூறிக்கொள்கிறேன். என் வாழ்க்கையில் நீங்கள் மிகப்பெரிய பாசிட்டிவ் விஷயத்தை உண்டாக்கி இருக்கிறீர்கள். நான் உங்களுடன் பழகிய நாட்களில் நீங்கள் நீங்களாக இருந்தீர்கள். என்னையும் என் இயல்பில் இருக்க வைத்தீர்கள். நீங்கள் எப்போதும் வாழ்வில் சிறப்பாக இருக்க வாழ்த்துகிறோம். இதுவே உங்களைச் சுற்றியுள்ள அனைவரின் விருப்பம். லவ் யூ சார்” எனக் குறிப்பிட்டுள்ளார்.
'ஏகே 61' படம் எச்.வினோத் இயக்கத்தில், போனி கபூர் தயாரித்து வருகிறார். ஜிப்ரான் இசையமைக்கிறார்.ஏற்கனவே இவர்களது கூட்டணியில் ‘நேர் கொண்ட பார்வை’, ‘வலிமை’ படங்களைத் தொடர்ந்து இவர்கள் இணையும் மூன்றாவது படம் இதுவாகும். ‘ஏகே 61’ படத்திற்கான அஜித்தின் தோற்றமும் வெளியாகி மிகப்பெரிய வைரலானது. தற்போதைய நிலவரப்படி அதிதி ராவ் ஹைதாரி, தபு, யோகி பாபு பிரகாஷ் ராஜ் மற்றும் கவின் ஆகியோர் முக்கிய நடிகர்கள் என்று கூறப்படுகிறது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)