Cool Suresh on Bakasuran: ‛மோகன்ஜிக்கு வணக்கத்தைப் போடு...’ கூல் சுரேஷ் செய்த கூல் ப்ரொமோ!

கூல் சுரேஷ் தன்னை யூடியூப் ஸ்டார் என்று கூறி வெளியிட்டு இருக்கிறார்.

கூல் சுரேஷ்

 கூல் சுரேஷ் தன்னை யூடியூப் ஸ்டார் என்று கூறி வெளியிட்டு இருக்கிறார். 

நடிகர் பிரசாந்த் நடிப்பில் வெளியான  ‘சாக்லேட்’ படம் மூலமாக தமிழ் சினிமாவில் அறிமுகமானவர் கூல் சுரேஷ். அதன் பின்னர் ஸ்ரீ, காக்க காக்க, மச்சி, எம்.குமரன் சன் ஆஃப் மகாலட்சுமி, தேவதையை கண்டேன், குத்து, வாலு  என பல படங்களில் நடித்து பிரபலமானார். சிலம்பரசனின் தீவிர ரசிகரான இவர் அவர் படங்களில் நடிப்பதோடு மட்டுமல்லாமல், அவருக்கு ஆதரவாகவும் குரல் கொடுத்து வந்தார். 

இதனிடையே கெளதம் மேனன், சிலம்பரசன் நடிப்பில் ‘ வெந்து தணிந்தது காடு’ படம் தயாராக இருப்பது அறிவிப்பு வெளியானது. அந்த அறிவிப்பை பிடித்துக்கொண்டவர்தான், இப்போது வரை அதை விடவே இல்லை. எங்கு சென்றாலும் ‘ வெந்து தணிந்தது காடு, வணக்கத்தை போடு’  என்று அவர் தொடர்ந்து பேசி வர, போக போக அது சமூக வலைதளங்களில் வைரலாக ஆரம்பித்தது. 

அந்த வைரலை கனகச்சிதமாக பயன்படுத்திக்கொண்ட கூல் சுரேஷ் படங்களின் முதல் காட்சிக்கு சென்று ரிவியூ சொல்ல ஆரம்பித்தார். அவரது ரிவியூவில் எதுவுமில்லை என்றாலும்,  அவர் பேசும் பாணியும், யாரும் எதிர்பார்க்காத வகையில் ஏதாவது அவர் செய்வதும் சமூக வலைதளங்களில் தொடர்ந்து வைரலாக ஆரம்பித்தன.  அவரது வீடியோக்கள் மில்லியன்களை எட்டஅதுவரை படம் குறித்தான கருத்துகளை மக்களிடம் கேட்டு வந்த யூடியூப் சமுதாயம், கூல் சுரேஷின் ரிவியூக்கு காத்து கிடந்தது.

அண்மையில் வெந்து தணிந்தது காடு படத்தின் முதல் காட்சிக்கு வந்த அவரது காரை ரசிகர்கள் அடித்து உடைத்தனர். ஆனால் அதனை பெரிதாக எடுத்துக்கொள்ளாத கூல் சுரேஷ், ரசிகர்களின் அன்பை நினைக்கும் போது எனக்கு ஆனந்த கண்ணீரே வருகிறது என்றார்  அதனைத்தொடர்ந்து அண்மையில் வீடியோ வெளியிட்ட கூல் சுரேஷ், தன்னை ஏன் இப்படி திட்டுகிறீர்கள்.. சோசியல் மீடியாவில் தான் பிரபலமாக இருந்தாலும் வீட்டுக்கு  வாடகை கொடுக்கவே மிகவும் கஷ்டப்படுவதாக பேசியிருந்தார். இந்த நிலையில் அவர் மீண்டும் வீடியோ ஒன்றை வெளியிட்டு இருக்கிறார். 

அந்த வீடியோ பேசியிருக்கும் அவர், “ பகாசூரன் படத்தின் சிங்கிளான   ‘சிவ சிவாயம்’ பாடல் இன்று மாலை 5.30 மணிக்கு வெளியாக இருக்கிறது. இந்தப்படத்தில் இயக்குநர் செல்வராகவன், நட்டி நாகராஜூடன், யூடியூப்  சூப்பர் ஸ்டார் கூல் சுரேஷ் நடிச்சிருக்காங்க.

 

வெந்து தணிந்தது காடு... பகாசூரனுக்கு வணக்கத்தப் போடு - கூல் சுரேஷின் ரீசண்ட் வீடியோ#coolsuresh #VenthuThanindhathuKaadu #VTK #SivaSivayam #SamCSmusic #Bakasuran #பகாசூரன் #Selvaraghavan #MohanG #Natty @selvaraghavan pic.twitter.com/jwxSrDio7x

— Srilibiriya Kalidass (@srilibi) September 21, 2022

மோகன் ஜி எடுத்திருக்கும் இந்தப்படத்தின் பாடல்களும், படமும் நன்றாக இருக்கிறது. வெந்து தணிந்தது காடு மோகன் ஜிக்கு வணக்கத்தை போடு’ என்று பேசியிருக்கிறார். இந்த வீடியோ தற்போது சமூகவலைதளங்களில் வைரலாகி வருகிறது.