Sivakarthikeyan: நடிகர் சிவகார்த்திகேயனுக்கு வாழ்த்து சொல்லும் ரசிகர்கள்: என்ன காரணம் தெரியுமா?

இன்ஸ்டாகிராமில் நடிகர் சிவகார்த்திகேயன் பாலோவர்ஸ்களின் எண்ணிக்கை 6 மில்லியனை கடந்தது.

நடிகர் சிவகார்த்திகேயன்

நடிகர் சிவகார்த்திகேயனின் இன்ஸ்டாகிராம் பக்கத்தில் அவரின் பாலோவர்ஸ்களின் எண்ணிக்கை 6 மில்லியனை கடந்துள்ளது. இந்நிலையில் இதனை அவரது ரசிகர்கள் ஷேர் செய்து  அவருக்கு வாழ்த்து தெரிவித்து வருகின்றனர். 

தனியார் தொலைக்காட்சியில் நிகழ்ச்சி தொகுப்பாளராக இருந்த சிவகார்த்திகேயனுக்கு படத்தில் நடிக்கும் வாய்ப்பு கிடைத்தது. மெரினா திரைப்படத்தின் மூலம் திரை உலகில் அறிமுகமானார் இவர். இதனையடுத்து மனங்கொத்திப் பறவை, வருத்தப்படாத வாலிபர் சங்கம், எதிர்நீச்சல்,  டாக்டர் உள்ளிட்ட பல்வேறு படங்களில் இவர் நடித்தார். குறிப்பாக கமர்ஷியல் கதை களங்களில் இவர் அதிகமாக கவனம் செலுத்தி வருகிறார். 

சிவகார்த்திகேயன் தற்போது  மண்டேலா பட இயக்குனர் மடோன் அஸ்வின் இயக்கத்தில் உருவாகி வரும் மாவீரன் திரைப்படத்தில்  நடித்துள்ளார். இப்படம் தமிழ், தெலுங்கு ஆகிய 2 மொழிகளில் தயாராகி உள்ளது. இப்படத்திற்கு தெலுங்கில் 'மாவீருடு' என்று பெயர் வைத்துள்ளனர்.

இதில் அதிதி ஷங்கர், சரிதா, இயக்குனர் மிஷ்கின் மற்றும் யோகி பாபு முக்கிய கதாபாத்திரத்தில் நடித்துள்ளனர். 'மாவீரன்' திரைப்படம் வருகிற ஜூலை 14-ம் தேதி திரையரங்குகளில் வெளியாகவுள்ளதால் படக்குழு படத்தின் பணிகளில் தீவிரம் காட்டி வருகிறது. சமீபத்தில் 'மாவீரன்' திரைப்படத்தில் சிவகார்த்திகேயனுக்கான டப்பிங் பணி நிறைவடைந்ததாக படக்குழு அறிவித்திருந்தது.

இந்நிலையில்,'மாவீரன்' படத்தின் ஆடியோ லான்ச் குறித்த தகவல் சமீபத்தில் வெளியானது.  அதன்படி இப்படத்தின் ஆடியோ லான்ச் வருகிற ஜூலை 2ஆம் தேதி சென்னையில் உள்ள தனியார் பொறியியல் கல்லூரியில் நடைபெறவுள்ளதாக கூறப்படுகிறது.மாவீரன் திரைப்படத்தின் ரிலீஸுக்கு பிறகான டிஜிட்டல் உரிமத்தை அமேசான் பிரைம் வீடியோ நிறுவனம் கைப்பற்றியுள்ளது. மாவீரன் திரைப்படம் வரும் ஜூலை 14-ஆம் தேதி திரையரங்குகளில் வெளியாகிறது. 

வருத்தப்படாத வாலிபர் சங்கம் போன்ற திரைப்படங்களில் நடிகர் சிவகார்த்திகேயனின் நடிப்பு ஏராளமான ரசிகர்களை கவர்ந்தது. காமெடி பிடிக்காதவர்கள் இருக்கவே முடியாது எனலாம். இவரின் பெரும்பாலான படங்கள் காமெடிக்கு அதிக முக்கியத்துவம் வாய்ந்த கதைக்களம் கொண்டவையாக இருக்கும். எனவே இவருக்கு தனி ரசிகர் பட்டாளம் உண்டு. இந்நிலையில் இவரை இன்ஸ்டாவில் ஏராளமானோர் பின் தொடர துவங்கி உள்ளதால் இன்ஸ்டாவில் இவரின் பாலோவர்ஸ் எண்ணிக்கை 6 மில்லியனை கடந்துள்ளது. 

மேலும் படிக்க