Jawan Trailer: நாளை ஜவான் ட்ரெய்லர்.. கொண்டாட்டத்தில் ஷாரூக் ரசிகர்கள்.. கலக்கத்தில் அட்லீ ரசிகர்கள்..!

நடிகர் ஷாரூக்கான் நடித்துள்ள ஜவான் படத்தின் ட்ரெய்லர் குறித்த அறிவிப்பை இயக்குநர் அட்லீ வெளியிட்ட நிலையில் சமூக வலைத்தளங்களில் ரசிகர்கள் கொண்டாடி வருகின்றனர். 

ஷாரூக்கான் - இயக்குநர் அட்லீ

நடிகர் ஷாரூக்கான் நடித்துள்ள ஜவான் படத்தின் ட்ரெய்லர் குறித்த அறிவிப்பை இயக்குநர் அட்லீ வெளியிட்ட நிலையில் சமூக வலைத்தளங்களில் ரசிகர்கள் கொண்டாடி வருகின்றனர். 

இயக்குநர் ஷங்கரிடம் உதவி இயக்குநராக இருந்து ஆர்யா, நயன்தாரா, ஜெய், நஸ்ரியா நடித்த ‘ராஜா ராணி’ படத்தின் மூலம் இயக்குநரானவர் அட்லீ. தொடர்ந்து தெறி, மெர்சல், பிகில் என நடிகர் விஜய்யை வைத்து அடுத்தடுத்து 3 படங்களை இயக்கி கோலிவுட்டின் முன்னணி இயக்குநராக உயர்ந்தார்.  அவருக்கு பாலிவுட்டில் இருந்து அழைப்பு வர, தற்போது ‘ஜவான்’ படத்தை இயக்கி முடித்துள்ளார். 

இந்த படத்தில் பாலிவுட் சூப்பர் ஸ்டார் ஷாரூக்கான், லேடி சூப்பர் ஸ்டார் நயன்தாரா,  விஜய் சேதுபதி  என பலரும் நடித்துள்ளனர். அனிருத் இப்படத்திற்கு இசையமைத்துள்ளார். தமிழ் சினிமா பிரபலங்கள் பலரும் இப்படத்தில் உள்ளதால் தமிழ் சினிமா ரசிகர்களும் ஜவான் படத்தை எதிர்நோக்கி ஆவலுடன் காத்திருக்கின்றனர். இதனிடையே செப்டம்பர் 7 ஆம் தேதி ஜவான் படம் வெளியாகும் என அறிவிக்கப்பட்டுள்ளது. 

முன்னதாக ஜவான் படத்தில் நடிகர் விஜய் சிறப்பு தோற்றத்தில் நடித்துள்ளதாக தகவல் வெளியானது. இந்தி, தமிழ், தெலுங்கு மொழிகளில் வெளியாகும் ஜவான் படத்தின் டீசர் பெரும் வரவேற்பை பெற்றிருந்தது. அது விஜய் நடித்த மெர்சல் படத்தின் காப்பி என விமர்சனமும் எழுந்தது. இன்னும்  ஒரு மாத காலமே உள்ள நிலையில் ஜவான் படத்தின் அப்டேட்டுகள் அடுத்தடுத்து வெளியாகவுள்ளது. 

அந்த வகையில் இப்படத்தின் ஆடியோ, டிஜிட்டல், ஓடிடி, சாட்டிலைட் உரிமைகளின் விற்பனை மட்டும் ரூ.250 கோடிக்கு விற்பனையானதாக கூறப்பட்டது. இதனைத் தொடர்ந்து ஜவான்  படத்தின் ட்ரெய்லர் நாளை (ஜூலை 10) ஆம் தேதி வெளியாகும் என தெரிவிக்கப்பட்டுள்ளது. இதனை நடிகர் விஜய் வெளியிடப்போவதாகவும் கூறப்படுகிறது. இதனை முன்னிட்டு நேற்று நள்ளிரவு  முதலே சமூக வலைத்தளங்கள் களைக்கட்டி வருகிறது. அதேசமயம் அட்லி படங்கள் ஏதேனும் ஒரு படத்தின் காப்பி என விமர்சனம் தொடர்ச்சியாக எழுந்து வரும் நிலையில், ஜவான் படத்தை டீகோட் செய்ய ஒரு கூட்டம் இருப்பதை கண்டு அட்லீ ரசிகர்களும் கலக்கத்தில் உள்ளனர். 

मैं पुण्य हूँ या पाप हूँ?... मैं भी आप हूँ...

Main punya hoon ya paap hoon?... Main bhi aap hoon…#JawanPrevueOn10July#Jawan releasing worldwide on 7th September 2023, in Hindi, Tamil & Telugu. pic.twitter.com/GI3RqgVGqr

— Shah Rukh Khan (@iamsrk) July 8, 2023