![metaverse](https://cdn.abplive.com/imagebank/metaverse-top.png)
Actor Madhavan : ‘நம்ப முடியவில்லை; ஆனால்...’ - வருமான வரித்துறையை பாராட்டி மாதவன் வெளியிட்ட போஸ்ட்...
Actor Madhavan: நடிகர் மாதவன் தன்னுடைய தயாரிப்பு நிறுவனத்தின் வருமான வரி தாக்கல் செய்த 3 வாரத்தில் திரும்ப பெறப்பட்டது என வருமான வரி துறையை பாராட்டி போஸ்ட் ஒன்றை எக்ஸ் தளத்தில் பகிர்ந்துள்ளார்.
![Actor Madhavan : ‘நம்ப முடியவில்லை; ஆனால்...’ - வருமான வரித்துறையை பாராட்டி மாதவன் வெளியிட்ட போஸ்ட்... Actor Madhavan appreciates production company gets income tax return in 3 weeks time Actor Madhavan : ‘நம்ப முடியவில்லை; ஆனால்...’ - வருமான வரித்துறையை பாராட்டி மாதவன் வெளியிட்ட போஸ்ட்...](https://feeds.abplive.com/onecms/images/uploaded-images/2023/11/14/5bd2c942417f159c8abd561d88d24c2f1699951659799224_original.jpg?impolicy=abp_cdn&imwidth=1200&height=675)
தமிழ் சினிமா ரசிகர்களை மேடி மேடி என தன் பின்னால் சுற்ற வைத்த நடிகர் மாதவன் ஒரு நடிகராக மட்டுமின்றி இயக்குனர், தயாரிப்பாளர், எழுத்தாளர் என பன்முக கலைஞராக விளங்குகிறார். அது மட்டுமின்றி மத்திய தகவல் மற்றும் ஒலிபரப்புத்துறை அமைச்சகத்தின் கீழ் இயங்கும் இந்திய திரைப்படம் மற்றும் தொலைக்காட்சி நிறுவனத்தின் நிர்வாக தலைவராக சமீபத்தில் நியமிக்கபட்டார் நடிகர் மாதவன். அடுத்த மூன்று ஆண்டுகளுக்கு அவரே எஃப்டிஐஐ நிறுவனத்தின் தலைவராக தொடர்வார்.
நடிகர் மாதவன் அவ்வபோது தனது கருத்துக்களை சோசியல் மீடியாவில் பகிர்வதை வழக்கமாக கொண்டுள்ளார். அந்த வகையில் நேற்று தன்னுடைய எக்ஸ் தள பக்கம் மூலம் வருமான வரி துறையை பாராட்டி பதிவு ஒன்றை பகிர்ந்துள்ளார்.
நடிகர் மாதவன் லுகோஸ் பிலிம்ஸ் என்ற பெயரில் தயாரிப்பு நிறுவனம் ஒன்றை நடத்தி வருகிறார். அந்த நிறுவனத்தின் வருமான வரியை தாக்கல் செய்த சில நாட்களிலேயே அவரின் வருமான வரி திரும்ப பெறப்பட்டது குறித்து பதிவு ஒன்றை பகிர்ந்துள்ளார்.
அவரது பதிவில் "AY 2023-24க்கான வருமான வரியை தாக்கல் செய்த 3 வாரங்களுக்குள் எங்கள் நிறுவனத்திற்கான வருமான வரி திரும்பப் பெறப்பட்டது. வேகம் மற்றும் துரிதமான செயல்பாடு கேள்விப்படாத ஒன்று. வருமான வரித்துறையின் செயல்திறன் மற்றும் வெளிப்படைத்தன்மையை நம்பமுடியவில்லை. அவர்களின் இந்த துரிதமான செயல் என்னை ஈர்த்து திகைக்க வைத்தது" என குறிப்பிட்டு மேலும் அந்த போஸ்டுடன் நிதியமைச்சர் நிர்மலா சீதாராமன் மற்றும் பிரதமர் அலுவலகத்தையும் டேக் செய்துள்ளார் நடிகர் மாதவன்.
மாதவன் வெளியிட்ட இந்த போஸ்ட் பகிரப்பட்ட சில நொடிகளிலேயே ஆயிரம் கணக்கான வியூஸ் பெற்றுள்ளது. பலரும் தங்களின் கருத்துக்களை கமென்ட் மூலம் பகிர்ந்துள்ளனர்.
மேலும் கடந்த செப்டம்பர் மாதம் பெங்களூருவின் கெம்பேகவுடா சர்வதேச விமான நிலையத்தைப் பாராட்டி போஸ்ட் ஒன்றை பகிர்ந்து இருந்தார். இந்தியாவின் உள்கட்டமைப்பு டெக்னலாஜி இந்த அளவிற்கு வளர்ந்து உள்ளது என்பதை நம்பமுடியவில்லை. அந்த அளவிற்கு மேஜிக்கல் இடம் போல காட்சி அளிக்கிறது. இது ஒரு விமான நிலையம் என்று நம்ப முடியவில்லை" என குறிப்பிட்டு இருந்தார். உண்மையான தாவரங்களை அலங்காரத்திற்காக கூரையில் இருந்து தொங்கவிட்டு அதற்கு தினசரி நீர் பாய்ச்சப்படுவது பற்றியும் மூங்கில் கட்டுமானங்கள் பற்றியும் குறிப்பிட்டு இந்தியாவை பற்றி பெருமையாக குறிப்பிட்டு பதிவு ஒன்றை பகிர்ந்து இருந்தார்.
மாதவனின் இந்த போஸ்ட் எந்த அளவிற்கு கவனம் ஈர்த்தது என்றால் பிரதமர் நரேந்திர மோடியின் கவனத்தையும் ஈர்த்து வைரலானது.
இப்படி மனதார பாராட்டும் குணம் கொண்ட நடிகர் மாதவனை அவரின் ரசிகர்கள் கொண்டாடி வருகிறார்கள்.
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)