Fahadh Faasil: ஆவேஷம் படத்தை அடுத்து சீரியஸ் ஆக்‌ஷன் கதை.. வெளியான ஃபகத் ஃபாசில் பட போஸ்டர்!

ஃபகத் ஃபாசில் நடிக்கும் அடுத்த படத்தின் ஃபர்ஸ்ட் லுக் போஸ்டர் வெளியாகியுள்ளது.

ஃபகத் ஃபாசில் , அமல் நீரட். (Image source: Twitter)

ஃபகத் ஃபாசில்

தமிழ் மற்றும் மலையாள திரைப்பட ரசிகர்களிடம் பெரும் கவனத்தை ஈர்த்திருக்கும் நடிகர் ஃபகத் ஃபாசில். சமீபத்தில் இவர் நடித்த ஆவேஷம் படம் தமிழ்நாடு மற்றும் கேரளாவில் மிகப்பெரிய வெற்றிப்படமாக அமைந்தது. பிரபல இயக்குநர் பாசிலின் மகனான ஃபகத் ஃபாசில் கையேத்தும் தூரத் என்கிற படத்தில் நாயகனாக அறிமுகமானார். இந்தப் படம் பெரிய தோல்வியை சந்தித்து ஃபகத் ஃபாசிலின்  நடிப்பு ரசிகர்களால் கடுமையாக விமர்சிக்கப்பட்டது.

இதனைத் தொடர்ந்து அடுத்த 7 ஆண்டுகள் எந்தப் படத்திலும் நடிக்காமல் முறையாக நடிப்பைக் கற்றுவந்தார் ஃபகத் . இதனைத் தொடர்ந்து தொடர்ச்சியாக சின்ன சின்ன கதாபாத்திரங்களில் நடித்து வந்தார். 2012ஆம் ஆண்டு வந்த அன்னயும் ரசூலும் படம் அவருக்கு நிறைய பாராட்டுக்களை பெற்றுத் தந்தது. ஐயோபிண்டே புஸ்தகம், மகேஹிண்டே பிரதிகாரம், கார்பன், பெங்களூர் டேஸ், கும்பளங்கி நைட்ஸ், ஜோஜி என அடுத்தடுத்த  படங்களில் தன்னைத் தேர்ந்த நடிகராக வெளிப்படுத்தினார் ஃபகத் ஃபாசில்  தமிழில் வேலைக்காரன், சூப்பர் டீலஸ் மற்றும் மாமன்னன் உள்ளிட்ட படங்களில் நடித்துள்ளார். 

ஃபகத் ஃபாசிலுக்கு ஏடிஎச்டி

சமீபத்திய நிகழ்வு ஒன்றில் கலந்துகொண்ட ஃபகத் ஃபாசில் தனக்கு ஏடிஎச்டி என்கிற கவனக் குறைபாடு நிலை இருப்பது கண்டறியப்பட்டுள்ளதாக தெரிவித்தார். இந்த நிலையால் பாதிக்கப் பட்டவர்கள் ஒரு குறிப்பிட்ட விஷயத்தில் அதீதமாக செயலூக்கம் கொண்டவர்களாகவும் அதே நேரத்தில் ஒரே விஷயத்தில் நீண்ட நேரம் கவனம் செலுத்த முடியாவர்களாகவும் இருப்பார்கள். இந்தத் தகவல் வெளியானதைத் தொடர்ந்து சமூக வலைதளங்களில் இது பெரும் பேசுபொருளானது. 

ஆக்‌ஷன் படத்திற்கு ரெடியாகிய ஃபகத் ஃபாசில் 

#FahadhFaasil on board new film directed by #AmalNeerad and produced by #KunchackoBoban reviving his grandfather’s #UdayaStudio along with #AmalNeeradProductions! pic.twitter.com/QG3ec3CnjK

— Sreedhar Pillai (@sri50) June 8, 2024

இந்நிலையில், ஆவேஷம் படத்தைத் தொடர்ந்து ஃபகத் ஃபாசில் நடிக்க இருக்கும் அடுத்த படத்தின் ஃபர்ஸ்ட் லுக் போஸ்டர் வெளியாகியுள்ளது . இந்தப் படத்தை ஃபகத் ஃபாசிலின் நெருங்கிய நண்பரான அமல் நீரட் இயக்கவிருக்கிறார். முன்பாக இவர் ஐயோபிண்டே புஸ்தகம், வரதன், பீஷ்ம பருவம் உள்ளிட்ட படங்களை இயக்கியுள்ளார். தற்போது அடுத்தபடியாக ஆக்‌ஷன் த்ரில்லர் ஒன்றை இயக்க இருக்கிறார். இப்படத்தில் ஃபகத் ஃபாசில் மற்றும் குஞ்சக்கோ போபன் உள்ளிட்டவர்கள் நடிக்க இருக்கிறார்கள். இப்படத்தில் இருந்த ஃபகத் ஃபாசிலின் ஃபர்ஸ்ட் லுக் தற்போது வெளியாகி சமூக வலைதளத்தில் வைரலாகி வருகிறது. இப்படத்தின் டைட்டில் விரைவில் அறிவிக்கப்படும் என்று எதிர்பார்க்கப்படுகிறது.