Priya Bhavani Shankar: சிம்ரன், த்ரிஷா வரிசையில் பிரியா பவானி சங்கர்...புகழ்ந்து தள்ளிய எஸ்.ஜே.சூர்யா!

எஸ்.ஜே.சூர்யாவிடம் தொடர்ந்து இரண்டாவது முறையாக பிரியா பவானி சங்கருடன் இணைந்து நடித்ததற்கான காரணத்தை கேட்டபோது, அதற்கு மிக சுவாரஸ்யமான ஒரு பதிலை அளித்துள்ளார் எஸ்.ஜே. சூர்யா.

பிரியா பவானி சங்கர்,எஸ்.ஜே.சூர்யா. image source: twitter

நடிகை பிரியா பவானி சங்கர் முகத்தோற்றத்தின் நடிகை சிம்ரனை ஒத்திருப்பதாகக் கூறியுள்ளார் நடிகர் இயக்குநர் எஸ். ஜே. சூர்யா.

எஸ்.ஜே.சூர்யா, பிரியா பவானி சங்கர் ஆகிய இருவரது நடிப்பில் உருவாகியிருக்கும் திரைப்படம் பொம்மை. மொழி, அபியும் நானும் படங்களை இயக்கிய ராதா மோகன் இந்தப் படத்தை இயக்கியுள்ளார். அண்மையில் இந்தப் படத்தின் ட்ரெய்லர் வெளியாகி பெரும் வரவேற்பைப் பெற்று வந்த நிலையில், சென்னையில் இந்தப் படத்தின் பத்திரிகையாளர் சந்திப்பு நடைபெற்றது. இந்த விழாவில் கலந்துகொண்ட படக்குழுவினர் மிக உற்சாகமாகப் பேசினார்கள்.

அப்போது எஸ்.ஜே.சூர்யாவிடம் தொடர்ந்து இரண்டாவது முறையாக பிரியா பவானி சங்கருடன் இணைந்து நடித்ததற்கான காரணத்தை கேட்டபோது, அதற்கு மிக சுவாரஸ்யமான ஒரு பதிலை அளித்துள்ளார் எஸ்.ஜே. சூர்யா.

பிரியா பவானி சங்கரின் முகச்சாயல்  தனது அக்காவின் மகளின் முகச்சாயலோடு இருப்பதாகக் கூறியுள்ளார் எஸ்.ஜே. சூர்யா. மேலும் வெகு சிலருக்கே இந்த மாதிரியான முக அமைப்பு இருப்பதாகவும், த்ரிஷா, சிம்ரன், ஆகியவர்களுக்கு இந்த மாதிரியான முகச்சாயல் இருப்பதாகவும் தெரிவித்தார்.

இந்த முகச்சாயல் இருப்பவர்களுக்கு ஒரு குறிப்பிட்ட முகச்சாயல் மிகச் சரியாகப் பொருந்தும் எனவும், உதாரணத்திற்கு பாலிவுட் நடிகர் ஷாருக் கான் மற்றும் கஜோல் ஆகியவர்களின் முகச் சாயல்கள் கச்சிதமாக திரையில் பொருந்தும் என தனது வித்தியாசமான அவதானிப்பை விளக்கியுள்ளார் எஸ்.ஜே. சூர்யா.  மேலும் பிரியா பவானி சங்கரின் முகச்சாயல் நடிகை சிம்ரனுடன் ஒத்துப்போவதாக கூறினார் அவர்.

“எனக்கும் பிரியா பவானி சங்கருக்கும் ஒரு மேத்தமேட்டிக்கல் ஃபீச்சர்ஸ் செட் ஆகுது, அதுவும் ஒரு காரணமா இருக்கலாம்” எனவும் கலகலப்பாகப் பேசினார்.

மான்ஸ்டர்

எஸ்.ஜே.சூர்யா மற்றும் பிரியா பவானி சங்கர் முதல்முறையாக இணைந்து நடித்த படம் மான்ஸ்டர். இயக்குநர் நெல்சன் வெங்கடேசன் இந்தப் படத்தை இயக்கியிருந்தார். இந்தப் படம் ரசிகர்களிடையே நல்ல வெற்றி பெற்றது. மேலும் எஸ்.ஜே.சூர்யா மற்றும் பிரியா பவானி சங்கர் ஆகிய இருவரின் கெமிஸ்ட்ரி படத்தில் நன்றாகவே இருந்தது.

இந்தப் படத்தின் வெற்றியைத் தொடர்ந்து தற்போது இரண்டாவது முறையாக இந்தக் கூட்டணி இணைந்துள்ளது.

எஸ்.ஜே.சூர்யா

எஸ்.ஜே, சூர்யா  ஒரே நேரத்தில் நடிகராகவும் வில்லனாகவும் நடித்து அசத்தி வருகிறார். பொம்மை படத்தைத் தொடர்ந்து தற்போது இந்தியன் திரைப்படத்தில் முக்கிய வில்லனாக எஸ்.ஜே.சூர்யா நடித்து வருவதாக அண்மையில் தகவல் வெளியாகியிருந்தது.

ஏற்கெனவே ஸ்பைடர், மெர்சல்,  மாநாடு , டான் ஆகியப் படங்களில் மாறுபட்ட வில்லனாக நடித்து ரசிகர்களால் கொண்டாடப்பட்டார் எஸ்.ஜே. சூர்யா. தற்போது இந்தியன் 2 வில் அவரது கதாபாத்திரத்திற்காக மிக ஆர்வமாக காத்திருக்கிறார்கள் ரசிகர்கள்!