விருது விழாவில் புறக்கணிப்பு.. கோபத்தில் பூவே உனக்காக அஸீம்? மீண்டும் விஜய் டிவி ப்ளானா?

சன் டிவியின் பூவே உனக்காக சீரியலை உச்சம் தொட வைத்த நடிகர் அஸீம் தொலைக்காட்சி மீது ஏற்பட்ட அதிருப்தியின் காரணமாக மீண்டும் விஜய் டிவிக்கே திரும்ப உள்ளதாக சலசலக்கப்படுகிறது.

சீரியல் நடிகர் அஸீம்

சன் டிவியின் பூவே உனக்காக சீரியலை உச்சம் தொட வைத்த நடிகர் அஸீம் தொலைக்காட்சி மீது ஏற்பட்ட அதிருப்தியின் காரணமாக மீண்டும் விஜய் டிவிக்கே திரும்ப உள்ளதாக சலசலக்கப்படுகிறது.

விஜய் டிவியில் சீரியல்களில் கலக்கிக் கொண்டிருந்தவர் அஸீம். தொடர்ந்து இரண்டாண்டுகள் விஜய் டிவியின் சிறந்த சின்னத்திரை நடிகருக்கான விருதினைப் பெற்றார். இவரால் விஜய் டிவிக்கும், விஜய் டிவியால் இவருக்கும் நல்ல புகழ் கிடைத்தது. பகல் நிலவு, கடைக்குட்டி சிங்கம் சீரியல்கள் இவருக்கு நல்ல பெயரைப் பெற்றுத்தந்தது. இந்நிலையில் திடீரென இவர் அங்கிருந்து கிளம்பின்னர். இது விஜய் டிவிக்கு மட்டுமல்ல, அதன் ரசிகர்களுக்கும் அதிர்ச்சியாக அமைந்தது. ஆரம்பத்தில் சன் டிவியில் கேரியரைத் துவக்கியவர் என்பதால் மீண்டும் அங்கேயே சென்று விட்டார் என்று பேசப்பட்டது. அப்போது அவர் சன் டிவியின் பூவே உனக்காக சீரியலில் ஒப்பந்தமானார். அன்றாடம் 8 மணிக்கு ஒளிபரப்பாகி வந்த அந்த சீரியலுக்கு நல்ல வரவேற்பு கிடைத்தது.

சில வாரங்கள் பத்து மணி ஸ்லாட்டில் விஜய் டிவியில் ஒளிபரப்பான பிக் பாஸ் நிகழ்ச்சியையே ரேட்டிங்கில் ’பூவே உனக்காக’ தொடர் முந்தியதும், அதனைச் சேனல் கொண்டாடியதும் கூட நடந்தது.

இந்நிலையில் சன் டிவி ஆண்டு தோறும் வழங்கும் சன் குடும்ப விருதுகளில் இந்த ஆண்டு பெஸ்ட் ஹீரோவுக்கான விருது பட்டியலில் அஸீம் இருப்பார் என்று எதிர்பார்க்கப்பட்டது.

 

 

 

 

 

View this post on Instagram

 

 

 

 

 

 

 

 

 

 

 

A post shared by MOHAMED AZEEM (@actor_azeem)

ஆனால், ’அன்பே வா’ வருண், ’சித்தி 2’ கவின், ‘கண்ணான கண்ணே’ யுவா, ‘கயல்’ எழில், ‘ரோஜா’ அர்ஜுன், ‘தாலாட்டு’ விஜய் என மொத்தம் 6 பேர் கொண்ட நாமினேஷன் பட்டியல் வெளியாகி அஸீமை அதிர்ச்சியிலும் அதிருப்தியிலும் ஆழ்த்தியுள்ளதாம்.

இதனால் அவர் மீண்டும் விஜய் டிவிக்கே திரும்பலாம் என்ற முடிவில் முயற்சிகள் எடுப்பதாக அரசல்புரசலாகப் பேசப்படுகிறது.

சன் டிவி சீரியல்களில் சிறந்த படைப்புகளுக்கு வழங்கப்படும் ’சன் குடும்ப’ விருதுகள் வரும் மார்ச் 30 ஆம் தேதி சென்னை தாம்பரத்திலுள்ள தனியார் கல்லூரி வளாகத்தில் நடக்க இருக்கிறது. இந்த நிகழ்ச்சியின் தொகுப்பு வரும் தமிழ்ப் புத்தாண்டையொட்டி சன் டிவியில் ஒளிபரப்பாகுமெனத் தெரிகிறது.  தமிழ்ப் புத்தாண்டு தினம் தான் சன் டிவி தொடங்கப்பட்ட தினம் என்பதும் குறிப்பிடத்தக்கது.

இன்ஸ்டாகிராம் வலைப்பக்கத்தில் அஸீமுக்கு ஏராளமான ஃபாலோவர்ஸ் உள்ளனர். அஞ்சுவதும் அடிபணிவதும் இறைவன் ஒருவனுக்கே என்று அதில் அவர் கேப்ஷன் வைத்திருப்பார். அவ்வப்போது சூட்டிங் ஸ்பாட் புகைப்படங்களை அவர் அதில் பகிர்வார்.