Adiyae Motion Poster: இலங்கை பிரதமர் சீமான்.. சூப்பர் ஸ்டார் மன்சூர் அலிகான்.. ரசிகர்களை கவர்ந்த ‘அடியே’ பட மோஷன் போஸ்டர்..!

பிரபல இசையமைப்பாளரும், நடிகருமான ஜி.வி. பிரகாஷ் குமார் நடிக்கும் அடியே படத்தின் மோஷன் போஸ்டரை நடிகர் ஜெயம் ரவி தனது ட்விட்டர் பக்கத்தில் வெளியிட்டு சிறப்பித்துள்ளார். 

அடியே பட மோஷன் போஸ்டர்

பிரபல இசையமைப்பாளரும், நடிகருமான ஜி.வி. பிரகாஷ் குமார் நடிக்கும் அடியே படத்தின் மோஷன் போஸ்டரை நடிகர் ஜெயம் ரவி தனது ட்விட்டர் பக்கத்தில் வெளியிட்டு சிறப்பித்துள்ளார். 

வெயில் படத்தின் மூலம் தமிழ் சினிமாவில் இசையமைப்பாளராக அறிமுகமான ஜி.வி.பிரகாஷ் குமார், டார்லிங் படத்தின் மூலம் ஹீரோவாக மாறினார். தொடர்ந்து இசை, நடிப்பு என இருதுறைகளிலும் சாதித்து வரும் அவர் நடிப்பில் கடைசியாக  கடந்தாண்டு செல்ஃபி, ஐங்கரன் ஆகிய படங்கள் வெளியாகி இருந்தது. இதனிடையே ஜி.வி.பிரகாஷ்  கதையின் நாயகனாக முதன்மையான வேடத்தில் நடித்திருக்கும் 'அடியே' எனும்  படத்தின் மோஷன் போஸ்டர் வெளியாகியுள்ளது. 

'திட்டம் இரண்டு' படத்தை இயக்கிய இயக்குநர் விக்னேஷ் கார்த்திக் இயக்கத்தில் உருவாகியுள்ள இப்படத்தில் ஹீரோயினாக நடிகை கௌரி கிஷன் நடித்துள்ளார். இவர்களுடன் இயக்குநரும், நடிகருமான வெங்கட் பிரபு முக்கிய வேடத்தில் நடித்துள்ளார். மேலும் புதுமுக நடிகர் மதும்கேஷ், மிர்ச்சி விஜய் உள்ளிட்ட பலரும் இந்த படத்தில் இணைந்துள்ளனர். கோகுல் பினோய் ஒளிப்பதிவு செய்ய அடியே படத்திற்கு ஜஸ்டின் பிரபாகரன் இசையமைத்துள்ளார்.

இந்த திரைப்படத்தை மாலி அண்ட் மான்வி மூவி மேக்கர்ஸ் எனும் பட நிறுவனம் சார்பில் தயாரிப்பாளர் பிரபா பிரேம் குமார் தயாரித்திருக்கிறார். இவர்  ஏராளமான குழந்தைகளின் கல்விக்காக நிதியுதவி அளித்திருக்கும் நிலையில், திரைப்படங்கள் மீதான ஆர்வத்தால் பட தயாரிப்பு நிறுவனத்தை தொடங்கியுள்ளார். மேலும் இயக்குநர் சிம்புதேவன் இயக்கத்தில் தயாராகி வரும் பெயரிடப்படாத படத்தையும் இவர் தயாரித்து வருகிறார். 

படத்தை பற்றி இயக்குநர்  விக்னேஷ் கார்த்திக் பேசுகையில், '' தமிழில் ஏராளமான அறிவியல் புனைவு கதைகள் வெளியாகி இருக்கின்றன. ஆனால் அறிவியல் புனைவு சார்ந்த கதைக்களத்துடன் மல்ட்டி வெர்ஸ் தொழில்நுட்ப பின்னணியில் காதலை சொல்வதில் 'அடியே' திரைப்படம் தான் முதல் படைப்பு. இத்திரைப்படத்தின் ஒரு நிமிடத்திற்கு மேலான மோஷன் போஸ்டர் வெளியிடப்படுகிறது. இதன் இறுதியில் படத்தின் ஃபர்ஸ்ட் லுக் வித்தியாசமாக தோன்றுவது ரசிகர்களுக்கு புதுவித அனுபவத்தை அளிக்கும்'' என்றார்.

'அடியே' படத்தின் மோசன் போஸ்டரில் இலங்கை பிரதமர் சீமான் மெட்ராஸ் வருகை... 'யோகன் அத்தியாயம் 1' 150வது நாள் போஸ்டர்.. 'தல' அஜித் குமார் ஆஸ்திரேலியன் கிராண்ட் பிரிக்ஸ் ஃபார்முலா 1 பந்தயத்தில் ஐந்தாவது முறையாக வென்றிருப்பது... தமிழ்நாடு திரைப்பட நடிகர் சங்கம் புது கட்டிட திறப்பு விழாவானது விஷால் தலைமையில் ராதாரவி திறந்து வைக்கிறார் என இடம் பெற்றுள்ளது. மேலும் சூப்பர் ஸ்டார் மன்சூர் அலிகான் நடிக்கும் 3.0 என மல்ட்டி வெர்ஸ் உலக கலாட்டாவை.. புதிய தொழில்நுட்ப பின்னணியுடன் விவரித்திருப்பதும், இதனுடன் நாயகன் ஜி.வி பிரகாஷ்குமார் அப்பாவியாக இருப்பது போலவும்  காட்சிகள் அமைக்கப்பட்டுள்ளது.