Watch video: ''இதை பண்ணு.. உனக்கு கார் வாங்கித்தரேன்’’! கார் கேட்ட மகளுக்கு 'டெஸ்ட்' வைத்த ரகுமான்..! வீடியோ!

தனது மகள் யாரையும் நம்பி இருக்கக்கூடாது என்று ரகுமான் எடுத்த பாடத்திற்கு பலரும் பாராட்டி வருகின்றனர்.

மகள்களுடன் ரகுமான்

கார் கேட்ட தனது மகளுக்கு, இந்த விஷயத்தை செய்தால்தான் வாங்கிக் கொடுப்பேன் என்று கூறியுள்ளர் நடிகர் ரகுமான்.

புது புது அர்த்தங்கள், சங்கமம், பில்லா உள்ளிட்ட படங்களில் நடித்தவர் நடிகர் ரகுமான். 90களில் மிகவும் பிரபலமான ஹீரோவான ரகுமான், தற்போது, கதாபாத்திரங்களுக்கு முக்கியத்துவம் கொடுக்கும் கதையில் நடித்து வருகிறார். தமிழ், தெலுங்கு, மலையாள உள்ளிட்ட மொழிகளில் பல திரைப்படங்களில் நடித்துள்ளார்.

இவருக்கு இரண்டு மகள்கள் இருக்கின்றனர். சமீபத்தில் மூத்த மகளுக்கு திருமணம் நடைபெற்றது. இந்த திருமணத்தில் கூட முதலமைச்சர் மு.க.ஸ்டாலின் கலந்துகொண்டு மணமக்களை வாழ்த்தினர். இளைய மகள் கல்லூரியில் படித்து வருகிறார். அவர் தனது அப்பாவிடம் தனது 18 வயது சொந்தமாக கார் வேண்டும் என்று ஆசைப்பட்டு கேட்டுள்ளார். ஆனால், மகள் கேட்டதும் உடனே வாங்கிக்கொடுப்பேன் என்று ஒத்துக்கொள்ளாமல், ஒரு டெஸ்ட் ஒன்று தனது மகளுக்கு வைத்துள்ளார். அதாவது, கார் ஓட்டத்தெரிந்தால் மட்டும் போதாது, காரின் டயரின் திடீரென்று பஞ்சராகிவிட்டால், அதை மாற்ற தெரிந்திருக்க வேண்டும். காரின் டயரை மாற்றின் காட்டினால் கார் வாங்கி கொடுப்பதாக ரகுமான் மகளுக்கு உறுதி அளித்துள்ளார். தனது அப்பாவின் வேண்டுகோளுக்கு இணங்க அவரும் காரின் டயரை மாற்றி நற்பெயர் வாங்கினார். இதன் வீடியோவை தனது இன்ஸ்டாகிராம் பக்கத்தில் ரகுமான் வெளியிட்டுள்ளார்.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Rahman (@rahman_actor)

அத்துடன்,  ‘இது ஒரு மனிதனின் வேலை என்று யார் கூறுகிறார்கள்?"
அவள் லைசென்ஸ் பெற்றாள்,
அவள் ஒரு புதிய காரைக் கேட்டாள்,
நான் அவளிடம் சொன்னேன்... முதலில் டயரை மாற்றக் கற்றுக்கொள், பிறகு கார் வாங்குவது பற்றி யோசிப்பேன்.
நல்லவேளையாக அவள் தேர்வில் பாஸாகி விட்டாள்
டயர் மாற்றப்பட்டுவிட்டது
கடவுளுக்கு நன்றி நான் பணம் செலவழிக்க வேண்டியதில்லை’ என்று நகைச்சுவையுடன் பதிவிட்டார்.

தனது மகள் யாரையும் நம்பி இருக்கக்கூடாது என்று ரகுமான் எடுத்த பாடத்திற்கு பலரும் பாராட்டி வருகின்றனர்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிட்பில் வீடியோக்களை காண