தியேட்டரில் திருவிழாதான்! கோலிவுட்டுக்கு ராயன், ஹாலிவுட்டுக்கு டெட்பூல் அண்ட் வொல்வெரின் - டபுள் டமாக்கா!
தமிழ் சினிமாவின் பிரபல நடிகர் தனுஷின் ராயன் மற்றும் ஹாலிவுட் திரைப்படமான டெட்பூல் அண்ட் வோல்வெரின் நாளை வெளியாகிறது.
சினிமா ரசிகர்களுக்கு வாரந்தோறும் புதுப்படங்கள் வெளியாகி விருந்தாக அமைகிறது. கோலிவுட்டைப் பொறுத்தவரை வியாழன் மற்றும் வெள்ளிக்கிழமை என்றாலே புதுப்படங்கள் வெளியீடாகவே அமைகிறது.
அந்த வகையில், வெள்ளிக்கிழமையான நாளை தமிழ் சினிமாவின் மிகப்பெரிய படமான ராயன் வெளியாகிறது.
ராயன்:
தமிழ் திரையுலகின் முன்னணி நடிகராக திகழ்பவர் தனுஷ். நடிகர், பாடகர், தயாரிப்பாளர், பாடலாசிரியர் என பன்முகத்தன்மை கொண்ட இவர் பவர் பாண்டி என்ற படத்தின் மூலமாக இயக்குனராக அறிமுகமானார். தற்போது அவர் இரண்டாவது முறையாக இயக்குனராக அவதாரம் எடுத்துள்ள திரைப்படம் ராயன்.
ராயன் படத்தில் நடிகர் தனுஷூடன் செல்வராகவன், சந்தீப்கிஷன், காளிதாஸ் ஜெயராம், அபர்ணா முரளி, துஷாரா விஜயன் என பலரும் நடித்துள்ளனர். வில்லனாக எஸ்.ஜே.சூர்யா இந்த படத்தில் மிரட்டியுள்ளார். இந்த படத்தின் ட்ரெயிலர் மற்றும் பாடல்கள் ஏற்கனவே ரசிகர்கள் மத்தியில் மிகப்பெரிய வரவேற்பை பெற்றுள்ளது.
டெட்பூல் அண்ட் வோல்வெரின்:
உலகெங்கும் அதிகளவு ரசிகர்களை கொண்டது மார்வெல். மார்வெலின் ஒவ்வொரு கதாபாத்திரத்திற்கும் கோடிக்கணக்கான ரசிகர்கள் உள்ளனர். அவர்களில் எக்ஸ் மேன் மற்றும் டெட்பூல் கதாபாத்திரத்திற்கு தனி ரசிகர்கள் பட்டாளமே உள்ளனர். இந்த படத்தில் எக்ஸ் மேனாக ஹியூஜ் ஜேக்மேன், டெட்பூலாக ரியான் ரெனால்ட்ஸ் நடித்துள்ளனர். இந்த படத்தை ஷாவ்ன் லேவி இயக்கியுள்ளார்.
இந்த படத்தின் அறிவிப்பு வெளியானது முதலே பெரும் எதிர்பார்ப்பு இருந்து வருகிறது. அவெஞ்சர்ஸ் எண்ட் கேம் திரைப்படத்திற்கு பிறகு வெளியான மார்வெல் படங்களில் ஓரிரு படங்களுக்கு மட்டுமே வரவேற்புகள் இருந்தது. இந்த சூழலில், அனைத்து மார்வெல் ரசிகர்களின் எதிர்பார்ப்பையும் பூர்த்தி செய்யும் வகையில் இந்த படம் அமையும் என்று எதிர்பார்க்கப்படுகிறது. இந்த படம் தமிழிலும் வெளியாக உள்ளது.
சட்னி சாம்பார்:
தமிழ் திரையுலகின் பிரபல இயக்குனர்களில் ஒருவர் ராதாமோகன். இவரது இயக்கத்தில் வெளியான மொழி, அபியும் நானும் திரைப்படங்கள் ரசிகர்கள் மனதிற்கு எப்போதும் நெருக்கமானது ஆகும். இந்த நிலையில் ராதாமோகன் இயக்கியுள்ள வெப்சீரிஸ் சட்னி சாம்பார். இதன் ட்ரெயிலர் ஏற்கனவே வெளியாகி ரசிகர்கள் மத்தியில் வரவேற்பை ஏற்படுத்தியது.
சட்னி சாம்பார் வெப்சீரிஸில் முதன்மை கதாபாத்திரத்தில் யோகிபாபு நடித்துள்ளார். வாணி போஜன், சந்திரன், நிதின் சத்யா, இளங்கோ குமரவேல், மைனா நந்தினி ஆகியோர் நடித்துள்ளனர்.
ராயன் மற்றும் டெட்பூல் இரண்டு படங்களுக்குமே தமிழ்நாட்டில் மிகப்பெரிய எதிர்பார்ப்பு ரசிகர்கள் மத்தியில் உள்ளது.
தலைப்பு செய்திகள்
ட்ரெண்டிங் செய்திகள்
