Ajith and Vijay | ''அஜித் அப்படி.. விஜய் இப்படி..'' : புட்டுப்புட்டு வைத்த மொட்டை ராஜேந்திரன்!!

நடித்த மொட்டை ராஜேந்திரன் அஜித் - விஜய் குறித்து பேசிய சில தகவல்கள் இணையத்தில் வைரலாகி வருகிறது.

அஜித் - விஜய்

தமிழ் சினிமாவை அஜித் - விஜய் இல்லாமல் பார்க்க முடியாது. இருவருமே அதிக ரசிகர்கள் பட்டாளத்தை வைத்திருக்கும் நடிகர்கள். கிங் ஆஃப் ஓபனிங் என்பதை தொடர்ந்து நிகழ்த்திக் காட்டும் சாகசக்காரர்கள்.தமிழ்நாடு என்ற எல்லையையும் தாண்டி இந்தியா முழுவதும் தனக்கென ஒரு கூட்டத்தை உருவாக்கி வைத்திருக்கும் வித்தைக்காரர்கள். சினிமாத்துறையிலேயே இருவருக்கும் ரசிகர்கள் பலர் உண்டு. ஆரோக்கிய போட்டியை முன்னெடுத்து தமிழ் சினிமாவை வசூலிலும், எதிர்பார்ப்பிலும் அடுத்தக்கட்டத்துக்கு கொண்டு சென்றதில் இருவரின் பங்கு மிக முக்கியமானது. இந்நிலையில் இருவருடனும் நடித்த மொட்டை ராஜேந்திரன் அஜித் - விஜய் குறித்து பேசிய சில தகவல்கள் இணையத்தில் வைரலாகி வருகிறது.

மேலும் வாசிக்க: Vaathi movie | லேட் பண்ணக் கூடாது.. தீயாய் வேலை செய்யும் வாத்தி குரூப்.! தனுஷின் தெலுங்கு பட அப்டேட்.!!

யூடியூப் சேனல் ஒன்றுக்கு பேசிய மொட்டை ராஜேந்திரன் அஜித் குறித்து பேசினார். '' அஜித்தை பார்த்து நாம் எழுந்தால் அவர் நம்மை உக்கார வைப்பார். ஏன் என்னைப் பார்த்து எழுந்திருக்கிறீர்கள்?  நான் என்ன அவ்வளவு பெரிய ஆளா? உக்காந்து பேசுங்க என்பார். வீட்டில் உள்ளவர்களை விசாரிப்பார். கையில் ஒரு கேமராவை வைத்துக்கொண்டு அங்கிருப்பவர்களை சும்மா க்ளிக் செய்துகொண்டிருப்பார். 

ஓரிடத்தில் உட்கார மாட்டார். அவுத்துவிட்ட கன்னுக்குட்டி மாதிரி ஓடிக்கொண்டே இருப்பார். அவருடன் ஆசை படத்திலேயே இணைந்து நடித்திருக்கிறேன். வேதாளம் படம் நடிக்கும்போது இது குறித்து அவரிடம் சொன்னேன். அவர் ஆச்சரியப்பட்டார் என்றார். அதுபோல விஜய் குறித்தும் மொட்டை ராஜேந்திரன் பேசினார். அதில், '' ஒரு குடும்ப உறுப்பினர் போல நடந்துகொள்வார் விஜய். நாம் ஏதும் தவறிழைத்தால் அதை சரி செய்வார். என்னை மாதிரி விஜயும் உடலை கட்டுக்கோப்பாக வைத்திருப்பார்” என்றார்.

அஜித் நடிப்பில் வரும் பொங்கலுக்கு வலிமை திரைப்படம் வெளியாகவுள்ளது. இப்படத்தை ஹெச். வினோத் இயக்கியுள்ளார். அதேபோல விஜய் நடிப்பில் உருவாகி வரும் பீஸ்ட் திரைப்படம் வரும் ஏப்ரலில் வெளியாகவுள்ளது. இப்படத்தை நெல்சன் இயக்கியுள்ளார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண